Maymoqlik

Maymoqlik — oyoq panjasining qiyshiq boʻlishi (deformatsiyasi). Maymoqlikning tugma va hayotda orttirilgan xillari farq qilinadi. Maymoqlik koʻpincha, tugma boʻlib, aksari oʻgʻil bolalarda uchraydi, bunga bolaning ona qornidaligidayoq boldir muskullarining rivojlanmay qolishi sabab boʻladi. Turmushda orttirilgan maymoqlik oyoq panjasi va boldir suyaklarining sinib, notoʻgri bitishi, shoʻningdek, falaj, muskul va nerv tolalarining har xil kasalliklari oqibatida paylo boʻlishi mumkin. Maymoqlik bir yoki ikkala oyoqning toʻpikdan pastki qismi bir-biriga qaragan, tovon yumaloq boʻladi. Maymoq bola yoshiga toʻlib, yura boshlaganda avval teri va muskullar, soʻng toʻpiqdan pastki qismdagi mayda suyaklar shakli oʻzgaradi. Oqibatda bemor oyoq panjasining tashqi chekkasi, baʼzan ichki yuzasi bilan yuradi. Maymoqlikda pay va parlalar tortilishi natijasida choʻzilib kuchsizlanadi; boldir ham oʻsmay qoladi. Maymoqlar silkinib-silkitib yuradi, odatdagi poyabzalni kiya olmaydi. Ikkala oyogʻi maymoqodam tik tura olmaydi, koʻpincha, gandiraklab, faqat hassa bilan yuradi.

Davosi; Tugʻma Maymoqlikni davolashni bola hayotining dastlabki kunlarilanoq boshlash lozim. Buning uchun qiyshiqoyoqni toʻgrilayligan maxsus harakatlar va bogʻlov (vaqti-vaqti bilan almashtirib turadigan doka yoki gipsli, gipsshinali) tavsiya etiladi, oyoq molyekullarini mustahkamlash uchun massaj buyurilali. Bular yordam bermasa, operatsiya qilinali. Bemor yoshlikda davolansa, hech qanday asorat qolmaydi, tuzalib ketishi mumkin. Orttirilgan Maymoqlikda faqat jarrohlik usuli qoʻllanadi.