Mamduh Advan
Mamduh Advan (arabcha: ممدوح عدوان; 23-noyabr 1941 – 19-dekabr 2004)[1] – taniqli Suriyalik yozuvchi, shoir, dramaturg va tanqidchi. U oʻzining birinchi sheʼriy toʻplami „Al-zul al-Axdhar“ (Yashil soya)ni 1967-yilda nashr etgan va keyinchalik yana 18 ta toʻplam nashr etgan.
Shuningdek, u ikkita roman, yigirma beshta pyesa nashr etgan, Iliada, Odisseya, Jorj Oruell tarjimai holi, Nikos Kazantzakisning „Gretsiyaga hisobot“ kitobi kabi asarlarni ingliz tilidan arabchaga tarjima qilgan. Ularning umumiy soni yigirma uchtani tashkil etadi. Shuningdek, u bir qator telekoʻrsatuvlar uchun ssenariy yozgan. U arab dunyosidagi dolzarb voqealar haqida muntazam yozib borgan, shuningdek, Damashqdagi Oliy dramatik sanʼat institutida dars bergan[2]. U yozgan asarlarning faqat bir nechtasi ingliz tilida Banipal jurnalida nashr etilgan[1].
Tarjimai holi
Mamduh Advan Hama ustonidagi Masyaf yaqinida joylashgan Qayrun qishlogʻida, Sabri Advanning oilasida tugʻilgan. U oiladagi birinchi farzand boʻlgan. Masyafda maktabni tugatgach, Mamduh Advan Damashq universitetida ingliz adabiyotini oʻrganish uchun Damashqga koʻchib oʻtadi. U turmush qurgan va ikkita oʻgʻil farzandi bor.
Ingliz tiliga tarjima qilingan asarlari
- The old man and the land. (Qariya va yer) Damashq : al-Tawjih Press, 1971[3].
- Selected poems. (Tanlangan sheʼrlar) (2008) Sinan Antoon tarjimasi, Banipal 32
Manbalar
- ↑ 1,0 1,1 „Banipal (UK) Magazine of Modern Arab Literature - Contributors - Mamdouh Adwan“.
- ↑ „رحيل الأديب السوري ممدوح عدوان“. Al Jazeera English.
- ↑ Adwan, Mamduh. The old man and the land (English). Damascus: al-Tawjih Press, 1971. OCLC 7369250.
Adabiyotlar
- Darraj, Faisal (2004). Mamdouh Adwan and the freedom of the prolific creator. Banipal 21, autumn/winter
 | Shaxsiyat haqidagi ushbu maqola chaladir. Siz uni boyitib, ZiyoSferaga yordam berishingiz mumkin. |