Mao Szedun (26.12.1893 — 9.09.1976) oʻtkazgan "Katta sakrash" siyosati (1958-1960) uning davlatdagi obroʻsiga putur yetkazdi. 1959-yildan Mao Szedun shaxsiga sigʻinish avj oldirildi (mamlakatda millionlab nusxada M. S. asarlaridan koʻchirma kitobchalar, uning fikrlari toʻplamlari nashr qilindi), uning gʻoyaviy-nazariy koʻrsatmalari — maosizm esa marksizm-leninizmning ijodiy rivojlantirilishi sifatida talqin etildi. "Madaniy inqilob" deb atalgan siyosat (1966-1976)ni uyushtirdi, bu Xitoy ijtimoiy-iqtisodiy taraqqiyotiga jiddiy zarar yetkazdi.[1]
