Marija Krucifiksa Kozulić
| Marija Krucifiksa Kozulić | |
|---|---|
 | |
| Tavalludi |
Maria Nicolina Cosulich de Pecine 20-sentyabr 1852-yil Riyeka, Xorvatiya Qirolligi, Avstriya imperiyasi |
| Vafoti |
29-sentyabr 1922-yil (70 yoshda) Riyeka, Fiume erkin davlati |
| Kasbi | rohiba |
| Faoliyat yillari | 1879–1922 |
Mariya Krucifiksa Kozulić (italyancha: Maria Crocifissa Cosulich; 1852-yil 20-sentyabrda tugʻilgan – 1922-yil 29-sentyabrda vafot etgan), tugʻilgan vaqtidagi ismi Mariya Nikolina Kozulić, xorvat-italyan katolik rohibasi boʻlgan. Muqaddas Yurak Xotin-qizlarining katolik diniy ordeniga asos solgan boʻlib, bu orden Xorvatiyaning Riyeka arxiyepiskopligida tashkil topgan yagona mahalliy diniy tashkilot hisoblanadi. Kozulić ushbu ordenning birinchi rahbari (prioressa) boʻlgan.
Biografiyasi
Kozulić 1852-yil 20-sentyabrda[1] Avstriya imperiyasi tarkibidagi Xorvatiya Qirolligining Riyeka shahrida tavallud topgan. Tugʻilgan vaqtidagi ismi Marija Nikolina Kozulić (italyancha: Maria Nicolina Cosulich)[2]. Yaqin atrofdagi Lošinj orolidan boʻlgan badavlat oilada dunyoga kelgan. Onasi Veli Lošinj qishlogʻidan Katerina (qizlik familiyasi Sopranić/Soprani) ismli ayol, otasi esa Mali Lošinj qishlogʻidan Giovanni Matteo Kozulić/Cosulich boʻlgan. Oʻsha davrda bu hudud etnik jihatdan aralash hudud boʻlib, istriyalik italyanlar va slavyanlar oʻrtasida aniq etnik chegaralar mavjud emas edi. Oilada oʻn bir farzandning besh nafari omon qolgan, Mariya esa ular orasida eng kattasi boʻlgan[3].
Mariya dastlab Riyeka shahrida taʼlim olishni boshlagan va keyinchalik esa oʻsha davrda Gorizia va Gradisca Knyazligining markazi boʻlgan Gorizia shahrida, koʻp millatli muhitda tahsil olgan. U yerda italyan (ona tili), xorvat, fransuz, nemis va venger tillarini oʻrgangan[4]. Kozulić oliy maʼlumotli boʻlib, bolalar bogʻchasi va musiqa oʻqituvchisi boʻlgan. Dastlab u klavesin chertishga qiziqqan, keyinchalik pianino chalishni ham oʻrgangan. Shuningdek, toʻqish va tikuvchilikda ham mohir edi. U va uning oilasi juda dindor kishilar boʻlishgan, shu sababli uylarida Iso Masihning Muqaddas Yuragiga bagʻishlangan ibodatxonani tashkil qilishgan[5]. Kozulić yoshligida koʻproq uyda boʻlib, onasiga yordam bergan, singil va ukalariga dars bergan. Uning singlisi Irene Riyekadagi maktabda fizika va matematika oʻqituvchisi boʻlgan. Ukasi Giuseppe Nicolò 1885-yilda 22 yoshida oʻqishini davom ettirayotgan vaqtida vafot etgan. Singlisi Emilia xususiy repetitor boʻlib ishlagan[5], yana bir singlisi esa rohiba boʻlgan[6].
Manbalar
- ↑ „Figlie del Sacro Cuore di Gesù di Fiume“ (Italian). Diocesi di Arezzo-Cortona-Sansepolcro (2011). Qaraldi: 2015-yil 4-dekabr.
- ↑ Car, Viviana. „La prima beata del Quarnero“ (Italian). Rijeka, Croatia: La Voce del Popolo (2013-yil 19-oktyabr). 2015-yil 8-dekabrda asl nusxadan arxivlangan.
- ↑ „Serva Di Dio Madre Maria Crocifissa Cosulich“ (Italian). sestre-scj.hr/it.
- ↑ Car, Viviana. „La prima beata del Quarnero“ (Italian). Rijeka, Croatia: La Voce del Popolo (2013-yil 19-oktyabr). 2015-yil 8-dekabrda asl nusxadan arxivlangan.
- ↑ 5,0 5,1 „Serva Di Dio Madre Maria Crocifissa Cosulich“ (Italian). sestre-scj.hr/it.
- ↑ „In search of sister Krucifiksa's bones“. translation into English, with a link at the foot of the entry to the Croatian original 32–35. Prof. Dragan Primorac, M.D., Ph.D. (2012-yil 3-yanvar). 2019-yil 24-martda asl nusxadan arxivlangan. Qaraldi: 2015-yil 5-dekabr.