Morningstar DBRS
 | |
| Sobiq nomi | DBRS (Dominion Bond Rating Service) |
|---|---|
| Tarmogʻi | |
| Egasi | Morningstar, Inc. |
| Status | Shoʻba korxona |
| Qachon asos solingan | 1976 |
| Hududiy xizmati | Butun dunyo |
| Asoschi(lari) | Walter Schroeder |
| Mahsulot(lar)i |
|
| Boʻlinmalari |
|
| Vebsayti | dbrs.morningstar.com |
| Til(lar)i | Ingliz tili |
Morningstar DBRS – bu xalqaro kredit reyting agentligi boʻlib, uning bosh ofislari Toronto, Nyu-York, Chikago, London, Frankfurt va Madrid shaharlarida joylashgan. Kompaniya moliyaviy institutlar, korporativ va suveren tashkilotlar hamda strukturalashtirilgan moliyaviy mahsulotlar va instrumentlar uchun mustaqil kredit reyting xizmatlarini taqdim etadi. Kompaniya dastlab 1976-yilda Torontoda Dominion Bond Rating Service nomi bilan tashkil etilgan boʻlib, 2019-yilda global moliyaviy xizmatlar firmasi Morningstar, Inc. tomonidan sotib olinganidan soʻng, uning faoliyati Morningstar Credit Ratings bilan birlashtirildi va Morningstar DBRS shakllantirildi[1][2]. Bu Kanadadagi eng yirik reyting agentligi hisoblanadi.
Morningstar DBRS global bozor ulushi boʻyicha toʻrtinchi yirik kredit reyting agentligi boʻlib, dunyo bozorining 2-3 foizini egallaydi[3]. Kompaniya Standard & Poor’s, Moody’s Investors Service va Fitch Ratings kabi Yevropa markaziy banki (ECB) tomonidan tashqi kredit baholash tashkiloti sifatida tan olingan toʻrtta kredit reyting agentligidan biridir[4]. Soʻnggi yillarda ECB Morningstar DBRSning Portugaliya, Irlandiya va Italiya kabi Yevropa mamlakatlari boʻyicha davlat reytinglaridan shunday maqsadlarda foydalanmoqda[5].
Tarixi
Kompaniyaga Walter Shroeder asos solgan boʻlib, u Torontodagi kichik bir idorada 1000 dollardan kam mablagʻ bilan ish boshlagan[6]. Keyinchalik Shroeder va uning oilasi kompaniyani The Carlyle Group hamda Warburg Pincus kompaniyalariga sotishgan[7].
DBRS 2003-yilda Chikago va Nyu-Yorkda oʻz vakolatxonalarini ochdi. 2008-yilda Dominion Bond Rating Service nomini DBRSga oʻzgartirgach, tashkilot 2010-yilda Londonda, 2018-yilda Frankfurtda[8] va 2019-yilda Madridda[9] oʻz idoralarini ochdi.
2019-yil 29-mayda Morningstar, Inc. taxminan 700 million dollarlik naqd pul va aksiyalar evaziga DBRSni sotib olganini maʼlum qildi[10]. Sotib olish jarayoni 2019-yil 2-iyulda yakuniga yetdi[11].
Korporativ tuzilma va tartibga solish
DBRS Limited Kanadada faoliyat yurituvchi kompaniya. DBRS, Inc. esa AQShda ish olib boruvchi kompaniya hisoblanadi. DBRS Ratings Limited Londonda joylashgan bo‘lib, agentlikning keng qamrovli Yevropa faoliyatini boshqaradi. DBRS Ratings GmbH Germaniyada, DBRS Ratings GmbH, Sucursal en España esa Ispaniyada faoliyat ko‘rsatadigan bo‘linmalardir.
Kanadada Morningstar DBRS Kanada qimmatli qog‘ozlar boshqaruvi orqali nazorat qilinadi va uning asosiy nazoratchi organi OSC hisoblanadi. AQShda Morningstar DBRS Qimmatli qog‘ozlar va birjalar komissiyasi tomonidan tartibga solinadi[12]. Yevropada esa Morningstar DBRS ESMA va FCA tomonidan nazorat ostiga olingan[13].
Manbalar
- ↑ Banerji, Gunjan. „Morningstar Looks to Expand Ratings Business with DBRS Deal“ (2019-yil 29-may).
- ↑ „Morningstar DBRS“.
- ↑ Martin, Timothy W.. „Carlyle, Warburg to Go After Big Three Ratings Firms With DBRS Purchase“ (en-US). Wall Street Journal (2015-yil 2-mart). Qaraldi: 2018-yil 19-mart.
- ↑ „External Credit Assessment Institutions (ECAI) - European Banking Authority“ (en-GB). www.eba.europa.eu. 2018-yil 15-avgustda asl nusxadan arxivlangan. Qaraldi: 2018-yil 19-mart.
- ↑ Wise, Peter „Portugal retains investment-grade rating at DBRS“ (en-GB). Financial Times (2017-yil 21-aprel). 2022-yil 11-dekabrda asl nusxadan arxivlangan. Qaraldi: 2018-yil 19-mart.
- ↑ „Is DBRS right on Europe?“. Qaraldi: 2018-yil 19-mart.
- ↑ „The Carlyle Group and Warburg Pincus to Acquire DBRS | The Carlyle Group“ (en). www.carlyle.com. 2018-yil 18-iyulda asl nusxadan arxivlangan. Qaraldi: 2018-yil 19-mart.
- ↑ Jones, Marc. „Rating firm DBRS picks Frankfurt as post-Brexit EU base“. Reuters. Reuters. Qaraldi: 2019-yil 24-yanvar.
- ↑ „Madrid Opening Marks DBRS's Third Office in Europe“. DBRS.com. Qaraldi: 2019-yil 24-yanvar.
- ↑ „Morningstar Buys Ratings Agency DBRS“ (2019-yil 29-may).
- ↑ „Morningstar Names Detlef Scholz President of Expanded Credit Ratings Organization“.
- ↑ „Canada to impose code of conduct on debt raters“. Qaraldi: 2018-yil 19-mart.
- ↑ Bernard, Stephen L.. „DBRS Pitches Increased Competition for Rating European Debt“ (en-US). Wall Street Journal (2012-yil 9-oktyabr). Qaraldi: 2018-yil 19-mart.