Mishkāt al-Anvār
Mishkat al-Anvar yoki Nurlar chirogʻi – islom ilohiyotchisi Gʻazzoliy (1058-1111) tomonidan yozilgan va Qur’ondagi Nur oyatini tahlil qiluvchi tafsiriy asar.
Tavsifi
Muallifning hayotining soʻnggi davrlarida yozilgan bu sharh, ushbu oyat va unga bogʻliq hadisni tasavvuf nuqtai nazaridan talqin qiladi. Asarda ilohiy nur metafizikasi va inson ruhi oʻrtasidagi munosabatlar yoritilgan. Qisqa va ixcham til bilan yozilgan boʻlib, argumentlarida koʻplab Qur’on oyatlariga murojaat qilinadi.
Asar uch bobdan iborat. Birinchi bob oyatning birinchi jumlasini tahlil qilsa, ikkinchi va uchinchi boblarda bu talqin kengaytirilgan. Xudoning nuri – mavjudot va bilim bilan bir xil deb taʼriflanadi va bu butun borliqning asosi hisoblanadi. Gʻazzoliy oʻz argumentlarida tabiiy va gʻayritabiiy olamlar oʻrtasidagi oʻxshashliklardan foydalanadi. U ruhning tozalanish jarayonini va „muqaddas paygʻambar ruhi“ni idrok etishga urinishini tasvirlaydi[1].
Manbalar
- ↑ Ġazālī, Muḥammad ibn Muḥammad Abū Ḥāmid al-; Buchman, David. The niche of lights: a parallel English-Arabic text, Islamic translation series. Provoh (Utah): Brigham young university press, 1998. ISBN 978-0-8425-2353-0.