Maimuna
Maimuna | |
|---|---|
 Maimuna 2019-yilda | |
| Umumiy maʼlumot | |
| Tavalludi |
Maimuna Amadu Diko 1980-yil 28-may |
| Kasbi | Skripkachi |
| Faoliyat yillari | 1990–hozirgacha |
| Hamkorligi | Uzari |
Maimuna Amadu Murashko (qizlik familiyasi Diko; belaruscha: Маймуна Амаду Мурашка (Дзіка); ruscha: Маймуна Амаду Мурашко (Дико); 1980-yil 28-mayda tugʻilgan) — Maimuna taxallusi bilan tanilgan belaruslik skripkachi. U Uzari bilan birgalikda „Time“ qoʻshigʻi orqali Belarus nomidan „Eurovision–2015“ tanlovida ishtirok etgan[1].
Yoshligi
Maimuna Rossiyaning Sankt-Peterburg shahrida belaruslik ona va malilik otadan dunyoga kelgan. U yoshligida oilasi bilan Maliga koʻchib oʻtgan, biroq issiq iqlimga moslasha olmagani sababli Belarusga qaytib, buvisi bilan Mogilev shahrida yashay boshlagan va shu yerda voyaga yetgan[2].
Karyerasi
1990–2013-yillar: Dastlabki faoliyati
Maimuna faoliyati davomida bir qator xalqaro tanlovlarda ishtirok etgan. Jumladan, 1990-yilda Kiyevda oʻtkazilgan „Young Virtuoso“ va 1996-yildagi „Music of Hope“ tanlovlarida qatnashgan.
2014-yildan hozirgacha: Eurovision
2014-yil 5-dekabrda Maimuna Uzari bilan birgalikda „Time“ qoʻshigʻi bilan „Eurofest 2015“ ishtirokchilari qatoridan joy olgani eʼlon qilingan. Uzari va Maimuna tanlovda 76 ball toʻplab gʻolib boʻlgan. Ular tomoshabinlar ovozida uchinchi oʻrinni egallagan, hakamlar hay’atining besh aʼzosidan uchtasi esa ularga eng yuqori bahoni bergan. Natijada duet Belarus nomidan „Eurovision–2015“ tanlovida ishtirok etish huquqini qoʻlga kiritgan. Biroq ular yarim finalni 12-oʻrinda yakunlagan va final bosqichiga oʻta olmagan[3].
Manbalar
- ↑ „Uzari & Maimuna won in Belarus!“. Eurovision.tv (2014-yil 26-dekabr). Qaraldi: 2014-yil 26-dekabr.
- ↑ „Biography“. Maimuna.by. 2014-yil 26-dekabrda asl nusxadan arxivlangan. Qaraldi: 2014-yil 26-dekabr.
- ↑ Fidan, Mustafa „Uzari and Maimuna to represent Belarus in Vienna!“. Eurovoix.com (2014-yil 26-dekabr). 2015-yil 4-aprelda asl nusxadan arxivlangan. Qaraldi: 2015-yil 3-yanvar.