Marjorie Noël
Marjorie Noël | |
|---|---|
 Marjorie Noël 1966-yilda | |
| Umumiy maʼlumot | |
| Tavalludi |
Françoise Nivot 25-dekabr 1945-yil Parij, Fransiya |
| Vafoti |
30-aprel 2000-yil (54 yoshda) Cavaillon, Fransiya |
| Janrlar | Pop |
Marjorie Noël (asl ismi Françoise Nivot; 1945-yil 25-dekabr — 2000-yil 30-aprel) — fransuz pop xonandasi. U 1960-yillarning oʻrtalarida qisqa muddatli musiqiy faoliyat olib borgan va Monako nomidan „Eurovision–1965“ tanlovida ishtirok etgani bilan mashhur.
Marjorie Noël Parijda tugʻilgan. Uning ilk ijod naʼmunalari 1964-yilda chiqarilgan. Keyingi yili esa u Monako nomidan 1965-yil 20-mart kuni Italiyaning Neapol shahrida oʻtkazilgan oʻninchi „Eurovision qoʻshiq tanlovi“da ishtirok etishga taklif qilingan.
Tanlov uchun tanlangan „Va dire à l’amour“ („Muhabbatga borib ayt“) qoʻshigʻi torli cholgʻular joʻrligida ijro etiladigan sokin ballada boʻlib, 18 ishtirokchi orasida toʻqqizinchi oʻrinni egallagan[1][2]. „Va dire à l’amour“ singli Fransiyada taxminan 20 ming nusxada, Yaponiyada esa 300 ming nusxada sotilgani qayd etilgan[3] . Keyinchalik Noël Antibes shahrida oʻtkazilgan „La Rose d’Or“ festivalining 1965-yilgi mavsumida ishtirok etgan. Faoliyati davomida u jami yettita mini-albom chiqargan.
Marjorie Noël 1967-yilda shou-biznesdagi faoliyatini yakunlab, umrining qolgan qismini omma e’tiboridan chetda o‘tkazgan. U 2000-yil 30-aprelda, 54 yoshida Cavaillon shahrida miya qon quyilishi oqibatida vafot etgan.
Diskografiyasi
- 1964: „Tu vas partir“
- 1964: „Si j'étais plus jolie qu'elle“
- 1965: „Va dire à l'amour“
- 1965: „Je te dis mon âge“
- 1965: „Fais attention“
- 1966: „Les portes-clefs“
- 1967: „Au temps des princes charmants“
Manbalar
- ↑ ESC History 1965
- ↑ "Va dire à l'amour" at diggiloo.net
- ↑ Fléouter, Claude. „Eurovision à Vienne: la foire à la bluette“. Le Monde. ProQuest Historical Newspapers (1967-yil 8-aprel), s. 17. Qaraldi: 2023-yil 3-avgust.