Mirzo Olim Toshkandiy ibn Mirza Rahim
Mirzo Olim Toshkandiy Ibn Mirza Rahim (taxallusi Mushrif) (XIX asr) – tarixchi olim, shoir.
Qoʻqon xonlari Xudoyorxon va Mallaxon saroylarida mushrif (nazoratchi) vazifasida ishlagan. XIX asr oxirida yozgan „Ansob ussalotin va tavorix ul-xavoqin“ („Sultonlar shajarasi va xoqonlar tarixi“) asari bilan mashhur. Asar Fargʻonaning XV—XIX asrlar orasidagi tarixini oʻz ichiga oladi. Muallif, ayniqsa, Qoʻqon xonligini soʻnggi davri 1842—1876-yillar tarixini keng yoritgan. Asarda Qoʻqon adabiy muhiti batafsil tasvirlangan. Mazkur asar boʻyicha dastlabki maʼlumotni Validiy keltirib, 1913-yilda uni Qoʻqonda Yunusjon dodxoh kutubxonasida koʻrganligini yozgan. Bir nechta qoʻlyozma nusxalari Oʻzbekiston Respublikasi Fanlar akademiyasining Sharqshunoslik institutida saqlanadi. Oʻzbek va tojik tillarida „Mushrif“ taxallusi bilan sheʼrlar yozgan[1].
Asarlari
- Qoʻqon xonligi tarixi (Ansob ussalotin va tavorix ul-xavoqin), T., 1995.
Manbalar
 | Ushbu maqolada Oʻzbekiston milliy ensiklopediyasi (2000-2005) maʼlumotlaridan foydalanilgan. |
  | Oʻzbekistonlik shaxsiyat haqidagi uşbu maqola çaladir. Siz uni boyitib, ZiyoSferaga yordam berişingiz mumkin. |