Mazandaran universiteti

Mazandaron universiteti
	forscha: دانشگاه مازندران‎‎
Xalqaro nomi	University of Mazandaran
Turi	Ommaviy
Asos solingan sanasi	1970
Rahbari	Dr. Heshmatollah Alinezhad
Fakultetlar	360
Talabalari	12 500
Joylashuvi	Babolsar, Mozandaron ustoni, Eron
Kampusi	Shahar hududi
Veb-sayti	foreign.umz.ac.ir

Mazandaron universiteti (forscha: دانشگاه مازندران‎‎, romanizatsiyasi: Daneshgah-e Mazendâran) – Eronning Mozandaron ustonida joylashgan ommaviy oliy taʼlim muassasasi boʻlib, bosh ofisi Babolsor shahrida joylashgan. Shimoliy Eronning eng yirik davlat oliy taʼlim markazi hisoblanadi. Universitetning shakllanishi 1970-yilda tashkil etilgan bir nechta oliy taʼlim markazlariga borib taqaladi. 1979-yilda ushbu markazlar birlashtirilib, hozirgi Mazandaron universiteti tashkil etilgan.

Universitetda hozirda bakalavriat, magistratura va doktorantura bosqichlarida tahsil olayotgan qariyb 12 ming nafar talaba hamda turli sohalarda ilmiy-tadqiqot olib borayotgan 350 dan ortiq professor-oʻqituvchilar faoliyat yuritadi.

Tarixi

Babolsor iqtisodiyot va ijtimoiy fanlar kolleji (مدرسه‌ عالي‌ علوم‌ اقتصادي‌ و اجتماعي‌ بابلسر) 1970-yilda tashkil etilgan. 1979-yilda ushbu muassasa bir nechta boshqa oliy taʼlim markazlari bilan birlashtirildi. Ular jumlasiga 1974-yilda tashkil etilgan Oliy taʼlim kolleji (دانشكده‌ تحصيلات‌ تكميلي), 1969-yilda asos solingan Bobol oliy texnika maktabi (دانشسراي عالي فني بابل), 1972-yilda tashkil etilgan Sari qishloq xoʻjaligi kolleji (مدرسه عالي كشاورزي ساري) hamda 1957-yilda tashkil etilgan Gorgan tabiiy resurslar maktabi (مدرسه عالي منابع طبيعي گرگان) kiradi. 1986-yilda Gorgan tabiiy resurslar maktabi alohida oliy taʼlim muassasasi sifatida ajralib chiqib, Gorgan universitetiga aylantirildi.

Ushbu kollejlardan iborat taʼlim markazlari birlashtirilgach, yangi nom qabul qilindi va mazkur taʼlim tizimi rasmiy ravishda Mazandaron universiteti deb atala boshlandi.

1970-yillarda universitetning avvalgi shakli – oʻsha davrdagi „Rezo Shoh Kabir universiteti“ loyihasi va tuzilmasining ilmiy, maʼmuriy hamda tashkiliy rivojiga Garvard universiteti muhim hissa qoʻshgan^[1].

Hozirgi vaqtda

Universitet hozirda 350 gektar maydonni egallaydi va oltita fakultet tarkibida faoliyat yuritadi. Unda bakalavriat dasturlari hamda M. A., M.Sc. va PhD darajalarini oʻz ichiga olgan yigirma oltita magistratura va doktorantura dasturlari taklif etiladi.

Hamkor universitetlar

2016-yilda Mazandaron universiteti oʻqituvchilar almashinuvi va hamkorlik aloqalarini rivojlantirish maqsadida Al-Beruniy universiteti bilan hamkorlik kelishuvi imzolagan^[2].

Al-Beruniy universiteti

Manbalar

↑ Progress report to the Board of Governors, Reza Shah Kabir University. Harvard University Site Planning Task Force – City planning – 1976
↑ [http://www.int.umz.ac.ir/index.aspx?fkeyid=&siteid=99&pageid=9905&newsview=12086 „انعقاد تفاهم نامه همکاری دانشگاه مازندران با دانشگاه البیرونی افغانستان“]. University of Mazandaran. 2022-yil 12-sentyabrda asl nusxadan arxivlangan. Qaraldi: 2022-yil 12-sentyabr.

Havolalar

Rasmiy sayti

36°41′59″N 52°38′46″E / 36.699644°N 52.646134°E / 36.699644; 52.646134

[1] Progress report to the Board of Governors, Reza Shah Kabir University. Harvard University Site Planning Task Force – City planning – 1976

[2] [http://www.int.umz.ac.ir/index.aspx?fkeyid=&siteid=99&pageid=9905&newsview=12086 „انعقاد تفاهم نامه همکاری دانشگاه مازندران با دانشگاه البیرونی افغانستان“]. University of Mazandaran. 2022-yil 12-sentyabrda asl nusxadan arxivlangan. Qaraldi: 2022-yil 12-sentyabr.

[1]

[2]