Mehmonali Salimov
Mehmonali Salimov – teatr va kino aktyori, O‘zbekiston Respublikasida xizmat ko‘rsatgan artist[1].
Hayoti
Mehmonali Salimov 1952-yil 3-noyabrda Farg‘ona viloyatida tug‘ilgan[2]. 1974–1978-yillarda Toshkent Teatr va rassomlik san’ati institutida tahsil olgan. 1978-yildan Muqimiy nomidagi O‘zbekiston davlat musiqali teatrida ish boshlagan.
Ijodi
Mehmonali Salimov turli o‘zbek filmlarida, jumladan, “Zanjir” (2005), “Shabnam” (2008), “Xavfli sarguzasht” (2010), “Fidoyilar” (2011), “Mehribonim” (2012), “Tarsaki” (2013), “Ajal jodusi” (2015), “Tuxmat girdobi” (2019), “Jumboq” (2021), “Muhojirlar” (2021) kabi filmlarda rol ijro etgan[3].
Aktyor 2002-yilda “O‘zbekiston Respublikasida xizmat ko‘rsatgan artist” faxriy unvoni bilan taqdirlangan[2].
Havolalar
- ↑ „Mehmonali Salimov aktyorlarning oyligi kamligi va filmlardagi ochiq sahnalar haqida (VIDEO)“ (2023-yil 16-yanvar). Qaraldi: 2025-yil 13-noyabr.
- ↑ 2,0 2,1 „Меҳмонали Салимовга табрик“ (2025-yil 3-noyabr). Qaraldi: 2025-yil 13-noyabr.
- ↑ „Мехмонали Салимов“. Qaraldi: 2025-yil 13-noyabr.