Mario & Sonic at the Sochi 2014 Olympic Winter Games
| Mario & Sonic at the Sochi 2014 Olympic Winter Games | |
|---|---|
| Ishlab chiqaruvchi |
Sega Marvelous AQL |
| Nashir etuvchi | Nintendo |
| Chiqarilgan sana | |
| Prodyuser |
Nobuya Ohashi Eigo Kasahara Takehiro Ishida Toyokazu Nonaka |
| Geymdizayner | Naohiro Hirao |
| Dasturchi | Mitsuru Takahashi |
| Rassom | Hiroshi Kanazawa |
| Bastakor |
Sega Digital StudioTadashi Kinukawa Hideaki Kobayashi Naofumi Hataya Chihiro Aoki Jun Senoue Mitsuharu Fukuyama Yuri Fukuda Yutaka Minobe Ken Inaoka |
| Oʻyin seriyasi | Mario & Sonic |
| Platformalar | Wii U |
| Oʻyin rejimlari | Yolgʻiz oʻyinchili videooʻyin, koʻp oʻyinchili videooʻyin |
Mario & Sonic at the Sochi 2014 Olympic Winter Games – 2013-yilda Sega va Marvelous AQL tomonidan ishlab chiqilgan va Nintendo tomonidan Wii U uchun nashr etilgan krossover sport videooʻyini. Bu Mario & Sonic seriyasining toʻrtinchi oʻyini boʻlib, Wii U platformasida birinchi marta chiqarilgan va Sochida boʻlib oʻtgan 2014-yilgi Qishki Olimpiada oʻyinlarining rasmiy videooʻyini hisoblanadi.
Bu seriya onlayn koʻp oʻyinchili rejimni oʻz ichiga olgan shuningdek, Nintendo tomonidan butun dunyo boʻyicha nashr etilgan birinchi oʻyindir. Avvalgi oʻyinlar Yaponiya tashqarisida Sega tomonidan nashr qilingan. Oldingi qismlardan farqli oʻlaroq, ushbu oʻyin portativ konsolda (Nintendo 3DS) chiqarilmagan. Ushbu oʻyin 2013-yil oktabr oyida Sonic Lost Worlddan keyin Sega va Nintendo oʻrtasidagi kelishuv boʻyicha Nintendo tomonidan nashr etilgan yagona ikkinchi qismdir. Shuningdek, 2014-yil noyabr/dekabr oylarida Sonic Boom: Rise of Lyric va Sonic Boom: Shattered Crystal oʻyinlari chiqarilishiga zamin yaratgan.
Oʻyin tanqidchilar tomonidan aralash baho olgan. Ular vizual effektlar, koʻp oʻyinchili rejimi va onlayn oʻyin qoʻshilganini maqtashgan, biroq boshqaruv tizimi va yangilik yetishmasligini tanqid qilishgan. Seriyaning beshinchi oʻyini – Mario & Sonic at the Rio 2016 Olympic Games 2016-yilda Wii U uchun chiqarilgan. Sochi esa Qishki Olimpiada oʻyinlariga asoslangan ikkinchi va oxirgi Mario & Sonic oʻyini hisoblanadi.
Oʻyin jarayoni
Oʻyinchilar faqat oldingi oʻyindagi yigirma personajlardan bittasini tanlab, oʻn oltita Olimpiada musobaqalarida qatnashishlari mumkin. Musobaqalar Wii Remote (Plus), Nunchuk yoki Wii U GamePad orqali boshqariladi. Baʼzi musobaqalarda, masalan biatlonda, Wii U versiyasining ikkala boshqaruv usuli bir vaqtda ishlatiladi. Shuningdek, Changʻi sporti, bobsley va Kyorling kabi musobaqalarga qoʻshimcha sifatida yangi musobaqalar ham mavjud, masalan, figurali uchish va snoubord[5]. Avvalgi oʻyinlardagi kabi, oʻyinchilar sakkizta Dream Events musobaqalarida ham ishtirok etishlari mumkin. Ular orasida yangi aralash musobaqa ham mavjud boʻlib, unda snoubord, changʻi sporti va bobslayd ishtirokchilari bir vaqtda qatnashadi. Ushbu musobaqalar Mario va Sonic franshizalari olamidagi joylarda oʻtkaziladi[6]. Ushbu oʻyinga yangi rejim – Action & Answer Tour qoʻshilgan. Bu rejimda oʻyinchilar turli musobaqalarda ishtirok etar ekan, Sonic Colors va Sonic Lost World oʻyinlaridagi Orbot va Cubot tomonidan taqdim etilgan savollarga javob berib ball toʻplashlari mumkin.
Manbalar
- ↑ „NINTENDO ANNOUNCES LAUNCH DATES FOR ANTICIPATED Wii U & NINTENDO 3DS TITLES FOR 2013“. 2013-yil 4-oktyabrda asl nusxadan arxivlangan.
- ↑ Holmes, Mike (October 17, 2013). „Mario & Sonic Olympic Winter Games date“. Gamereactor.
- ↑ „Mario & Sonic at the Sochi 2014 Olympic Winter Games Overview“. Polygon (2013-yil 17-may). 2015-yil 1-iyulda asl nusxadan arxivlangan.
- ↑ „Nintendo Direct 2013.10.1 | Nintendo“ (ja). Nintendo Co., Ltd.. 2013-yil 4-oktyabrda asl nusxadan arxivlangan.
- ↑ Martin, Liam „'Mario & Sonic at the Sochi 2014 Olympic Winter Games' announced“. Digital Spy (2013-yil 17-may). 2013-yil 5-noyabrda asl nusxadan arxivlangan.
- ↑ „Mario & Sonic at the Sochi Winter Games & 3rd Sonic Nintendo Exclusive Revealed“. Anime News Network. 2013-yil 6-noyabrda asl nusxadan arxivlangan.