Mashhur turk taomlari

Mashhur turk taomlari- Turkiyada sevib isteʼmol qilinadigan taomlar roʻyxati. Turk oshxonasi asrlar mobaynida Yaqin Sharq, Kichik va Oʻrta Osiyo madaniyatlari taʼsirida shakllangan. Shuning uchun boʻlsa kerak, u oʻzida turli xalqlarning, turli mintaqalarning anʼanalarini aks ettiradi. Turk oshxonasi goʻshtli ovqatlarga boy, ular ichida eng mashhuri, albatta, kabobdir. Turkiyaning turli viloyatlarida kabobning oʻndan ortiq turlari tayyorlanadi. Ammo turk oshxonasi shirinlik ishqibozlarini ham eʼtiborsiz qoldirmaydi — ular lokum, holva, pahlavadan bahramand boʻlishlari mumkin. Bulardan tashqari, turk qahvasi va choyi, „simit“ teshik kulchalari va mahalliy pitsa — lahmajun oʻz shinavandalariga ega boʻlib ulgurgan.

Turk oshxonasining mashhur taomlari

1. Kunjut sepilgan teshik kulcha odatda nonushta dasturxoniga tortiladi. Simit bilan birga murabbo yoki pishloq tanovul qilishadi. Simitning hajmi, oʻlchovi va taʼmi har bir viloyatda turlichadir. Izmir shahrida uni gevrek deb atashadi. Shuningdek, simit koʻchalarda sotiladi. Sotuvchilar uni maxsus aravachada yoki boshlarida olib yurishadi.

2. Gyozleme — qiymali non shaklidagi anʼanaviy turk taomlaridan biri. Gyozleme saj deb ataladigan maxsus tovada pishiriladi. Qiyma ismaloq, pishloq, dengiz mahsulotlari, tuxum, qiyma goʻsht va boshqa narsalardan qilinishi mumkin.

3. Lahmajun navbatdagi mashhur sharqona taomdir. Uni arman, turk yoki arab pitssasi deb ham atashadi. Taomni tayyorlash uchun maxsus yupqa non ustiga qiyma goʻsht, pomidor yoki tomat sousi, bulgʻor qalampiri, piyoz, sarimsoq, koʻkatlar, oregano qoʻyiladi. Lahmajun odatda 150-170 gramm ogʻirlikka ega boʻladi.

4. Mutanjana — quritilgan mevalar va qoʻy goʻshtidan tayyorlanadigan ovqat.

5. Koʻzachada pishiriladigan krevetkalar.

6. Iskandar kabob — qoʻzi goʻshti, mayda toʻgʻralgan non boʻlaklari, eritilgan yogʻ va qatiq tomat sousida tayyorlanadi.

7. Adana kabob — qiyma goʻshtdan sixda tayyorlanadi, ustidan oʻtkir qalampir yoki murch sepiladi.

8. Kyofte — turk kotletlari. Turkiyaning har bir viloyatida oʻziga xos retsept boʻyicha tayyorlanadi.

9. Ichiga qiyma solingan midiya.

10. Ziravorlar sepilgan kichik kotletlar.

11. Tantuni — goʻsht va pomidordan tayyorlanadigan taom. Tantuni lavashga oʻralgan holda yoki oddiy non ichida, shuningdek, nonsiz ham isteʼmol qilinishi mumkin. Tabga koʻra koʻkatlar va piyoz qoʻshiladi.

12. Menemen — tuxumga pomidor, piyoz, qalampir aralashtirib pishiriladigan nonushta taomi.

13. Burekas — nafaqat Turkiyada, balki boshqa qoʻshni mamlakatlarda ham mashhur pishiriq. Qatlama hamirdan tayyorlanadi.

Havolalar