Mariya Sokil
| Maria Sokil | |
|---|---|
| Марія Сокіл | |
| Tavalludi |
18-oktyabr 1902-yil Zherebets, Rossiya Imperiyasi (hozirgi Tavriiske, Ukraina) |
| Vafoti |
20-yanvar 1999-yil (96 yoshda) Youngstown, Ohio |
| Kasbi | Opera singer |
Mariya Ivanivna Sokil (Rudnitskiy)[a] (1902-yil 18-oktabr — 1999-yil 20-yanvar) — ukrain opera xonandasi[1].
Hayoti
Mariya Sokil 1902-yil 18-oktabrda Zaporijye viloyatidagi Jerebets (hozirgi Tavriyske) qishlogʻida tugʻilgan. 1920–1925-yillarda Katerinoslav konservatoriyasida tahsil olgan. Keyinchalik Italiya, Fransiya va Germaniyada oʻqigan[2].
Mariya Sokil oʻzining opera debyutini 1927-yilda Xarkovda Gunoning Faust operasiida Margerit rolida qilgan va oʻsha opera teatrining prima donna lirik sopranosi boʻlgan. 1929-yilda u va Ukraina vakili boʻlgan bas xonanda Ivan Patorjinskiy kontsert safari bilan Germaniya va Italiyaga bordilar. Mariya Sokil 1930-yilgacha Xarkovda qolgan, keyin esa Kiyev operasiga (1930–1932) qoʻshilgan[3]. Xarkovda boʻlganida Mariya Sokil Antin Rudnitskiy (1902–1975) bilan tanishdi va 1931-yilda unga turmushga chiqdi[2]. Rudnitskiy — asli Lvovlik bastakor, dirijyor va pianinochi boʻlib, yaqinda Xarkovda orkestr dirijyori etib tayinlangan edi[2]. Keyinchalik, 1932-yilda, Mariia Sokil Lvov opera va balet teatri sahnasida chiqish qiladi[3] va eri bilan birga Sharqiy va Markaziy Yevropadagi bir qator mamlakatlarda bir necha yil davomida gastrol safarlarida boʻldi; 1937-yilda, soʻng yana 1938–1939-yillarda AQSh va Kanadada konsertlar bergan hamda Ikkinchi jahon urushi boshlanganda AQShda qolib ketadi[4].
Mariya Sokil quyidagi rollarda katta muvaffaqiyat qozongan: Desdemona (Verdining Otello operasi), Mimi (Puchchinining La Bohem operasi), Liu (Puchchinin Turandot operasi), Elza (Rixard Vagnerning Lohengrin operasi), Tatyana (Chaykovskiyning Yevgeniy Onegin operasi), Liza (Chaykovskiyning Pikova dama operasi), Odarka (Gulak-Artemovskiyning Zaporojets za Dunayem operasi) va Natalka (Lisenkoning Natalka Poltavka operasi). 1939-yilda Mariya Sokil AQShda suratga olingan Surgundagi kazaklar (Zaporojets za Dunayem) badiiy filmida bosh rol — Odarka rolini ijro etgan. Mariya Sokil va uning eri keyingi yillar davomida AQShda turli yoʻllar bilan oʻzlarining musiqiy faoliyatini davom ettirganlar.
Mariya Sokil 1999-yil 20-yanvarda, 96 yoshida, Ogayo shtatining Yungstown shahrida vafot etgan[3].
Farzandlari
- Dorian Rudnitskiy (1944-yilda tugʻilgan), violonchelchi va bastakor[3].
- Roman Rudnitskiy (1942-yilda tugʻilgan), pianinochi[3].
Nabiralari
- Tara Palmer (Rudnitskiy)
- Evan Rudnitskiy
- Oksana MakStov (Rudnitskiy)
- Damian Rudnitskiy
Manbalar
- ↑ „Марія Сокіл – співуча українська зірка ХХ ст.“ (uk) (2015-yil 10-dekabr). 2015-yil 10-dekabrda asl nusxadan arxivlangan. Qaraldi: 2023-yil 28-iyun.
- ↑ 2,0 2,1 2,2 „Prima Donna from Ukraine Gives Recital in Regina Friday“. The Leader-Post (1939-yil 6-mart), s. 6. Qaraldi: 2022-yil 12-iyun.
- ↑ 3,0 3,1 3,2 3,3 3,4 „Maria Rudnytsky, 96, Sang Opera in Ukraine“. The Courier-News (1999-yil 22-yanvar), s. 17. Qaraldi: 2022-yil 10-iyun.
- ↑ „55 Years Apart, Family Reunited“. The Times (1987-yil 31-may), s. 10. Qaraldi: 2022-yil 11-iyun.
Havolalar
Manba xatosi: <ref> tags exist for a group named "lower-alpha", but no corresponding <references group="lower-alpha"/> tag was found