Mohd Faiz Subri
|
| |||
| Shaxsiy maʼlumot | |||
|---|---|---|---|
| Toʻliq ismi | Mohd Faiz bin Subri[1] | ||
| Tavallud sanasi | 1987-yil 8-noyabr | ||
| Tavallud joyi |
Ayer Hitam, Kubang Pasu, Kedah, Malayziya | ||
| Boʻyi | 1.69 m | ||
| Ampluasi | Hujumchi | ||
| Klub maʼlumoti | |||
Joriy klub | Penang | ||
| Raqami | 13 | ||
| Yoshligida aʼzo boʻlgan klublar | |||
| 2006—2009 | Kedah | ||
| Professional faoliyati* | |||
| Yillar | Jamoa | Isht. | (Gol.) |
| 2009 | Tambun Tulang | 14 | (6) |
| 2010–2011 | Perlis | 34 | (5) |
| 2012 | T-Team | 26 | (9) |
| 2013 | Kelantan | 15 | (2) |
| 2014 | Terengganu | 9 | (1) |
| 2015–2019 | Penang | 73 | (16) |
| 2022– | Penang | 8 | (0) |
|
*Professional klublardagi gollari (ichki chempionat) (2022-yil 18-iyul uchun) | |||
Mohd Faiz bin Subri (1987-yil 8-noyabrda tugʻilgan) — malayziyalik professional futbolchi boʻlib, Malayziya Superligasining Penang jamoasi hujumchisi hisoblanadi[2]. U 2016-yilda FIFA Puskás mukofotini qoʻlga kiritishiga sabab boʻlgan jarima zarbasi bilan tanilgan.
Yoshligi
Faiz Kedahning Ayer Hitam shahrida tugʻilib oʻsgan[3]. U oilada besh farzandning uchinchisi hisoblanadi. Mohd boshlangʻich va oʻrta taʼlimni Kedahda Sekolah Kebangsaan Tengku Laksamana va Sekolah Menengah Kebangsaan Permatang Bonglai maktablarida olgan, keyinchalik esa Perlisdagi Sekolah Menengah Teknik Arau maktabida taʼlimini davom ettirgan[4].
Klublardagi faoliyati
Kedah, Tambun Tulang, Perlis, T–Team
Mohd Faiz 2006-yilda Kedah yoshlar jamoasida futbolchilik faoliyatini boshlagan. 2009-yilda u Tambun Tulang FAM Ligasi jamoasi bilan shartnoma imzolagan. Faiz bu jamoada bir mavsum davomida 14 ta liga oʻyini oʻtkazgan va 6 ta gol urishga muvaffaq boʻlgan. Tambun Tulang, shuningdek, Perlis jamoasi sharafini 2009-yilgi Piala Emas Raja-Raja turnirida himoya qilgan[4].
2010-yilda Faiz Malayziya Superligasi jamoasi Perlis bilan shartnoma imzolagan. U Perlisda ikki mavsum oʻynagan, keyin T–Teamga oʻtgan va jamoa bilan bir yillik shartnoma imzolagan[4].
Kelantan, Terengganu
2013-yilda Faiz Kelantan FA bilan bir yillik shartnoma imzolagan va u yerda sobiq jamoadoshi Zairo Anuar bilan birga oʻynagan. Faiz Kelantan safida Vyetnamning SHB Đà Nẵng jamoasiga qarshi oʻyinda AFC Kubogi guruh bosqichida bir gol urgan[4]. Faiz 2013-yilgi mavsum yakunida jamoani tark etishidan avvalgi soʻnggi mavsumida Kelantan safida 28 oʻyinda maydonga tushib, 5 ta gol urishga muvaffaq boʻlgan.
2014-yilda Faiz Terengganu FA bilan bir yillik shartnoma imzolagan va bu jamoada 14 oʻyinda 1 gol urishga muvaffaq boʻlgan.
Penang
Terengganu FAdagi faoliyatini tugatganidan soʻng, Faiz Terengganu FAdagi jamoadoshi Mazlizam Mohamad bilan birgalikda Penang FA futbol klubi bilan shartnoma imzolagan[5]. U Penang FA jamoasiga 2015-yilgi Malayziya Premyer Ligasida ikkinchi oʻrinni olishiga yordam bergan va jamoa 2016-yilda Malayziya Superligasiga koʻtarilgan.
Kuala Kangsar
2021-yil mart oyida Faiz Kuala Kangsar FC jamoasiga bilan shartnoma imzolagan va ushbu jamoada faoliyatini davom ettirgan[6].
Penangga qaytish
2022-yilda u ikkinchi marta Penang safida oʻynash uchun jamoaga qaytgan[7].
Xalqaro faoliyati
Faiz Malayziya milliy futbol terma jamoasiga birinchi marotaba 2012 va 2013-yillarda K. Rajagopal murabbiyligi davrida chaqirilgan, lekin ikkala chaqiruvda ham maydonga tushmagan. 2015-yilda Penangdagi kuchli oʻyini ortidan u Dollah Salleh murabbiyligidagi milliy terma jamoa safiga yana chaqirilgan[8].
Oʻyin uslubi
Faiz samarali hujumkor yarim himoyachi boʻlib, qanot himoyachisi yoki hujumchi sifatida ham oʻynashi mumkin. Uning kuchli tomonlariga tezligi, uzoq masofaga aniq zarbalar berishi va jamoadoshlariga uzatma berish qobiliyati kiradi. Faiz ayniqsa ajoyib jarima zarbalari bilan tanilgan.
2016-yilgi FIFA Puskás mukofoti
2016-yil 16-fevralda Faiz George Town shahridagi City Stadiumda Pahang FA jamoasiga qarshi oʻyinda (4:1) jarima zarbasidan gol urgan[9][10]. Uning jarima zarbasi videosi tez orada ijtimoiy tarmoqlarda tarqalib ketgan va Malayziya Futbol Assotsiatsiyasi uni oʻsha yilgi FIFA Puskás mukofoti uchun nomzod sifatida koʻrsatgan.
2017-yilda Faiz ushbu jarima zarbasi uchun FIFA Puskás mukofotini qoʻlga kiritgan. Faiz ushbu xalqaro mukofotni qoʻlga kiritgan birinchi osiyolik futbolchiga aylangan[11].
Statistikasi
Klublarda
2018-yil 18-iyul holatiga koʻra[12][13]
| Jamoa | Mavsum | Liga | FA Cup | Malaysia Cup | Xalqaro | Umumiy | |||||
|---|---|---|---|---|---|---|---|---|---|---|---|
| Ishtirok | Gollar | Ishtirok | Gollar | Ishtirok | Gollar | Ishtirok | Gollar | Ishtirok | Gollar | ||
| Tambun Tulang | 2009 | 14 | 6 | – | 14 | 6 | |||||
| Perlis | 2010 | 13 | 2 | 1 | 0 | 8 | 3 | – | 22 | 5 | |
| Perlis | 2011 | 21 | 3 | 1 | 0 | – | 22 | 3 | |||
| T–Team | 2012 | 26 | 9 | 4 | 1 | 6 | 1 | – | 36 | 11 | |
| Kelantan | 2013 | 15 | 2 | 3 | 2 | 6 | 0 | 4 | 1 | 28 | 5 |
| Terengganu | 2014 | 9 | 1 | 0 | 0 | 5 | 0 | – | 14 | 1 | |
| Penang | 2015 | 21 | 9 | 2 | 1 | – | 23 | 10 | |||
| Penang | 2016 | 16 | 2 | 1 | 0 | – | 17 | 2 | |||
| Penang | 2017 | 20 | 2 | 2 | 0 | – | 22 | 2 | |||
| Penang | 2018 | 16 | 3 | 0 | 0 | – | 16 | 3 | |||
| Umumiy | 243 | 39 | 14 | 4 | 25 | 4 | 4 | 1 | 272 | 48 | |
Manbalar
- ↑ „Faiz Subri Profile“. Football Malaysia. Qaraldi: 2018-yil 20-iyul.[sayt ishlamaydi]
- ↑ „Faiz Subri kembali beraksi di saingan Liga Super musim hadapan“ (ms). 2021-yil 28-iyulda asl nusxadan arxivlangan. Qaraldi: 2021-yil 24-oktyabr.
- ↑ Mohd. Firdaus Ismail. „Faiz idam sarung jersi Harimau Malaysia“ (ms). Utusan Malaysia (2016-yil 19-fevral). 2016-yil 20-dekabrda asl nusxadan arxivlangan. Qaraldi: 2016-yil 21-dekabr.
- ↑ 4,0 4,1 4,2 Mohamed Basyir. „Wonder' goal striker Faiz finally on target“. The Malay Mail (2016-yil 20-fevral). 2016-yil 21-fevralda asl nusxadan arxivlangan. Qaraldi: 2016-yil 4-dekabr.
- ↑ Muhammad Dayne Azmin. „Faiz Subri, Mazlizam sah milik Pulau Pinang“ (ms). Utusan Malaysia (2014-yil 5-noyabr). 2016-yil 4-dekabrda asl nusxadan arxivlangan. Qaraldi: 2016-yil 4-dekabr.
- ↑ „Faiz Subri sertai Kuala Kangsar FC“ (ms). 2021-yil 28-iyulda asl nusxadan arxivlangan. Qaraldi: 2021-yil 6-mart.
- ↑ „Faiz Subri sedia lalui perjalanan mencabar bersama Penang FC“ (Malay). Astro Awani. 2022-yil 7-yanvarda asl nusxadan arxivlangan. Qaraldi: 2022-yil 7-yanvar.
- ↑ Subkhi Sudarji. „Faiz pendekkan percutian bersama keluarga“ (ms). Sinar Harian (2015-yil 27-avgust). 2016-yil 4-dekabrda asl nusxadan arxivlangan. Qaraldi: 2016-yil 4-dekabr.
- ↑ Tharanya Arumugam. „Penang striker's 'physics-defyingʻ goal now famous worldwide [VIDEO“]. New Straits Times (2016-yil 17-fevral). Qaraldi: 2016-yil 1-dekabr.
- ↑ Simon Rice. „Outrageous free-kick scored in Malaysian Super League an early contender for 2016 Puskas Award“. The Independent (2016-yil 17-fevral). Qaraldi: 2016-yil 1-dekabr.
- ↑ FIFA.com „The Best FIFA Football Awards 2016 - Puskás Award“ (en-GB). FIFA.com. 2016-yil 3-noyabrda asl nusxadan arxivlangan. Qaraldi: 2017-yil 10-yanvar.
- ↑ „TranungNelang.blogspot.com: Piala FA : Faiz Subri Wira T-Team“. Qaraldi: 2016-yil 1-dekabr.
- ↑ „Faiz Subri menjaringkan gol kedua Kelantan“. 2013-yil 3-iyulda asl nusxadan arxivlangan. Qaraldi: 2013-yil 16-aprel.
- 8-noyabrda tugʻilganlar
- 1987-yilda tugʻilganlar
- Yashayotgan insonlar
- FIFA Puskás mukofoti sohiblari
- Malayziya Superligasi futbolchilari
- Perlis F.A. futbolchilari
- Terengganu F.C. II futbolchilari
- Perlis United F.C. futbolchilari
- Kelantan F.C. futbolchilari
- Terengganu FC futbolchilari
- Penang F.C. futbolchilari
- Futboldagi erkak qanot yarim himoyachilari
- Futboldagi erkak hujumchilar
