Kontent qismiga oʻtish

Manuel Bento

ZiyoSfera, erkin ensiklopediya
Manuel Bento
Shaxsiy maʼlumot
Toʻliq ismi Manuel Galrinho Bento
Tavallud sanasi 25-iyun 1948-yil
Tavallud joyi Golega, Portugaliya
Vafot sanasi 1-mart 2007-yil(2007-03-01)
(58 yoshda)
Vafot joyi Barreiro, Portugaliya
Boʻyi 1.91m (6 fut 3 in)
Ampluasi darvozabon
Yoshligida aʼzo boʻlgan klublar
Riachense
Goleganense
Sporting CP
Professional faoliyati*
Yillar Jamoa Isht. (Gol.)
1966–1972 Barreirense 94 (0)
1972–1992 Benfica 330 (0)
1989 Toronto First Portuguese
Milliy terma jamoa
1976–1986 Portugaliya 63 (0)
*Professional klublardagi gollari (ichki chempionat)

Manuel Galrinho Bento (1948-yil 25-iyun – 2007-yil 1-mart) – portugallik professional futbolchi, Portugaliyaning „Benfica“ klubi va Portugaliya milliy terma jamoasi darvozaboni boʻlgan.

Bento Benfikadagi 20-yillik faoliyati bilan mashhur boʻlgan va 650 ga yaqin rasmiy oʻyinlarda maydonga tushganidan soʻng 40 yoshida faoliyatini yakunlagan[1]. Bento Portugaliya milliy terma jamoasi tarkibida Yevro 1984 va 1986-yilgi Jahon chempionatida qatnashgan.

Portugaliyaning „Record“ nomli sport gazetasi tomonidan eng yaxshi 100 portugaliyalik futbolchilardan biri sifatida eʼtirof etilgan. Bento sakkiz marta yilning eng yaxshi darvozaboni sovrinini qoʻlga kiritgan. 2015-yil yanvar oyida Bento UEFA veb-sayti tomonidan Yevropaning sevimli darvozabonlaridan biri sifatida tanlangan[2].

Klubdagi faoliyati

Bento Golegã shahrining Santarém tumanida tugʻilgan. Yoshligida turli klublarda, jumladan Sporting CP klubida oʻynaganidan soʻng, Bento professional faoliyatini „Barreirense“ klubida boshlagan. Keyinchalik, 1972-1973-yilgi mavsumni „Benfica“ klubida oʻtkazgan.

Bento „Benfica“ klubida boshqa portugaliyalik darvozabon José Henriquening oʻrinbosari sifatida faoliyatini boshlagan. Asosiy tarkib uchun uch yil davom etgan qizgʻin raqobatdan soʻng, Bento 1976-yilda 28 yoshida asosiy tarkibdan oʻrin egallagan va „Benfica“ klubi safida jami 636 ta oʻyin oʻtkazgan.

Bento 1986-yil yozida Portugaliya milliy terma jamoa safida jiddiy jarohat olgan va bu jarohatdan toʻliq tuzalmafan. Bento klub tarkibida keyingi olti mavsum davomida asosan Silvino va Nenodan keyin uchinchi darvozabon boʻlgan, 1988 va 1990-yillardagi Yevropa Kubogi finallarida zaxira oʻrindigʻida oʻtirgan, bu finallarni mos ravishda „PSV Eindhoven“ va "AC Milan" klublariga boy berishgan. Bentoning faoliyatidagi soʻnggi oʻyin 1989-90-yilgi mavsumning oxirida „CF Belenenses“ klubiga qarshi boʻlib oʻtgan va Bento bu oʻyinda eng yaxshi futbolchi deb topilgan. 1989-yilning yozida Bento Kanadaning Milliy futbol ligasida ishtirok etuvchi „SC Toronto“ klubi tarkibida oʻynagan[3].

1992-yil iyun oyida, 44 yoshida, Bento Benfikada aynan 20 yil oʻynaganidan soʻng futboldagi faoliyatini yakunlagan. Bento Portugaliya oliy ligasida maydonga tushgan eng keksa futbolchi edi. Shundan soʻng, Bento oʻzining asosiy klubida darvozabonlar murabbiyi sifatida faoliyat yurita boshlagan.

Bento 2007-yilning 1-mart kuni 58 yoshida Barreiro kasalxonasida yurak xurujidan vafot etgan[4].

Milliy terma jamoadagi faoliyati

Bento oʻn yil davomida Portugaliya milliy terma jamoasi safida 63 ta oʻyin oʻtkazgan[5]. Bento1976-yil 16-oktyabrda 1978-yilgi FIFA Jahon chempionati saralash bosqichining ochilish oʻyinida debyut qilgan. Bu oʻyin Portu shahrida boʻlib oʻtgan va unda Polshaga 0:2 hisobida magʻlub boʻlishgan.

Bento keyingi toʻqqiz yil davomida asosiy darvozabonga aylangan. Bento milliy terma jamoa safida UEFA Yevro-1984 musobaqasining yarim finaliga chiqgan va mezbon Fransiyaga qarshi 2:3 hisobidagi magʻlubiyatli oʻyinda ham yaxshi oʻyin oʻtgan[6]. Bento 1986-yilgi Jahon chempionati saralash bosqichida Gʻarbiy Germaniyaga qarshi oʻyinda (1:0) ham asosiy tarkibda oʻynagan. Shundan soʻng 38 yoshida Meksikadagi final bosqichiga tanlab olingan. Bento Angliyaga qarshi birinchi oʻyinda maydonga tushgan va mashgʻulotlarda kichik boldir suyagini sindirgan. Buning natijasida turnirning qolgan qismida uning oʻrniga Sporting futbolchisi Vítor Damas maydonga tushgan. Portugaliya keyingi ikki oʻyinda magʻlubiyatga uchragan va pley-off bosqichidan chiqib ketgan[7].

Yutuqlari

Benfica

  • Primeira Divisão (8):[8] 1972—1973, 1974—1975, 1975—1976, 1976—1977, 1980—1981, 1982—1983, 1983—1984, 1986—1987[9]
  • Taça de Portugal (5):[8][10] 1979—1980, 1980—1981, 1982—1983, 1984—1985, 1985—1986
  • Supertaça Cândido de Oliveira (2): 1980, 1985[8][10]
  • Taça de Honra (6) [8][10]

Shaxsiy yutuqlar

Manbalar

  1. ↑ Malheiro, João. Memorial Benfica 100 Glórias, Third (pt), QuidNovi, July 2006 — 30–31-bet. ISBN 978-972-8998-26-4. 
  2. ↑ „Saving grace: Europe's favourite goalkeepers“. UEFA.com (2015-yil 30-yanvar). Qaraldi: 2015-yil 31-yanvar.
  3. ↑ Six soccer stars sign up to join First Portuguese. Toronto Star (1989-yil 13-aprel), s. B8.
  4. ↑ „Morreu Manuel Bento“ (pt) (2007-yil 1-mart). 2017-yil 28-sentyabrda asl nusxadan arxivlangan. Qaraldi: 2017-yil 27-sentyabr.
  5. ↑ Pierrend, José Luis. „Portugal – Record International Players“. RSSSF (2009-yil 28-may). Qaraldi: 2009-yil 2-sentyabr.
  6. ↑ „Platini faz a diferença em meia-final de sonho“ (pt). UEFA.com (2003-yil 4-oktyabr). Qaraldi: 2017-yil 18-aprel.
  7. ↑ „Bento e o bom bacalhau“ (pt) (2014-yil 18-aprel). 2017-yil 27-sentyabrda asl nusxadan arxivlangan. Qaraldi: 2017-yil 27-sentyabr.
  8. ↑ 8,0 8,1 8,2 8,3 „Bento, o eterno "homem de borracha"“ (pt). S.L. Benfica (2020-yil 1-mart). Qaraldi: 2020-yil 25-iyun.
  9. ↑ „Especial 'Tetra'“ ['Tetra' special edition]. Mística (portugalcha). № 33. Portugal: Impresa Publishing. April–June 2017. 72-bet. ISSN 3846-0823.
  10. ↑ 10,0 10,1 10,2 „Bicampeões para a história“ [Back-to-back champions for the ages]. Visão (portugalcha). Portugal: Impresa Publishing. May 2015. 53-bet. ISSN 0872-3540. 
"https://ziyosfera.uz/index.php?title=Manuel_Bento&oldid=596476" dan olindi