Kontent qismiga oʻtish

Morgan Bird

ZiyoSfera, erkin ensiklopediya
Morgan Bird
Shaxsiy maʼlumotlari
Taxallusi/Laqabi Birdie
Tavallud sanasi 1993-yil 6-sentyabr (1993-09-06) (33 yosh)
Regina, Saskachevan, Kanada
Boʻyi 163 sm
Sport
Mamlakat Kanada bayrogʻi Kanada
Qaysi sport para suzish
Murabbiy(lar)i Mike Thompson

Morgan Bird (1993-yil 6-sentyabrda tugʻilgan) – kanadalik para suzuvchi, xalqaro miqyosdagi musobaqalarda ishtiok etadi, asosan, erkin uslubda suzish boʻyicha raqobat olib boradi. 2020-yilgi Yozgi Paralimpiya oʻyinlarida ayollar oʻrtasida 34 ochko toifasida 4x100 metrga estafeta bahslarida bronza medalini qoʻlga kiritgan[1]. Ikki karra Parapan Amerika oʻyinlari chempioni, ikki karra jahon chempionati kumush medali sovrindori[2][3][4].

Yoshlik davri va taʼlimi

Morgan Bird 1993-yilda Kanadaning Saskachevan shtati Regina shahrida tugʻilgan. Otasining ismi Garth, onasi Heidi Bird[5]. Chap tomonini qamrab olgan serebral falajlik kasalligi bilan dunyoga kelgan[6]. Ushbu kasallikka qarshi kurashish maqsadida suzish bilan shugʻullana boshlagan[7]. 11 yoshidan sport musobaqalarida ishtirok etgan[5]. Bird Kalgaridagi Mount Royal universitetining Bolalar taʼlimi yoʻnalishi boʻyicha bakalavr darajasiga ega[8].

Karyerasi

Bird oʻzining Paralimpiadadagi debyut ishtirokini 2012-yilgi London Paralimpiya oʻyinlarida amalga oshirdi. U ayollar oʻrtasida S8 toifasida 400 metrga erkin usulda suzish bahsida 4-oʻrinni egalladi[5]. Oʻsha yilning oxirida sportchi Kanadaning 2012-yilgi Olimpiya jamoasining 4 nafar aʼzosi va Paralimpiya jamoasining yana 10 nafar aʼzosi bilan birga „Qirolicha olmos yubiley medali“ bilan taqdirlandi[9]. U oʻzining ilk xalqaro medalini 2013-yilgi IPC jahon chempionatida qoʻlga kiritib, 50 metrga erkin usulda va estafeta bahsida bronza medallariga sazovor boʻldi[5].

2014-yilgi Hamdoʻstlik oʻyinlarida Bird S8 toifasida 100 metrga erkin usulda suzish bahsida 4-oʻrinni egalladi[8]. 2015-yilgi Parapan Amerika oʻyinlarida ayollar oʻrtasida 400 metr (S8) va 50 metrga erkin usulda suzish (S8) yoʻnalishlarida oltin medal, shuningdek, 100 metrga erkin usulda (S8) suzish boʻyicha kumush medal qoʻlga kiritdi[10][11]. 2016-yilgi Rio Paralimpiadasida Bird S8 toifasida 100 metrga erkin usulda suzish bahsida 5-oʻrinni qayd etdi. 2018-yilgi Hamdoʻstlik oʻyinlarida ayollar oʻrtasida 50 metrga erkin usulda (S8) suzish yoʻnalishida shohsupaning ikkinchi pogʻonasiga koʻtarildi[12]. Shuningdek, oʻsha oʻyinlarda Bird bir toifaga yuqoriga koʻtarilib, ayollar oʻrtasida 100 metrga erkin usulda suzish yoʻnalishi (S9) boʻyicha ishtirok etdi[8].

2020-yilgi Yozgi Paralimpiada oʻyinlarida Bird Katarina Roxon, Sabrina Duchesne va Aurelie Rivard bilan bir jamoada 34 ochko toifasida ayollar oʻrtasida 4x100 metrga estafeta bahsida bronza medalini qoʻlga kiritdi[13][14].

Bird 2021-yilda professional para suzishdagi faoliyatini yakunlaganini eʼlon qildi[15].

Manbalar

  1. ↑ „Swimming BIRD Morgan“. Tokyo 2020 Paralympics. Tokyo Organising Committee of the Olympic and Paralympic Games. 2021-yil 12-sentyabrda asl nusxadan arxivlangan. Qaraldi: 2021-yil 12-sentyabr.
  2. ↑ „Morgan Bird - Team Canada Profile“. Canadian Paralympic Committee (2020-yil 14-fevral).
  3. ↑ „Morgan Bird - Swimming Canada Profile“. Swimming Canada (2020-yil 14-fevral).
  4. ↑ „Morgan Bird - IPC Profile“. International Paralympic Committee (2020-yil 14-fevral).
  5. ↑ 5,0 5,1 5,2 5,3 Lawrence. „Paralympic swimmer making waves has Carlyle connection“ (en). SaskToday.ca (2013-yil 27-dekabr). Qaraldi: 2024-yil 3-avgust.
  6. ↑ Parker. „Calgary’s Morgan Bird determined to be a voice for Paralympic movement in Canada“ (en-US). Global News (2017-yil 12-aprel). Qaraldi: 2024-yil 2-avgust.
  7. ↑ „Regina-born swimmer Morgan Bird has impressive showing at Parapan Am games“. CBC (2015-yil 13-avgust). Qaraldi: 2024-yil 2-avgust.
  8. ↑ 8,0 8,1 8,2 Morris. „Para-swimmer Morgan Bird not intimidated by racing in a higher class at Commonwealth Games“. Swimming Canada (2018-yil 29-mart). Qaraldi: 2024-yil 3-avgust.
  9. ↑ „2012 Olympians and Paralympians honoured in Calgary“ (en-US). Team Canada - Official Olympic Team Website (2012-yil 9-oktyabr). Qaraldi: 2024-yil 3-avgust.
  10. ↑ „Saskatchewan swimmers win multiple medals at Parapan Am Games“. CBC (2015-yil 10-avgust). Qaraldi: 2024-yil 2-avgust.
  11. ↑ Katie. „Women of the year: 30 Canadians who rocked 2015“. Chatelaine (2015-yil 27-dekabr). Qaraldi: 2024-yil 2-avgust.
  12. ↑ O’Halloran, Kate. „No fairytale finish for Kurt Fearnley but Australia win eight golds in pool“ (en-GB). The Guardian (2018-yil 10-aprel). Qaraldi: 2024-yil 3-avgust.
  13. ↑ Braun. „Canada wins swim bronze in 400m relay after U.S. and Great Britain disqualified“ (en-CA). The Toronto Observer (2021-yil 30-avgust). Qaraldi: 2024-yil 2-avgust.
  14. ↑ Rankin, Christine. „Paralympic wake-up call: Disqualifications result in shock bronze medal for Canadian swimmers“. CBC (2021-yil 29-avgust). Qaraldi: 2024-yil 2-avgust.
  15. ↑ „Paralympians Morgan Bird and Tammy Cunnington announce retirement“ (en-US). Canadian Paralympic Committee (2021-yil 2-dekabr). Qaraldi: 2024-yil 2-avgust. 
"https://ziyosfera.uz/index.php?title=Morgan_Bird&oldid=627216" dan olindi