Marta Kos
| Marta Kos | |
|---|---|
 rasmiy portreti, 2024-yil | |
| Yevropa Ittifoqining Kengayish masalalari bo‘yicha komissari | |
|
Mansab davri 2024-yil 1-dekabr | |
| Prezident | Ursula von der Leyen |
| Oʻtmishdoshi | Olivér Várhelyi |
| Sloveniyaning Shveysariyadagi elchisi | |
|
Mansab davri 2017-yil 12-sentyabr – 2020-yil 30-iyun | |
| Oʻtmishdoshi | Franc Mikša |
| Vorisi | Iztok Grmek |
| Sloveniyaning Germaniyadagi elchisi | |
|
Mansab davri 2013-yil 27-sentyabr – 2017-yil 12-sentyabr | |
| Oʻtmishdoshi | Mitja Drobnič |
| Vorisi | Franc But |
| Shaxsiy maʼlumotlari | |
| Tavalludi |
Marta Kos 1965-yil 28-iyun Šempeter pri Gorici, Sloveniya Sotsial Respublikasi, Yugoslaviya |
| Siyosiy partiyasi | Mustaqillik partiyasi (2023–hozirgacha) |
| Boshqa siyosiy birlashmalari |
Yugoslaviya Kommunistlar Ittifoqi (sobiq) Erkinlik harakati (2022–2023) |
| Turmush oʻrtogʻi |
Aaron Marko (turm. 2002; ajr. 2018) Henri Gétaz |
| Qarindoshlari | Drago Kos (akasi) |
| Alma mater | Lyublyana universiteti Ijtimoiy fanlar fakulteti |
| Kasbi | Jurnalist • Diplomat • Siyosatchi |
Marta Kos (1965-yil 28-iyunda tugʻilgan) – sloveniyalik diplomat va siyosatchi. 2013-yildan 2017-yilgacha Sloveniyaning Germaniyadagi elchisi, 2017-yildan 2020-yilgacha Sloveniyaning Shveysariyadagi elchisi lavozimida xizmat qilgan[1]. 2024-yil dekabr oyidan boshlab Ursula von der Leyen rahbarligidagi ikkinchi Yevropa Komissiyasida Yevropa Ittifoqining kengayish masalalari boʻyicha komissari sifatida faoliyat yuritib kelmoqda.
2022-yilning aprel oyidan sentabr oyiga qadar Ozodlik harakati partiyasining vitse-prezidentlaridan biri boʻlgan[2]. 2022-yilgi prezidentlik saylovlari arafasida Sloveniya prezidenti lavozimi uchun Ozodlik harakatidan oʻz nomzodini qoʻygan, biroq avgust oyida nomzodini qaytarib olgan[3]. Bu qaroridan soʻng Ozodlik harakati vitse-prezidenti lavozimidan ham isteʼfoga chiqqan. Ichki ishlar vaziri Tatjana Bobnarning isteʼfoga chiqishi ortidan Marta Kos Ozodlik harakatini endilikda oʻz partiyasi deb hisoblamasligini aytib, ushbu harakatdan butunlay chiqib ketganini eʼlon qilgan[4].
Yoshlik yillari va faoliyati
Yoshlik davrida Marta Kos Yugoslaviya va Sloveniyada suzish boʻyicha chempion, shuningdek, oʻz yoʻnalishida rekord sohibasi boʻlgan[5]. Soʻngra jurnalistika sohasida tahsil olgan. Dastlab RTVning sport boʻlimida faoliyat olib borgan, keyinchalik Germaniyaga koʻchib oʻtib, u yerda Deutsche Welle telekanalida ishlagan[5]. 1997-yildan 1999-yilgacha Sloveniya hukumatining axborot idorasi direktori va hukumatning matbuot vakili sifatida xizmat qilgan[6]. 2000-yilda Savdo va sanoat palatasi vitse-prezidenti etib tayinlangan[5].
2013-yilda Alenka Bratušek hukumati uni Sloveniyaning Germaniyadagi elchisi etib tayinlagan[7]. 2017-yilda esa Kos Sloveniyaning Shveysariyadagi elchisi etib tayinlangan[8]. 2020-yilda hukumatning tashqi siyosatiga boʻlgan kelishmovchiliklar, shuningdek, mobbing ayblovlari va elchixona ishlariga nisbatan ichki nazoratlar tufayli elchi lavozimidan isteʼfoga chiqqan[9].
Shaxsiy hayoti
Kos Yevropa erkin savdo uyushmasining bosh kotibi Henri Gétaz bilan turmush qurgan[10].
Manbalar
- ↑ „Marta Kos Freedom Movement's candidate for president“. The Slovenia Times (2022-yil 29-iyun).
- ↑ „Po umiku še odstop: kaj je zapisala Marta Kos in kaj naj bi se dogajalo pred tem“ (sl). N1 (2022-yil 13-sentyabr).
- ↑ „Marta Kos se umika iz predsedniške tekme“ (sl). Radiotelevizija Slovenija (2022-yil 30-avgust).
- ↑ S. „Marta Kos po dogajanju glede ministrice Tatjane Bobnar izstopila iz Gibanja Svoboda“ (sl). rtvslo.si. Qaraldi: 2024-yil 13-sentyabr.
- ↑ 5,0 5,1 5,2 „Marta Kos Marko: Predsednica? Morda čez štiri leta!“ (sl). Sobotainfo.com (2017-yil 6-may).
- ↑ „(Portret tedna) Marta Kos: Ne ženska iz ozadja, temveč iz ospredja zmagoslavja Goloba“ (sl). Večer (2022-yil 30-aprel).
- ↑ „Uradno: Marta Kos Marko za veleposlanico v Berlinu“ (sl-SI). Finance. Qaraldi: 2024-yil 13-sentyabr.
- ↑ „Borut Pahor postavil Marto Kos Marko za veleposlanico v Švici“ (sl). siol.net. Qaraldi: 2024-yil 13-sentyabr.
- ↑ „Zakaj je odstopila Marta Kos“. Mladina.si. Qaraldi: 2024-yil 13-sentyabr.
- ↑ Comino. „Henri je moja skala in največja podpora!“ (sl). Svet24 (2022-yil 30-may).