Mariana Katzarova
| Mariana Katzarova | |
|---|---|
.jpg) 2019-yilda | |
| Tavalludi |
1966-yil avgust |
| Kasbi | jurnalist va faol |
| Mashhur ishlari | Rossiya bo‘yicha BMTning maxsus ma’ruzachisi |
Mariana Katzarova (1966-yilda tugʻilgan) — bolgariyalik jurnalist, Anna Politkovskaya mukofotini taʼsis etgan „RAW on WAR“ xayriya tashkiloti asoschisi. 2023-yilda Rossiya Federatsiyasi boʻyicha ilk BMTning maxsus maʼruzachisi boʻlgan.
Yoshligi va taʼlimi
Katzarova 1966-yilda Bolgariyaning Sofiya shahrida tugʻilgan[1]. U Sofiya universitetida va Nyu-Yorkdagi Kolumbiya universitetida tahsil olgan. Oʻqishni tamomlagach, inson huquqlari boʻyicha bilim olish maqsadida Jeneva xalqaro insonparvarlik huquqi va inson huquqlari akademiyasi hamda London iqtisodiyot maktabida tahsil olgan[2].
Faoliyati
1990-yilda Katzarova AQShga koʻchib oʻtgan.
Kolumbiya universitetidagi kursini tugatgach, Katzarova Inson huquqlari instituti va Inson huquqlari boʻyicha advokatlar qoʻmitasida ishladi. U 10 yildan ortiq vaqt davomida Rossiyaga oid maʼlumotlarni tadqiq qilish bilan shugʻullandi[3].
2006-yilda u Bosniya, Kosovo va Chechenistondagi urushlar haqida 10 yil davomida reportajlar tayyorlaganidan soʻng, „RAW on WAR“ xayriya tashkilotiga asos solgan[2]. Ushbu xayriya tashkiloti 2007-yilda Moskvada suiqasd oqibatida oʻldirilgan jurnalist sharafiga nomlangan Anna Politkovskaya mukofotini taʼsis etgan[4].
Katzarova 2023-yil 1-maydan boshlab Rossiya Federatsiyasi ichidagi inson huquqlari masalalarini koʻrib chiqish uchun Birlashgan Millatlar Tashkilotining maxsus maʼruzachisi etib tanlandi[5]. 2023-yil sentyabrda Rossiya Birlashgan Millatlar Tashkilotida Inson huquqlari kengashidagi oʻz mavqeini tiklash uchun harakatlarni boshladi. Katzarova Rossiyadagi inson huquqlari bilan bogʻliq vaziyat yomonlashayotganini taʼkidladi. Rossiyaning Ukrainaga bostirib kirishni tanqid qilganlar hibsga olinishi va qiynoqlarga duchor etilayotgani haqida aytildi[6].
2024-yil fevral oyida rossiyalik muxolifat yetakchisi Aleksey Navalniy Arktikadagi qamoqxonada vafot etganida Katzarova bu borada ochiq fikr bildirgan[7][8].
Manbalar
- ↑ Application form to become a special rapporteur of the UN
- ↑ 2,0 2,1 „Mariana KATZAROVA - Hay Festival“. www.hayfestival.com. Qaraldi: 2024-yil 18-iyun.
- ↑ „Easter hates being called a yuppie“ (2018-yil 26-oktyabr). 2018-yil 26-oktyabrda asl nusxadan arxivlangan. Qaraldi: 2024-yil 18-iyun.
- ↑ „Opinion | Remembering Anna Politkovskaya, who was killed for telling the truth“ (en-US) (2021-yil 28-oktyabr). Qaraldi: 2024-yil 18-iyun.
- ↑ „Mariana Katzarova: Special Rapporteur on the situation of human rights in the Russian Federation“. OHCHR. Qaraldi: 2024-yil 18-iyun.
- ↑ „Russia seeks to rejoin UN's human rights council“ (en-GB). BBC News (2023-yil 26-sentyabr). Qaraldi: 2024-yil 18-iyun.
- ↑ „Russia: UN human rights office 'appalled' at death of Navalny in prison | UN News“ (en). news.un.org (2024-yil 16-fevral). Qaraldi: 2024-yil 18-iyun.
- ↑ „After Navalny death, independent expert on rights in Russia asks 'who is next?' | UN News“ (en). news.un.org (2024-yil 16-fevral). 2024-yil 18-iyunda asl nusxadan arxivlangan. Qaraldi: 2024-yil 18-iyun.