Milliy musulmonlar taʼlim kengashi
Milliy musulmonlar taʼlim kengashi — 1978-yilda Birlashgan qirollik musulmon tashkilotlari ittifoqi tomonidan tashkil etilgan britan xayriya tashkiloti[1]. Uning ilk raisi Safa Xulusiy boʻlgan[2].
Uning vazifasi „boshqa taʼlim xayriya tashkilotlari bilan taʼlim faoliyatini muvofiqlashtirish. Musulmon boʻlgan katta yoshli va bolalarni oʻqitishga koʻmaklashish kengashning asosiy maqsadidir. Diniy faoliyatlarni targʻib qilish va dinlararo taʼlim kengashlarida ishtirok etish ham shular jumlasidandir.“[3].
Kengash diniy taʼlim boʻyicha hujjatlar va maqolalar nashr etadi[4]. 1988-yilda u hukumatdan maktablarda „asosan xristiancha“ ibodatlarni talab qilgan Birlashgan Qirollikning Taʼlimni isloh qilish toʻgʻrisidagi aktini oʻzgartirishni soʻrab lobbi yuritgan. Ular matndagi iborani „yagona oliy Xudoga ibodat qilish“ tarziga oʻzgartirishni istagan. Shuningdek, Diniy taʼlim boʻyicha doimiy Maslahat qoʻmitalarida musulmonlarning ishtiroki kuchaytirilishini ham talab qilganlar[5]. 2001-yilda kengash kotibi Said Aziz Pasha Birlashgan Qirollikdagi pokistonlik bolalarning juda koʻp Qurʼon oʻqishi ularning taʼlimdagi natijalarini yomonlashtirayotgani haqidagi hisobot fonida musulmon diniy taʼlimini himoya qilgan[6].
Manbalar
- ↑ Humayun Ansari, The Infidel within: Muslims in Britain since 1800, C. Hurst & Co. Publishers, 2004, P.350
- ↑ Sam Khulusi, Safa Khulusi: Obituary, The Independent, October 5, 1995.
- ↑ Sheikh Afirst1=Aziz; Gatrad, Abdul Rashid. Caring for Muslim patients. Radcliffe Publishing, 2008 — 20-bet.
- ↑ Muslim education quarterly, Volume 15, Islamic Academy, 1997, p. 20
- ↑ New community, Volume 18, Centre for Research in Ethnic Relations, University of Warwick, 1991, p.465.
- ↑ Warwick Mansell, Anger at attack on Muslim education, Times Educational Supplement, 2 November 2001.