Mavlono Muhammad Qozi
Mavlono Muhammad Qozi (? — 1515-yil, Samarqand) – Xoja Ahror shogirdi, naqshbandiya tariqati murshidi.
Hayoti
Mavlono Muhammad Qozining otasi Burhoniddin oʻsha zamonning mashhur shariat allomasi Qozi Imodiddinning yaqinlaridan boʻlgani uchun ham oʻgʻli Mavlono Muhammadga „Qozi“ nisbasini bergan. Mavlono Muhammad Qozi Xoja Ahror toʻgʻrisida yozilgan yirik maqomot kitobi sohibi ham boʻlib, kitob naqshbandiya tariqati toʻgʻrisidagi asosiy manbalardan biri boʻlib xizmat qilgan. Shu jihatdan olganda ham, Mavlono Muhammad Qozi Xoja Ahror Valiyning shariat va tariqat borasidagi eng bilimli shogirdi ekanligi bilinib turibdi. Mavlono Muhammad Qozi dunyoviy va shar’iy bilimlarni mukammal egallaganidan soʻng, unda tasavvuf bilimiga ham mayli kuchayib, Xurosonga otlanadi. Mavlono Muhammad Qozi Samarqandan oʻtib, Xoja Ahror Valiy bilan uchrashadi. Maxdumi Aʼzam va Mavlono Lutfullohlarga ham ustozlik qilgan[1].
Asarlari
- Silsilat ul-orifin
Manbalar
- ↑ Homidiy, Homidjon. Tasavvuf Qaraniydan Rushdiygacha. Toshkent: Yangi asr avlodi, 2021 — 400-bet. ISBN 978-9943-20-872-8.