Mobina Nematzade
| Mobina Nematzade | |
|---|---|
 Nematzoda 2022-yilgi Yozgi Osiyo oʻyinlarida | |
| Shaxsiy maʼlumotlari | |
| Jinsi | ayol |
| Fuqaroligi |
 Eron |
| Tavallud sanasi |
2005-yil 17-may Tehron, Eron |
| Boʻyi | 181 sm |
| Vazni | 53 kg |
| Sport | |
| Mamlakat |
Eron |
| Qaysi sport | taekvondo |
| Murabbiy(lar)i | Mahrouz Saei (milliy terma jamoa) |
Mobina Nematzadeh (forscha: مبینا نعمتزاده; 2005-yil 17-mayda tugʻilgan) — eronlik taekvondochi. Ayollar oʻrtasida 49 kg vazn toifasida 2022-yilgi Yozgi Osiyo oʻyinlarida bronza medalini qoʻlga kiritgan[1][2][3][4]. Xitoyning Tai’an shahrida boʻlib oʻtgan sarlash bahslarida 2024-yilgi Yozgi Olimpiada oʻyinlariga yoʻllanmani qoʻlga kiritgan[5][6]. Shuningdek, Fransiyaning Parij shahrida boʻlib oʻtgan 2024-yilgi Yozgi Olimpiada oʻyinlarida 49 kg vazn toifasida bronza medallaridan biriga sazovor boʻlgan[7].
Tavalludi va dastlabki sport faoliyati
Mobina Nematzade 2005-yil 17-mayda sportga ishtiyoqmand oilada dunyoga kelgan. Otasi milliy bodibilding terma jamoasining sobiq aʼzosi Abbas Nematzade boʻlib, qizining sportga boʻlgan qiziqishi shakllanishida muhim rol oʻynagan.
Nematzade olti yoshida taekvondo bilan shugʻullanishni boshladi va tez orada Tehronning oʻsmirlar jamoasi tarkibiga qoʻshildi. Oradan bir yil oʻtib, oʻzidan katta raqiblarga qarshi kurashib, mamlakat chempionligini qoʻlga kiritdi. 10 yoshida sportchi milliy terma jamoaga taklif qilindi, bu esa taekvondo sportida kam uchraydigan yutuq hisoblanadi[8].
Xalqaro yutuqlari
Nematzade xalqaro miqyosdagi ilk muvaffaqiyatli urishini 2017-yilda Vyetnamda boʻlib oʻtgan taekvondo boʻyicha oʻsmirlar oʻrtasida jahon chempionatida qayd etgan. Ushbu musobaqada sportchi oltin medalni qoʻlga kiritgan. 2019-yilda u Iordaniyadagi oʻtkazilgan taekvondo boʻyicha oʻsmirlar oʻrtasida Osiyo chempionatida va Oʻzbekistonda boʻlib oʻtgan jahon chempionatida yana ikkita oltin medalni qoʻlga kiritgan[manba kerak].
2022-yilda Nematzade Vyetnamda oʻtkazilgan yoshlar oʻrtasida Osiyo chempionatida oltin medal, Bolgariyada boʻlib oʻtgan yoshlar oʻrtasida jahon chempionatida yana bir oltin medalga sazovor boʻldi[9].
Kattalar terma jamoasidagi debyuti
Erta isteʼdodi va yutuqlari tufayli Nematzade kattalar terma jamoasiga taklif qilindi va u yerda ham yosh boʻlishiga qaramay sezilarli muvaffaqiyatlarga erishishda davom etdi. 2022-yilda sportchi Janubiy Koreyada boʻlib oʻtgan Osiyo chempionatida kumush medal va Tehronda oʻtkazilgan Osiyo klublar chempionatida oltin medalni qoʻlga kiritdi. Shuningdek, u Xanchjouda oʻtkazilgan 2022-yilgi Osiyo oʻyinlarida bronza medaliga ega chiqdi. Uning boshqa muhim yutuqlari qatorida Jahon taekvondo prezidenti kubogida qoʻlga kiritilgan bitta oltin va bitta bronza medali, shuningdek, Fransiya va Italiyadaa boʻlib oʻtgan Gran-pri musobaqalarida qoʻlga kiritilgan ikkita bronza medali bor[8].
2024-yilgi Yozgi Olimpiya oʻyinlari
Nematzade 19 yoshida Fransiyaning Parij shahrida oʻtkazilgan 2024-yilgi Yozgi Olimpiada oʻyinlarida oʻzining Olimpiada oʻyinlaridagi debyut ishtirokini amalga oshirdi. Birinchi bosqichda sportchi Lesoto vakili Michelle Thaoni magʻlub etib, chorak finalga yoʻl oldi. Bu bosqichda u 2020-yilgi Tokio Olimpiadasi kumush medali sovrindori, Ispaniya vakili Adriana Cerezo ustidan gʻalaba qozonib, yarim finalga yoʻllanmani qoʻlga kiritdi[manba kerak]. Yarim final bahsida Nematzade Xitoy vakilasi, 2022-yilgi jahon chempionati kumush medali sohibasi Gu Tsingga qarshi maydonga tushdi va ogʻir bellashuvdan soʻng bronza medali uchun bahsga yoʻllanmaga erishdi. Ushbu bahsda Nematzade Saudiya Arabistoni vakilasi, 2022-yilgi jahon chempionati bronza medali sovrindori Donya Abutaleb bilan jang qilib, gʻalaba qozondi va Yozgi Olimpiya oʻyinlarining bronza medaliga ega chiqdi[manba kerak].
Ushbu bronza medal eronlik ayollar sporti tarixida Kimia Alizade tomonidan qayd etilgan natijadan keyingi ikkinchi Olimpiya medali boʻlib, Mobina Nematzade va umuman Eron sporti uchun muhim yutuq hisoblanadi[10].
Manbalar
- ↑ "Iranian Female Taekwondo Fighter Bags Bronze Medal". Iranian National Olympic Committee. 26 September 2023. Archived from the original on 2024-10-07. https://web.archive.org/web/20241007140926/https://www.olympic.ir/en/news/38631/Iranian-Female-Taekwondo-Fighter-Bags-Bronze-Medal. Qaraldi: 2026-03-26.Mobina Nematzade]]
- ↑ Iranian teen snatches gold at World Taekwondo C'ship. 8 August 2019. https://en.mehrnews.com/news/148629/.
- ↑ Iran Takes Two Golds at World Junior Taekwondo C'ship. 4 August 2022. https://tn.ai/2753038.[sayt ishlamaydi]
- ↑ Iranian taekwondo athletes finish Rome Grand Prix with five medals. 12 June 2023. https://iranpress.com/iranian-taekwondo-athletes-finish-rome-grand-prix-with-five-medals.
- ↑ „Iran's Taekwondo Athlete Nematzadeh Secures 2024 Paris Berth - Sports news“ (en). Tasnim News Agency. Qaraldi: 2024-yil 15-mart.
- ↑ „Iran's taekwondoka Nematzadeh secures berth at 2024 Olympics“. Mehrnews.com (2024-yil 15-mart).
- ↑ „Results of Taekwondo – Women's 49 kg at 2024 Summer Olympics“. Olympic.com (2024-yil 7-avgust).
- ↑ 8,0 8,1 „مبینا نعمتزاده - دانشنامه ویکیدا“ (fa). fa.wikida.ir. Qaraldi: 2024-yil 10-avgust.
- ↑ „تک نگاری| مبینا نعمت زاده کیست؟/ ستاره جهشی در رویای مدال“ (fa). www.khabaronline.ir (2024-yil 7-avgust). Qaraldi: 2024-yil 10-avgust.
- ↑ „Iran’s Nematzadeh grabs bronze in taekwondo: 2024 Paris“ (en). Tehran Times (2024-yil 7-avgust). Qaraldi: 2024-yil 10-avgust.
Havolalar
- Mobina Nematzadeh 2022 Osiyo oʻyinlarida (arxivlangan)