Mavlono Asiliy

Mavlono Asiliy (15–16-asr) – fors-tojik tilida ijod qilgan mashhadlik shoir. Nomi “Majolis un-nafois”ning uchinchi majlisida tilga olinadi. Alisher Navoiy uning oʻsha davrda Mashhadda eng taniqli, xushtabʼ shoir boʻlgani, nastaʼliq xatini yaxshi bitishi haqida maʼlumot beradi va quyidagi matlaʼsini keltiradi:

Chu ba tifliyash bididam binamudam ahli dinro.

Ki, shavad baloi jonho, ba shumo supurdam inro.

(Mazmuni: Uning yoshlik chogʻini koʻrdim va din ahliga koʻrsatdim.

Jonlarga balo boʻlsin, buni sizlarga topshirdim).