Mixail Vrubel
Mixail Aleksandrovich Vrubel [1856.5(17).3, Omsk - 1910.1(14).4, Peterburg] — rus rassomi. Peterburg Badiiyot akadimyasi akademik (1905). Vrubel oʻrta asrlar va Uygʻonish davri sanʼati, antik dunyo mifologiyasi va rus ertaklaridan ilhomlangan; yuksak mahobatli uslub va milliy shakllar izlash, bezakka eʼtibor uning asarlariga "modern" uslubiga xos xususiyatlar baxsh etgan. "Eron gilami fonidagi qiz" (1886), "Nastarin gul" (1900), "Hamlet va Ofeliya" kabi asarlari rassomga shuhrat keltirdi. "Demon" (1890) asarida "mangu mavzu" yaxshilik va yomonlik masalasini ramziy maʼnoda yosh, goʻzal, pahpavon isyonkor Demon qiyofasida ifoda etdi. Shuningdek, "Venesiya" (1894), "Folbin" (1895), "Oqqush-malika" (1900) kabi asarlari ham mashhur.[1]
Manbalar
- ↑ "Vrubel Mixail Aleksandrovich" OʻzME. V-harfi (Wayback Machine saytida 2021-08-30 sanasida arxivlangan) Birinchi jild. Toshkent, 2000-yil
 | Ushbu maqolada Oʻzbekiston milliy ensiklopediyasi (2000-2005) maʼlumotlaridan foydalanilgan. |
 | Shaxsiyat haqidagi ushbu maqola chaladir. Siz uni boyitib, ZiyoSferaga yordam berishingiz mumkin. |