Mehriddin Abdullayev
| Mehriddin Abdullayev | |
|---|---|
Меҳриддин Раззоқович Абдуллаев | |
| Oʻzbekneftgaz kompaniyasi raisi | |
|
Mansab davri 2021-yildan – 2023-yilgacha | |
| Prezident | Shavkat Mirziyoyev |
| Oʻtmishdoshi | Bahodir Siddiqov |
| Vorisi | Bahodir Siddiqov |
| Shaxsiy maʼlumotlari | |
| Tavalludi |
1969-yil 27-noyabr Buxoro viloyati Jondor tumani |
| Maʼlumoti | Toshkent davlat yuridik universiteti |
| Mukofotlari |
 |
Mehriddin Razzoqovich Abdullayev (1969-yilda Buxoro viloyatining Jondor tumanida tugʻilgan) — oʻzbekistonlik iqtisodchi va huquqshunos.
Faoliyati
1993-yilda Toshkent davlat iqtisodiyot universitetini, 2005-yilda Toshkent davlat yuridik universitetini tamomlagan. Texnika fanlari doktori (Dsc)[1].
Mehriddin Abdullayev mehnat faoliyatini 1993-yili Markaziy bankning Jondor tumani boʻlimida boshlagan.
1994-1997-yillarda „Paxtabank“ aksiyadorlik-tijorat banki Jondor boʻlimi yetakchi mutaxassisi va bosh mutaxassisi lavozimlarida faoliyat olib borgan.
1997−2003-yillarda Markaziy bankning hududiy boshqarmasi rahbari, Milliy bank raisining birinchi oʻrinbosari, „Asaka“ banki filiali boshqaruvchisi lavozimlarida ishlagan.
2003−2006-yilllar oraligʻida Markaziy bankning Buxoro viloyati bosh boshqarmasi boshligʻi lavozimida ishlagan.
2010-yildan mehnat faoliyatini Oʻzbekiston Respublikasi Moliya vazirligida davom ettirdi. 2010−2012-yillarda Pensiya jamgʻarmasi ijrochi direktori, 2012−2015-yillarda Moliya vazirining oʻrinbosari, 2015−2016-yillarda Respublika yoʻl jamgʻarmasi ijrochi direktori lavozimlarida faoliyat yuritgan.
2016−yilda Buxoro viloyati hokimining huquqni muhofaza qilish organlari, yoshlar siyosati faoliyatini muvofiqlashtirish, maʼmuriy masalalar va oʻzini-oʻzi boshqarish organlari birinchi oʻrinbosari, 2017-yilda hokimliklarning boshqaruv tuzilmasi yangilanganidan keyin viloyat hokimining iqtisodiyot va biznes masalalari boʻyicha birinchi oʻrinbosari boʻlib ishlagan. 2016−2017-yillar oraligʻida Buxoro viloyatining hokim oʻrinbosari va birinchi oʻrinbosari lavozimlarida faoliyat koʻrsatgan[2][3].
2017-yildan 2020-yilgacha Oʻzbekiston Respublikasi Hisob palatasi raisining oʻrinbosari lavozimida ishlagan[3].
2020—2023-yillarda „Oʻzbekneftgaz“ aksiyadorlik jamiyati boshqaruvi raisi lavozimida ishlab kelgan[4]. Mehriddin Abdullayev boshchiligida Bunyodkor klub rahbariyati, futbolchilar va fan klub aʼzolari ishtirokida oʻtkazilgan yigʻilishda 2021−2022-yillardagi klubdagi salbiy koʻrsatkichlarni keskin tanqid qildi[5]. Bir vaqtning oʻzida „Bunyodkor“ futbol klubi prezidenti boʻlgan[6][7].
2023-yildan buyon Oʻzbekiston Respublikasi Hisob palatasi raisining birinchi oʻrinbosari. 2026-yildan Oʻzbekiston futzal federatsiyasi vitse-prezidenti[8].
Mukofotlari
2024-yil 24-avgustda Sodiq xizmatlari uchun medali bilan mukofotlangan[9].
Manbalar
- ↑ „«Oʻzbekneftgaz» AJ boshqaruvi raisi Mehriddin Abdullayev “Bunyodkor” futbol klubi prezidenti lavozimiga tayinlandi“ (2021-yil 2-mart). 2022-yil 9-sentyabrda asl nusxadan arxivlangan. Qaraldi: 2022-yil 10-sentyabr.
- ↑ „Mehriddin Abdullayev «O‘zbekneftgaz» rahbari bo‘ldi“ (2022-yil 8-yanvar). Qaraldi: 2022-yil 9-sentyabr.
- ↑ 3,0 3,1 „Prezident Mehriddin Abdullayevni yangi lavozimga tayinladi“ (2019-yil 23-sentyabr). Qaraldi: 2022-yil 9-sentyabr.
- ↑ „“O‘zbekneftgaz” AJ boshqaruv raisi Mehriddin Abdullayev neft va gaz sanoati xodimlarini kasb bayrami bilan tabrikladi“.
- ↑ „“Bunyodkor” klubi prezidenti Mehriddin Abdullayev boshchiligidagi yig‘ilishda klub bosh direktori va bosh murabbiyi lavozimidan ozod etildi“.
- ↑ „“Bunyodkor” klubi prezidenti Mehriddin Abdullayev boshchiligidagi yig‘ilishda klub bosh direktori va bosh murabbiyi lavozimidan ozod etildi“ (2022-yil 9-sentyabr). Qaraldi: 2022-yil 9-sentyabr.
- ↑ „Mehriddin Abdullayev «Bunyodkor» a’zolari bilan uchrashdi. Yangi bosh murabbiy tayinlandi“ (2020-yil 3-mart). 2022-yil 9-sentyabrda asl nusxadan arxivlangan. Qaraldi: 2022-yil 10-sentyabr.
- ↑ „Меҳриддин Абдуллаев Ўзбекистон футзал федерацияси вице-президенти этиб тайинланди“.
- ↑ „Ўзбекистон Республикаси мустақиллигининг ўттиз уч йиллиги муносабати билан давлат хизматчилари ҳамда ишлаб чиқариш ва ижтимоий-иқтисодий соҳалар ходимларидан бир гуруҳини мукофотлаш тўғрисида“.