Kontent qismiga oʻtish

Michael Carrick

ZiyoSfera, erkin ensiklopediya
Michael Carrick
Carrick as head coach of Middlesbrough in 2025
Shaxsiy maʼlumot
Toʻliq ismi Michael Carrick
Tavallud sanasi 1981-yil 28-iyul (1981-07-28) (45 yosh)
Tavallud joyi Wallsend, Tyne and Wear, England
Boʻyi 6 fut 2 inches (1.88 m)[1]
Ampluasi Midfielder
Klub maʼlumoti
Joriy klub
 Manchester United (head coach)
Yoshligida aʼzo boʻlgan klublar
1986–1997 Wallsend Boys Club
1997–1999 West Ham United
Professional faoliyati*
Yillar Jamoa Isht. (Gol.)
1999–2004 West Ham United 136 (6)
1999 → Swindon Town (loan) 6 (2)
2000 → Birmingham City (loan) 2 (0)
2004–2006 Tottenham Hotspur 64 (2)
2006–2018 Manchester United 316 (17)
Total 524 (27)
Milliy terma jamoa
England U18 4 (0)
2000–2003 England U21 14 (2)
2006 England B 1 (0)
2001–2015 England 34 (0)
Boshqargan klublari
2021 Manchester United (caretaker)
2022–2025 Middlesbrough
2026– Manchester United
*Professional klublardagi gollari (ichki chempionat)

Michael Carrick (1981-yil 28-iyulda tugʻilgan) — ingliz professional futbol murabbiyi va sobiq futbolchi; ayni paytda Premer-liga klubi „Manchester Yunayted“ning bosh murabbiyi hisoblanadi. U asosan „Manchester Yunayted“dagi 12 yillik faoliyati bilan tanilgan; jamoada oʻtkazgan soʻnggi mavsumida u sardorlik vazifasini ham bajargan. Karrik yarim himoyachi boʻlib, asosan tayanch yarim himoyachi pozitsiyasida oʻynagan, ammo Aleks Fergyuson, Devid Moyes, Lui van Gal va Joze Mourinyo qoʻl ostida zarurat tugʻilganda markaziy himoyachi sifatida ham maydonga tushgan. Uning oʻyin uslubi asosan aniq pas uzatish mahoratiga asoslangan edi.

Karrik oʻz faoliyatini „Vest Xem Yunayted“da boshlagan: 1997-yilda klubning yoshlar jamoasiga qoʻshilgan va ikki yildan soʻng Angliya yoshlar kubogini (FA Youth Cup) qoʻlga kiritgan. U professional faoliyatining ilk mavsumida ikki marta — „Suindon Taun“ va „Birmingem Siti“ klublariga ijaraga berilgan, 2000–01-yilgi mavsumga kelib esa asosiy tarkibdan mustahkam oʻrin egallagan. 2002–03-yilgi mavsumda jamoasi quyi ligaga tushib ketgan boʻlsa-da, keyingi mavsumda Karrik PFA (Professional futbolchilar assotsiatsiyasi) tomonidan Birinchi divizionning „Yil ramziy terma jamoasi“ga kiritilgan. U „Vest Xem“ safida 150 dan ortiq oʻyinda maydonga tushgan, 2004-yilda esa taxminan 3,5 million funt sterling evaziga Londonning raqib klubi — „Tottenxem Hotspur“ga oʻtgan. U yerda ikki mavsum davomida muhim oʻyinchi boʻlganidan soʻng, 2006-yilda 14 million funt sterling evaziga „Manchester Yunayted“ga transfer qilingan.

„Manchester Yunayted“ga kelgan ilk mavsumidayoq Karrik asosiy tarkibning doimiy oʻyinchisiga aylangan va 50 dan ortiq uchrashuvda maydonga tushgan. U 2006–07-yilgi mavsumda Premer-liga chempionligini qoʻlga kiritgan jamoaning asosiy futbolchilaridan biri boʻlgan — bu „Yunayted“ning toʻrt yil ichidagi ilk yirik sovrini edi. Keyingi mavsumda u 2008-yilgi Chempionlar ligasi finalida gʻalaba qozongan jamoa tarkibida boʻlgan. Oʻsha oʻyinda u toʻliq 120 daqiqa harakat qilgan va penaltilar seriyasida (6:5 hisobida) gʻalaba qozonishga hissa qoʻshgan; Karrik oʻz zarbasini aniq amalga oshirib, jamoasiga Yevropa miqyosidagi „dubl“ga (ichki chempionat va Chempionlar ligasi gʻolibligi) erishishda yordam bergan. 2025-yil holatiga koʻra, u — sobiq jamoadoshi Ueyn Runi bilan bir qatorda — Premer-liga chempionligi, Angliya kubogi, UEFA Chempionlar ligasi, Liga kubogi, Angliya Superkubogi (FA Community Shield), UEFA Yevropa ligasi va FIFA klublar oʻrtasidagi jahon chempionatida gʻolib chiqqan ikki nafar ingliz futbolchisidan biridir[2][3]. 2016-yilda Angliya kubogini qoʻlga kiritish orqali Karrik Angliya futbolidagi barcha ichki sovrinlarni oʻz kolleksiyasiga jamladi.

Karrik Angliya sharafini U-18, U-21, „B“ terma jamoasi va asosiy milliy terma jamoa darajalarida himoya qilgan. U 2001-yilda Angliya terma jamoasi safida debyut qilgan va jami 34 ta oʻyinda maydonga tushgan, ammo biror marta ham gol urmagan. Karrik terma jamoadagi faoliyati davomida koʻpincha eʼtibordan chetda qolgan, chunki uning pozitsiyasida oʻynaydigan boshqa koʻplab zamondoshlariga koʻproq imkoniyat berilgan. Vaziyat 2012–13-yilgi mavsumga kelib oʻzgardi — oʻsha davrda Karrik terma jamoaning doimiy oʻyinchisiga aylandi. U ikkita yirik turnirda — 2006 va 2010-yilgi jahon chempionatlarida Angliya terma jamoasi tarkibida ishtirok etgan.

Shaxsiy hayoti

Carrick va biznes sohasi boʻyicha oliy maʼlumotga ega boʻlgan pilates murabbiyi Lisa Roughead maktabda oʻqib yurgan paytlariyoq uchrasha boshlashgan. Ular 2007-yil 16-iyunda Lestershir grafligidagi Uaymondxem qishlogʻida turmush qurishgan boʻlib, bir nafar qiz va bir nafar oʻgʻil farzandlari bor[4].

2018-yilning oktyabr oyida Carrick 2009-yilgi UEFA Chempionlar ligasi finalidagi magʻlubiyatdan soʻng ikki yil davomida tushkunlikdan aziyat chekkanini maʼlum qildi[5].

Uning ukasi Graeme ham murabbiylik faoliyati bilan shugʻullanadi, u „Nyukasl Yunayted“ klubida hamda „Middlesbrough“ning asosiy jamoasi murabbiylar shtabida turli lavozimlarda ishlagan[6][7].

Yutuqlari

Oʻyinchi

West Ham United U18
  • Angliya yoshlar kubogi: 1998-1999[1]
West Ham United
  • UEFA Intertoto kubogi: 1999[1]
Manchester Yunayted
  • Premer-liga: 2006-07, 2007-08, 2008-09, 2010-11, 2012-13[1]
  • Angliya kubogi: 2015-16[1]
  • Futbol ligasi/EFL kubogi: 2008-09, 2009-10, [1] 2016-17 [2]
  • FA Community Shield: 2007,[1] 2008,[2] 2010,[3] 2011,[4] 2013,[5] 2016[6]
  • UEFA Chempionlar Ligasi: 2007-08[1]
  • UEFA Yevropa Ligasi: 2016-17[1]
  • FIFA klublar oʻrtasidagi jahon chempionati: 2008[1]
Shaxsiy
  • PFA yilning eng yaxshi jamoasi: 2003-04 Birinchi divizion[1], 2012-13 Premer-liga[2]
  • „Manchester Yunayted“ futbolchilari tomonidan yilning eng yaxshi futbolchisi: 2012-13[1]

Menejer

Shaxsiy
  • EFL chempionatida oyning eng yaxshi menejeri: 2023-yil mart[1]
  • Premer-ligada oyning eng yaxshi murabbiyi: 2026-yil yanvar[1]

Manbalar

  1. ↑ „Michael Carrick“. ManUtd.com. Manchester United. 2010-yil 27-dekabrda asl nusxadan arxivlangan. Qaraldi: 2014-yil 23-dekabr.
  2. ↑ „Michael Carrick: Man Utd midfielder agrees new one-year deal“. BBC Sport (2017-yil 27-may).
  3. ↑ „Carrick hungry to add Super Cup to trophy cabinet“. FourFourTwo (2017-yil 8-avgust). 2018-yil 13-oktyabrda asl nusxadan arxivlangan. Qaraldi: 2017-yil 12-avgust.
  4. ↑ „Pitter Patter: Michael and Lisa Carrick Welcome Baby Jacey“. Kickette (2010-yil 4-may). 2010-yil 1-sentyabrda asl nusxadan arxivlangan. Qaraldi: 2010-yil 4-may.
  5. ↑ „Michael Carrick: 'I was depressed for two years after Champions League final defeat'“. BBC Sport (2018-yil 9-oktyabr). Qaraldi: 2018-yil 9-oktyabr.
  6. ↑ „Graeme Carrick leaves Academy coaching role“. NewcastleUnited.com. Newcastle United (2024-yil 25-iyun). Qaraldi: 2026-yil 13-yanvar.
  7. ↑ „Graeme Carrick joins Boro's first-team staff“. MFC.co.uk. Middlesbrough F.C. (2024-yil 25-iyun). Qaraldi: 2026-yil 13-yanvar.

Havolalar

Vikiomborda „Michael Carrick“ mavzusi boʻyicha mediafayllar bor.
  • {{UEFA player}} template missing ID and not present in Wikidata.
  • {{FIFA player}} template missing ID and not present in Wikidata.
"https://ziyosfera.uz/index.php?title=Michael_Carrick&oldid=1486591" dan olindi