Mariam Gʻani
| Mariam Gʻani | |
|---|---|
_(cropped).jpg) | |
| Tavalludi |
1978-yil |
| Fuqaroligi |
 AQSH |
| Kasbi | sanʼat arbobi, universitet oʻqituvchisi |
| Otasi | Ashraf Gʻani |
| Onasi | Rula Gʻani |
| Veb-sayti | mariamghani.com |
Mariam Gʻani (1978-yil, Bruklin, Nyu-York, AQSh) — afgʻon millatiga mansub amerikalik sanʼat arbobi, Afgʻonistonning sobiq prezidenti Ashraf Gʻanining qizi[1].
Tarjimayi holi
Mariam afgʻonistonlik Muhammad Ashraf Gʻani va uning rafiqasi Livan fuqarosi Rula Gʻani oilasida tugʻilgan[2]. Gʻani oilasi Maryland shtatining chekkasida yashagan, quvgʻinda boʻlishgan va Mariam 2002-yilgacha Afgʻonistonga bora olmagan. New York universiteti va Manhattandagi Tasviriy sanʼat maktabini tamomlagan. Nyu-Yorkdagi Eyebeam sanʼat va texnologiya markazining rezidenti[3][4], Bennington kollejining tasviriy sanʼat fakultetida faoliyat yuritadi[5]. Sanʼat sohasida badiiy va kino loyihalari ustida ishlaydi. Mariam oʻz asarlarini AQSh va xorijdagi koʻrgazmalarda namoyish etadi. Gʻani ijodiy ishlaridan tashqari jurnalistika bilan shugʻullanadi, shuningdek, afgʻon diasporasiga taʼsir koʻrsatadigan masalalar boʻyicha maqolalar yozadi va maʼruzalar oʻqiydi. Mariam Abu-Dabida muzeylar qurayotgan ishchilar manfaatlarini himoya qilish boʻyicha Gulf Labor Working Group aʼzosi[6], ayollar va inson huquqlari uchun ham kurashadi. 2021-yil avgust oyida otasining Afgʻonistondan qochib ketishi tufayli Mariam Gʻaniga OAV jiddiy eʼtibor qaratmoqda. Oʻsha oyda rossiyalik kinoshunos Darya Mitina Mariam haqida shunday deydi: „U isteʼdodli rassom va hujjatli filmlar rejissyori, tarixiy Vatani haqida koʻp suratga oladi.“ Mitinaning soʻzlariga koʻra, oʻsha paytdagi soʻnggi filmida Gʻani „70—80-yillardagi Afgʻonistonni katta sogʻinch bilan koʻrsatib, oʻz mamlakati tarixining eng yaxshi davri sifatida Sovet ittifoqi bilan doʻstlik orasidagi bogʻliqlikni toʻgʻridan-toʻgʻri tan olgan“[7].
Manbalar
- ↑ Liz, Robbins. „Mariam Ghani, a Brooklyn Artist Whose Father Leads Afghanistan“. The New York Times (2015-yil 20-fevral). 2026-yil 21-martda asl nusxadan arxivlangan. Qaraldi: 2026-yil 21-mart.
- ↑ Goudsouzian, Tanya. „Afghan first lady in shadow of 1920s queen?“. Doha, Qatar: Al Jazeera (2014-yil 1-oktyabr). 2026-yil 21-martda asl nusxadan arxivlangan. Qaraldi: 2026-yil 21-mart.
- ↑ „Mariam Ghani | eyebeam.org“. eyebeam.org. 2026-yil 21-martda asl nusxadan arxivlangan. Qaraldi: 2026-yil 21-mart.
- ↑ „Mariam Ghani | P. S.1 Studio Visit“. momaps1.org. 2026-yil 21-martda asl nusxadan arxivlangan. Qaraldi: 2026-yil 21-mart.
- ↑ „Mariam Ghani“. 2026-yil 21-martda asl nusxadan arxivlangan. Qaraldi: 2026-yil 21-mart.
- ↑ Uncommon Grounds: New Media and Critical Practices in North Africa and the Middle East. London: I.B. Tauris & Co. Ltd., 2014 — 346–347-bet. ISBN 9781784530358.
- ↑ „П - позорище“ (2021-yil 22-avgust). 2026-yil 7-aprelda asl nusxadan arxivlangan. Qaraldi: 2026-yil 21-mart.