Mavlono Alouddin

Mavlono Alouddin (829–892 h.q./1426–1487 m.) – “Nasoyim ul-muhabbat”da tilga olingan tas. shayxi, Alisher Navoiyning zamondoshi. Asli Koʻhiston viloyatidan boʻlib, ilm olish uchun Hirotga keladi. Bu yerda Mavlono Saʼdiddin Kosh­gʻariy rahnamoligida naqshbandiylik tariqatiga kiradi. Ikki marta hajga borgan. Hajga borishida Shayx Abdulkabir degan tasavvuf shayxi bilan hamsuhbat boʻlgan. Vaʼz va samoʼ majlislariga koʻp ahamiyat qaratgan. Pir-u murshidi Saʼdiddin Koshgʻariy qabri yonida dafn etilgan. Ushbu shayx haqidagi faslni “Nasoyim ul-muhabbat”ga Navoiyning oʻzi yozib, kiritgan.