Margarete Schramböck
| Margarete Schramböck | |
|---|---|
.jpg) Schramböck, 2015-yil | |
| Avstriya Raqamli va iqtisodiy masalalar vazirligi | |
|
Mansab davri 2020-yil 7-yanvar – 2022-yil 11-may | |
| Oʻtmishdoshi | Elisabeth Udolf-Strobl |
| Vorisi | Martin Kocher |
| Shaxsiy maʼlumotlari | |
| Tavalludi |
1970-yil 12-may St. Johann in Tirol, Tirol, Avstriya |
| Siyosiy partiyasi | Avstriya xalq partiyasi |
| Alma mater | Vena Iqtisodiyot va biznes universiteti |
Margarete Schramböck (1970-yil 12-mayda tugʻilgan) – avstriyalik biznes menejer va siyosatchi. 2020-yilning yanvaridan 2022-yil mayigacha Ikkinchi Kurz hukumati, Schallenberg hukumati va Nehammer hukumatida Raqamli va iqtisodiy masalalar boʻyicha vazir lavozimida faoliyat yuritgan. Bundan oldin 2017-yilning dekabridan 2019-yilning iyuniga qadar Birinchi Kurz hukumatida aynan shu vazifani bajargan.
Yoshlik yillari
Schramböck 1970-yil 12-mayda St. Johann in Tirol shahrida dunyoga kelgan[1]. St. Johanndagi gimnaziyaga qatnagan va 1989-yilda tamomlagan.
Schramböck 1994-yilda ijtimoiy va iqtisodiy fanlar boʻyicha magistr darajasiga ega boʻlgan. Magistrlik dissertatsiyasini xalqaro olmos bozori mavzusida yoqlagan[2]. 1997-yilda esa aynan shu universitetda ijtimoiy va iqtisodiy fanlar doktori ilmiy darajasini olgan. Uning doktorlik dissertatsiyasi biznes-konsaltingning kelajagiga bagʻishlangan[3]. Keyinchalik Schramböck Lion universitetiga oʻqishga kirgan va 1999-yilda MBA (biznes boshqaruvi magistri) darajasini olgan[4].
Xususiy sektordagi faoliyati
1995-yildan boshlab Margarete Schramböck Alcatel-Lucent kompaniyasida turli lavozimlarda faoliyat yuritgan. 1995-yildan 1997-yilgacha Markaziy va Sharqiy Yevropa boʻyicha auditor sifatida faoliyat yuritgan. 1997-yilda kompaniyaning Elektron biznes (E-Business) boʻlimiga oʻtib, shu yildan boshlab Aktivlar boshqaruvi boʻlimi rahbari, 1999-yildan esa Avstriya boʻyicha xizmatlar direktori lavozimlarida ishlagan. 2000-yilda Schramböck NextIraOne Austria kompaniyasining asoschi bosh direktori sifatida ish boshlagan. 2008-yildan 2011-yilgacha bir vaqtning oʻzida NextIraOne Germany kompaniyasini ham boshqargan[5][6]. 2014-yilda kompaniya Dimension Data tomonidan sotib olingach, Schramböck ushbu yangi tuzilmada Dimension Data Austria boshqaruvchi direktori sifatida ishini davom ettirgan.
Shaxsiy hayoti
Schramböck Quyi Avstriyaning Vena shahri yaqinidagi St. Andrä-Wördern shahrida istiqomat qiladi[7].
Mukofotlari
- Tirollik yil ayoli (2017)[8];
- Vena Iqtisodiyot va biznes universitetining „Yil menejeri“ mukofoti[9].
Manbalar
- ↑ „Dr.in Margarete Schramböck, MBA“. Meine Abgeordneten. Qaraldi: 2018-yil 9-may.
- ↑ „Austrian Library Network catalog entry on The International Diamond Market, Schramböck's master's thesis“. Qaraldi: 2018-yil 9-may.
- ↑ „Austrian Library Network's catalog entry on Management Consulting : Zukunftsperspektiven der Unternehmensberatung, Schramböck's Dissertation“. Qaraldi: 2018-yil 9-may.
- ↑ „Dr.in Margarete Schramböck, MBA“. Meine Abgeordneten. Qaraldi: 2018-yil 9-may.
- ↑ „Dr.in Margarete Schramböck, MBA“. Meine Abgeordneten. Qaraldi: 2018-yil 9-may.
- ↑ „Dr. Margarete Schramböck: Generaldirektorin NextiraOne Austria“. Qaraldi: 2018-yil 10-may.
- ↑ „NÖN-Interview: Schramböck: "Müssen bei Vorschriften ausmisten"“. Niederösterreichische Nachrichten (2018-yil 27-fevral). Qaraldi: 2018-yil 9-may.
- ↑ „Video: Schramböck und Moretti sind die Tiroler des Jahres“. Tiroler Tageszeitung (2017-yil 14-sentyabr). 2018-yil 25-sentyabrda asl nusxadan arxivlangan. Qaraldi: 2018-yil 15-may.
- ↑ „WU Managerin des Jahres 2017“. Vienna University of Economics and Business. 2017-yil 18-sentyabrda asl nusxadan arxivlangan. Qaraldi: 2017-yil 18-sentyabr.
Havolalar
- Doktor Margarete Shrambock – Parlament bosh sahifasi.
- Dr. Margarete Shrambock, Bundesministerin für Digitalisierung und Wirtschaftsstandort (Wayback Machine saytida 2019-06-03 sanasida arxivlangan) – Vazirlik bosh sahifasi.
- Doktor Margarete Shrambok, MBA – Meine Abgeordneten haqida Schramböck CV.