Mashinalashgan ishlab chiqarish

Mashinalashgan ishlab chiqarish — ijtimoiy ishlab chiqarish taraqqiyotining tarixiy bosqichi. Bu bosqichda mehnat quroli sifatida mashinalardan foydalaniladi. Mashinalashgan ishlab chiqarish sanoatning rivojlanishiga asos boʻldi va mayda tarqoq hunarmandchilikni siqib chiqardi. Mashinalashgan ishlab chiqarish manifakturaga moddiy va iqtisodiy zamin yaratdi. Mashina texnikasi asosida manifaktura korxonasi fabrikaga aylandi. Yirik mashinalashgan ishlab chiqarish mehnatning kooperativ xarakterida zaruriy boʻlib qoldi, har bir korxonadagi, shuningdek, butun jamiyatdagi mehnat taqsimoti chuqurlashdi, ishlab chiqarish vositalari va ish kuchining konsentratsiyasi kuchaydi. Mashinalashgan ishlab chiqarish taraqqiyoti bilan kapital jamgʻarish ham jadallashdi. Mashinalashgan ishlab chiqarishning rivoji tufayli xoʻjalikning kapitalizmga qadar shakllari yemirildi va kapitalistik ishlab chiqarish munosabatlari qaror topdi. Mashinalashgan ishlab chiqarish texnikaning eng yangi bosqichi va hozirgi zamon fantexnika taraqqiyoti bilan chambarchas bogʻliq hisoblanadi .