Millat bogʻi

Millat bogʻi
Millat bogʻi
Turi	Jamoat xiyoboni
Manzil	Tehron, Eron
Coordinates	35°46′42″N 51°24′38″E / 35.7784°N 51.4105°E

Millat bogʻi (forscha: پارک ملت Pārk-e Mellat) — Eronning Tehron shahridagi milliy bogʻ. Shaharning eng yirik yashil hududlaridan biri hisoblanadi^[1]. 1979-yilgi inqilobgacha Shoh bog‘i sifatida tanilgan.

Taʼrifi

Bog‘ meʼmor Iroj Etesam tomonidan loyihalashtirilgan bo‘lib, Farah Pahlaviy tashabbusi bilan Shoh bog‘i (forscha: پارک شاهنشاهی Pārk-e Šāhanšāhi) sifatida barpo etilgan. 1979-yilgi inqilobdan so‘ng uning nomi „Millat bog‘i“ deb o‘zgartirilgan.

Bog‘ Vali Asr ko‘chasiga yaqin joylashgan bo‘lib, sharqda Alburz tog‘lari etagidan boshlanadi va g‘arbda Chamran tezkor avtomagistrali hamda Seul ko‘chasigacha cho‘ziladi. Tehron xalqaro ko‘rgazmasi va Enghelab golf klubi hududidan janubda joylashgan. Bog‘da Tehrondagi ilk musiqiy favvoralardan biri joylashgan^[2].

Bogʻda 1887-yilda Belgiyadagi Tyubiz ustaxonasida ishlab chiqarilgan 664-raqamli lokomotiv ham bor. U 1886–1888-yillarda qurilgan birinchi fors temir yo‘li uchun xizmat qilgan^[3]. Bu yerda, shuningdek, bolalar maydonchalari, tamaddixonalar, kafelar va kichik qoʻriqxona, sayr yo‘laklari, piknik va dam olish joylari hamda sun’iy ko‘l mavjud.

Madaniyat majmuasi

Bog‘ning janubi-sharqiy chekkasida xuddi shu nomdagi Millat Madaniyat majmuasi joylashgan. U me’morlar Reza Daneshmir va Catherine Spiridonoff tomonidan loyihalashtirilgan bo‘lib, taxminan 6000 kv metr maydonga ega^[4]. 2008-yil 9-noyabrda ochilgan. Majmua 4 ta teatr zali, kinoteatr va ko‘rgazmalar uchun moʻljallangan maydonni oʻz ichiga oladi^[5].