Mezidemestan Kadın
| Mezidemestan Kadın | |||||
|---|---|---|---|---|---|
| Tugʻilishi |
Qadriye Kamile Merve Mikanba 1869-yil 3-mart Ganja | ||||
| Vafoti | Yildiz saroyi, Konstantinopol, Usmoniylar davlati (hozirgi Istanbul, Turkiya) | ||||
| Turmush oʻrtogʻi |
Abdulhamid II (turm. 1885) | ||||
| Farzandlari | Shahzoda Mehmed Burhoniddin | ||||
| |||||
| Uy |
Mikanba (tugʻilganida) Usmonli (turmushidan keyin) | ||||
| Otasi | Qaymat Bek Mikanba | ||||
| Dini | Islom, sunniylik | ||||
Mezidimestan Kadın (usmonli turkcha: مزیدمستان قادین – „quvnoq ayol“, shuningdek, Mezide Kadın; asl ismi Qadriye Kamile Merve Mikanba; 1869-yil 3-martda tugʻilgan – 1909-yil 21-yanvarda vafot etgan) – Usmoniylar davlati sultoni Abdulhamid II ning oltinchi xotini.
Yoshligi
Mezidimestan Kadın 1869-yilda tugʻilgan[1]. Asl ismi – Qadriye Kamile Merve Mikanba[2]. U abxaz zodagonlaridan Mikanba oilasining aʼzosi edi. Otasining ismi Qaymat Bey Mikanba boʻlgan[2]. Yoshligida uni Istanbulga olib kelishgan va u yerda sulton Abdulhamid II ning ota bir katta ukasi Murod V ning atrofida xizmat qiladigan shaxlarga topshirilgan. Bu yerda Usmoniylar saroyi odatiga koʻra, uning ismi Mezidimestanga oʻzgartirilgan. Mezide nihoyatda uyatchanligi bilan tanilgan edi. U sulton Abdulhamid II ning kichik oʻgay ukasi sulton Mehmed VI ning boʻlajak xotini Emine Nazikeda xonimning xolasi boʻlgan[3].
Turmush qurishi
Mezidimestan 1885-yil 2 fevralda Yıldız saroyida Abdulhamid II ga turmushga chiqqan[4] va unga „Beshinchi Kadın“ unvoni berilgan. 1885-yil 19-dekabrda, yaʼni nikohdan 10 oy oʻtib, u yagona oʻgʻli Shahzoda Mehmed Burhoniddinga homilador boʻlgan[5]. Mehmed Burhoniddin sulton Abdulhamidning eng sevimli oʻgʻli edi. Sultonning eng suyukli oʻgʻlining onasi sifatida Mezidemestan juda kuchli taʼsirga ega edi, biroq hech qachon oʻz mavqeini suiisteʼmol qilmagan, aksincha, hammaga yordam bergani tanilgan. Hatto oʻgay farzandlari ham Mezideni yaxshi koʻrgan[6].
1895-yilda Mezidimestan „Toʻrtinchi Kadın“ unvoniga[5], 1901-yilda esa „Uchinchi Kadın“ unvoniga koʻtarilgan. Sulton Abdulhamid unga Yıldız saroyi hududida joylashgan bir villa hadya qilgan[7].
Vafoti
Mezidimestan Kadın 1909-yil 2-yanvarda 39 yoshida Yıldız saroyida oshqozon saratonidan vafot etgan[3]. Vafotidan soʻng Istanbuldagi Yahyo Afandi qabristonidga dafn etilgan[5].
Farzandlari
| Ismi | Tugʻilgan sanasi | Vafot etgan sanasi | Izohlar |
|---|---|---|---|
| Shahzoda Mehmed Burhoniddin | 1885-yil 19-dekabr[8][5][9]. | 1949-yil 15-iyun[8][9]. | toʻrt marta uylangan, ikki oʻgʻil farzand koʻrgan |
Yana qarang
Manbalar
- ↑ Açba 2004, s. 33 n. 14.
- ↑ 2,0 2,1 Akyıldız, Ali. Son Dönem Osmanlı Padişahlarının Nikâh Meselesi, 2019 — 697-bet.
- ↑ 3,0 3,1 Örik, Nahid Sırrı. Bilinmeyen yaşamlarıyla saraylılar. Türkiye İş Bankası, 2002 — 128–129-bet. ISBN 978-9-754-58383-0.
- ↑ Açba 2004, s. 134.
- ↑ 5,0 5,1 5,2 5,3 Uluçay 2011, s. 248.
- ↑ Açba 2004, s. 135.
- ↑ Açba 2004, s. 33.
- ↑ 8,0 8,1 Osmanoğlu 2000, ss. 262–263.
- ↑ 9,0 9,1 Brookes 2010, s. 279.
Adabiyotlar
- Açba, Leyla. Bir Çerkes prensesinin harem hatıraları. L & M, 2004. ISBN 978-9-756-49131-7.
- Brookes, Douglas Scott. The Concubine, the Princess, and the Teacher: Voices from the Ottoman Harem. University of Texas Press, 2010. ISBN 978-0-292-78335-5.
- Osmanoğlu, Ayşe. Babam Sultan Abdülhamid. Mona Kitap Yayinlari, 2000. ISBN 978-6-050-81202-2.
- Sakaoğlu, Necdet. Bu Mülkün Kadın Sultanları: Vâlide Sultanlar, Hâtunlar, Hasekiler, Kandınefendiler, Sultanefendiler. Oğlak Yayıncılık, 2008. ISBN 978-6-051-71079-2.
- Uluçay, M. Çağatay. Padişahların kadınları ve kızları. Ötüken, 2011. ISBN 978-975-437-840-5.