Mother Nature (qoʻshiq)
| „Mother Nature“ | ||||
|---|---|---|---|---|
| Eva Marija singli | ||||
| Chiqarilgan sanasi | 2025-yil 12-dekabr | |||
| Davomiyligi | 2:59 | |||
| Qoʻshiq muallif(lar)i |
| |||
| Eva Marija singllari xronologiyasi | ||||
| ||||
„Mother Nature“ (lyuksemburgcha: Mamm Natur) — lyuksemburglik xonanda, qoʻshiqlar muallifi va skripkachi Eva Marija tomonidan ijro etilgan qoʻshiq. Qoʻshiq Eurovision qoʻshiq tanlovi 2026da Lyuksemburg vakili sifatida ishtirok etdi. Bu mamlakatning tanlov tarixida butunlay ingliz tilida ijro etilgan ilk taronasi boʻldi. Shuningdek, ushbu tarona Lyuksemburg 2024-yilda tanlovga qaytganidan keyin finalga chiqa olmagan birinchi qoʻshiq sifatida qayd etildi.
Eurovision qoʻshiq tanlovi
Lyuksemburg qoʻshiq tanlovi 2026
2025-yil 30-oktyabrda Eva Marija „Lyuksemburg qoʻshiq tanlovi 2026“ tanlovining 8 ta ishtirokchisidan biri sifatida eʼlon qilindi[1]. Uning tanlovda ishtirok etgan „Mother Nature“ taronasi keyinchalik, 2025-yil 12-dekabrda ommaga taqdim etildi[2]. 2026-yil 14-yanvarda boʻlib oʻtgan tanlovda Marija superfinalga yoʻllanma olgan uchta finalistdan biri sifatida eʼlon qilindi. Ovoz berish jarayoni yakunlangach, Marija ham hakamlar, ham jamoatchilik ovoziga koʻra 1-oʻrinni egalladi. Natijada u tanlov gʻolibiga aylandi va Lyuksemburg nomidan 2026-yilgi Eurovision qoʻshiq tanlovida ishtirok etish huquqini qoʻlga kiritdi[3][4].
Eurovisionda
2026-yilgi Eurovision qoʻshiq tanlovi Avstriyaning Vena shahridagi „Wiener Stadthalle“ arenasida boʻlib oʻtdi. Shu yilning 12 va 14-may kunlari musobaqaning ikkita yarim finali hamda 16-may kuni final bosqichi boʻlib oʻtdi[5]. 2026-yil 12-yanvarda oʻtkazilgan qur’a tashlash natijasiga koʻra, Lyuksemburg 14-may kunidagi ikkinchi yarim finalning birinchi qismida ishtirok etadigan boʻldi[6].
Bahs-munozaralar
„Mother Nature“ taronasi britaniyalik xonanda Birdy ijrosidagi „Keeping Your Head Up“ qoʻshigʻiga oʻxshashligi tufayli bahs-munozaralarga sabab boʻldi. Shu sababli, RTL bu masala yuzasidan hamkor tashkilotlar bilan maslahatlashdi. Lyuksemburgning Eurovision tanlovidagi media-menejeri Jeff Spielmann gazetaga bergan intervyusida shunday deydi: "Shunisi aniqki, Mother Nature qoʻshigʻi oʻtgan yili Rockhaldagi ijodiy lagerda kompozitorlar va ijrochining oʻzi tomonidan birgalikda yozilgan. Birdy ijrosidagi tarona esa bu qoʻshiq uchun hech qanday asos yoki namuna vazifasini oʻtamagan. 2026-yil 11-fevralda qoʻshiqning Eurovision tanlovida ishtirok etishiga rasman ruxsat berildi. Jeff Spielmann „L’Essentiel“ gazetasiga bergan bayonotida shunday dedi: „Avstriyadagi tanlovga tayyorgarlik odatdagidek davom etmoqda“ „Biz hozircha qoʻshimcha choralar koʻrishga hech qanday ehtiyoj yoʻq, degan qarorga keldik“ „Qoʻshiqning hozirgi variantiga jiddiy oʻzgartirishlar kiritilmaydi“ „Shunday ekan, yangi tarona yozilishiga ham hojat yoʻq“[7][8].
Chartlar
| Chartlar (2026) | Eng yuqori oʻrni |
|---|---|
| Lyuksemburg (Billboard)[9] | 25 |
Manbalar
- ↑ Conte, Davide „🇱🇺 Luxembourg: Luxembourg Song Contest 2026 Participants Revealed“ (en-GB). Eurovoix (2025-yil 30-oktyabr). 2026-yil 21-fevralda asl nusxadan arxivlangan. Qaraldi: 2026-yil 31-yanvar.
- ↑ Conte, Davide „🇱🇺 Luxembourg: Luxembourg Song Contest 2026 Entries Released“ (en-GB). Eurovoix (2025-yil 11-dekabr). 2025-yil 11-dekabrda asl nusxadan arxivlangan. Qaraldi: 2026-yil 31-yanvar.
- ↑ Farren, Neil „🇱🇺 Luxembourg: Full Luxembourg Song Contest 2026 Results Revealed“ (en-GB). Eurovoix (2026-yil 30-yanvar). 2026-yil 30-yanvarda asl nusxadan arxivlangan. Qaraldi: 2026-yil 31-yanvar.
- ↑ Farren, Neil „🇱🇺 Luxembourg: Eva Marija to Eurovision 2026“ (en-GB). Eurovoix (2026-yil 24-yanvar). 2026-yil 25-yanvarda asl nusxadan arxivlangan. Qaraldi: 2026-yil 31-yanvar.
- ↑ „Vienna announced as host city for Eurovision Song Contest 2026“ (2025-yil 20-avgust). Qaraldi: 2026-yil 29-yanvar.
- ↑ „Vienna 2026: Semi-Final Draw results“ (en). Eurovision Song Contest (2026-yil 12-yanvar). 2026-yil 7-aprelda asl nusxadan arxivlangan. Qaraldi: 2026-yil 18-yanvar.
- ↑ „Luxembourg: RTL Consulting With Partners Over "Mother Nature" Plagiarism Claims“. eurovoix.com (2026-yil 28-yanvar). 2026-yil 28-yanvarda asl nusxadan arxivlangan. Qaraldi: 2026-yil 28-yanvar.
- ↑ „Archived copy“. Eurovoix. 2026-yil 11-fevralda asl nusxadan arxivlangan. Qaraldi: 2026-yil 15-fevral.
- ↑ „Luxembourg Songs: Week of February 7, 2026“. Billboard (inglizcha). 1 February 2026. 4 February 2026da asl nusxadan arxivlandi. Qaraldi: 4 February 2026.