Manak ota ziyoratgohi

Manak ota ziyoratgohi — Oʻzbekistondagi madaniy meros obyekti va diqqatga sazovor joy. U Moddiy madaniy merosning koʻchmas mulk obyektlari milliy roʻyxatiga kiritilgan va davlat muhofazasiga olingan. Obyektning davri aniqlanmagan.

Joylashuvi

Ziyoratgoh Andijon viloyatining Xoʻjaobod tumanida joylashgan. Obyekt manzili: Beshqovoq aholi punkti, „Beshqovoq“ MFY, Bahor koʻchasi.

Tavsifi

Manak ota ziyoratgohi bir qancha mayda togʻlardan iborat maskan. Manak ota togʻi geografik jihatdan Janubiy Oliy togʻ tizmasiga mansub togʻ hisoblanadi. Manak ota togʻi qadimdan aholi manzilgohi boʻlgan.

• Togʻda 50 dan ortiq gʻor mavjud. Gʻorlardan inson izlarini topish mumkin. Manak ota togʻidan qadimda qaroqchilar va qul savdogarlaridan berkinish uchun foydalanilgan.
• Bu joyda yashab, togʻ atrofini oʻzlashtirgan inson Manak ota 1762-yil 7-yanvar kuni shu joyda vafot etgan. Qabri ziyoratgoh ichida joylashgan.

Muhofaza va holati

Manak ota Davlat mulki hisoblanadi (Andijon viloyati madaniy meros boshqarmasi operativ boshqaruv huquqi asosida). U “Vaqf” xayriya jamoat fondiga tekin foydalanish shartnomasi asosida biriktirilgan.

Oʻzbekiston Respublikasi Vazirlar Mahkamasining qarori bilan 2019-yil 4-oktyabrda Moddiy madaniy merosning koʻchmas mulk obyektlari milliy roʻyxatiga kiritilgan va davlat muhofazasiga olingan.