Mogadisholik Saʼid
Mogadishulik Saʼid | |
|---|---|
| Unvoni | Shayx |
| Shaxsiy maʼlumotlar | |
| Dini | Islom |
| Era | Oʻrta asrlar |
| Hudud | Somali yarimoroli/Arabiston yarim oroli |
| Asosiy qiziqish(lar)i | Islom falsafasi, Tarjima, bahs-munozaralar |
Mogadishulik Saʼid (somalicha: Saciid ka MuqdishoSaciid ka Muqdisho; arabcha: سعيد من مقديشو ) — somalilik 14-asr olimo va sayohatchisi.
Hayoti
Saʼid 1301-yilda Mogadishoda tugʻilgan.
„Men bu masjidda Mogadishodan boʻlgan, Saʼid deb ataluvchi, qomati va xulqi chiroyli bir faqih va taqvodor kishini uchratdim. U doimiy roʻza tutar edi, menga aytishlaricha, u Makka shahrida oʻn toʻrt yil, xuddi shuncha muddat [yana oʻn toʻrt yil] Madinada tahsil olgan. U Makka amiri Abu Numayy bilan [h. 1254–1301], va Madina amiri al-Mansur Ibn Jammaz bilan [h. 1300–1325] uchrashgan. Hindiston va Xitoy boʻylab sayohat qilgan“[1]
Saʼid oʻsmirligida Mogadishoni tark etib, Makka va Madinada oʻqish uchun yoʻl olgan. U yerda 28 yil qolib ilm toʻplagan va koʻplab shogirdlar yetishtirgan[2]. Olim sifatidagi shuhrati unga Makka va Madinaning amirlari huzuriga kirish imkonini bergan[3].
Bundan Saʼid nafaqat dunyo yoʻllarini yaxshi bilgani, balki amirlar bilan yaqin aloqasi tufayli koʻplab talabalarni ham jalb qilgani ayon boʻladi.
„Mogadisholik faqih Saʼid […] oxir-oqibat Ezhimala nomli kichik port-shaharchada qoʻnim topdi va u yerda, ehtimol, Malabardan maʼlum boʻlgan ilk shofiʼiy matn — Qayd al-jami’ muallifi boʻlishi mumkin boʻlgan faqih Husayn bilan hamkorlik qildi. Faqih Saʼid Malabar sohiliga kelib, uning diniy doiralari hayotida ishtirok etgan yana koʻplab Sharqiy Afrika olimlarining timsolidir; ularning hissasi esa qoʻshimcha tadqiqotlarni kutmoqda“[4].
Aytilishicha, Saʼid keyinchalik musulmon dunyosi boʻylab sayohat qilib, Bengal va Yuan Xitoyiga tashrif buyurgan. Hindistonning gʻarbiy sohilidagi bir masjidda boʻlgan paytida u hamroh musulmon sayohatchi Ibn Battuta bilan uchrashgan. Olim Piter Jeksonning fikricha, Saʼid shu uchrashuv chogʻida Battutaga Xitoyga qilgan safarlari haqidagi hikoyalarni, shuningdek, Yuan sulolasining siyosiy manzarasi va vorisligi haqida batafsil maʼlumotlarni yetkazgan boʻlishi mumkin; Battuta keyinchalik bularni oʻz xronikalariga kiritgan[5]. Saʼid 1361- yoki 1365-yilda vafot etgan boʻlishi mumkin.
Manbalar
- ↑ Rihla: 4.41
- ↑ History of Medieval Deccan, 1295–1724: Mainly cultural aspects edited by P. M. Joshi pg 7
- ↑ Between the Middle Ages and modernity: individual and community in the early By Charles H. Parker, Jerry H. Bentley pg 160
- ↑ (Kooriadathodi 2016: 209)
- ↑ Travels of Ibn Battuta — Review by Peter Jackson, Journal of the Royal Asiatic Society pg 264
[[Turkum:Mogadisholik kishilar
 | Islom olimiga oid ushbu maqola chaladir. Siz uni boyitib, ZiyoSferaga yordam berishingiz mumkin. |