Mircəlil Qasımlı
| Mircəlil Qasımlı | |
|---|---|
| Ozarbayjon Respublikasi Milliy Majlisi deputati. | |
| Shaxsiy maʼlumotlari | |
| Tavalludi |
1992-yil 19-mart Boku, Ozarbayjon |
| Taʼlim |
|
Mircəlil Xəqani oʻgʻli Qasımlı (1992-yil 19-mart, Boku) — Ozarbayjon jamoat va siyosat arbobi, Ozarbayjon Respublikasi Milli Mejlisining VII chaqiriq deputati[1].
Hayoti
Mircəlil Xəqani oʻgʻli Qasımlı 1992-yil 19-martda Boku shahrida tugʻilgan[2]. 2009-yilda Boku shahri Xətai tumanidagi 249-sonli toʻliq oʻrta maktabni tugatib, Ozarbayjon davlat iqtisodiyot universitetining Moliya fakultetiga oʻqishga kirgan va uni 2013-yilda bitirgan.
Mircəlil Qasımlı mehnat faoliyatini 2010-yilda magistral avtomobil yoʻllarining „Intellektual boshqaruv tizimi“ markazida tijorat direktori sifatida boshlagan va 2013-yilgacha ushbu lavozimda ishlagan. 2017–2018-yillarda Turkiyaning „Pluss Garden 2“ kompaniyasida direktor, 2018–2021-yillarda „Türkiye Organize Sanayi Bölgesi“ ishlab chiqarish korxonasida direktor, 2021-yildan esa Ozarbayjon Respublikasi Iqtisodiyot vazirligi huzuridagi Mulk masalalari davlat xizmatiga qarashli kompaniyalarda rahbarlik lavozimlarida — 2021-yilda „Yeni BEMZ“ OAJ raisining birinchi oʻrinbosari, 2021–2022-yillarda „Azərborukəmərtikinti“ MChJ direktori va 2022-yildan „Bakı Məişət Maşınları“ OAJ raisi lavozimlarida ishlagan.
2024-yil sentyabr oyida oʻtkazilgan navbatdan tashqari parlament saylovlarida 123-sonli Kalbajar saylov okrugidan Ozarbayjon Respublikasi Milli Mejlisining deputati etib saylangan. Milli Mejlisning Inson huquqlari qoʻmitasi hamda Yoshlar va sport qoʻmitasi, shuningdek, Mustaqil Davlatlar Hamdoʻstligiga aʼzo davlatlar Parlamentlararo Assambleyasining aʼzosi hisoblanadi[3].
Professional sportchi. Jang sanʼatlari boʻyicha jahon chempioni va 8 karra Ozarbayjon chempioni boʻlgan.
Oilasi
Oila qurgan, bir nafar farzandi bor. Olim, diplomat Jalol Qasimovning jiyani. Slovakiyaning Ozarbayjondagi elchisi Elchin Qasimov uning amakivachchasi[4].
Manbalar
- ↑ „VII çağırış Milli Məclisin deputatları - SİYAHI“. Report İnformasiya Agentliyi (2024-yil 21-sentyabr). 2024-yil 21-sentyabrda asl nusxadan arxivlangan. Qaraldi: 2024-yil 21-sentyabr.
- ↑ „Parlamentə seçilən ən gənc deputatlar onlardır“ (az). valyuta.az (2024-yil 22-sentyabr). 2024-yil 22-sentyabrda asl nusxadan arxivlangan. Qaraldi: 2024-yil 22-sentyabr.
- ↑ „Qasımlı Mircəlil Xəqani oğlu“. Azərbaycan Respublikasının Milli Məclisi. Qaraldi: 2024-yil 10-oktyabr.
- ↑ „Slovakiya əslən Kəlbəcərdən olan diplomatını Azərbaycana səfir təyin etdi“.