Mahmud Nasafiy
Bu maqolaga boshqa birorta sahifadan
ishorat yoʻq. (avgust 2024) |
Mahmud Nasafiy | |
|---|---|
| Shaxsiy maʼlumotlar | |
| Dini | Islom |
| Tanilgan sohasi | hofiz,bastakor |
Mahmud Nasafiy (arabcha: محمود النسفي — Mahmud Nasafiy — Toʻliq ismi: Mahmud Nasafiy (XV asr oxiri XVI asr boshida yashagan)) — Hofiz, sozanda va bastakor.
Hayoti va faoliyati
Mahmud Nasafiyning yoshlik yillari Nasafda oʻtgan. Soʻngra Samarqand, Buxoro va Hirotda tahsil olgan. Isteʼdodli Hofiz, sozanda va bastakor boʻlib yetishgan, she'rlar ham yozgan. U dastlab Temuriylar saroyidagi sanʼatkorlar guruhida xizmat qilgan. Ammo raqiblarining igʻvolari tufayli Samarqandni tark etib, Hirotga ketishga majbur boʻlgan. Oʻzining shirali ovozi, taʼsirli ijro uslubi bilan shuhrat qozongan. Mashhur shoirlar unga oʻz sheʼrlarini berib, musiqa yozish va kuylashni iltimos qilganlar. Atoqli hofiz Mahmud Nasafiy Hirotda bir necha yil yashaganidan keyin Buxoroga keladi va umrining oxirigacha shu shaharda qoladi. Bu yerda Najmiddin Kavkabiy Buxoriy bilan tanishib, undan musiqaning ilmiy va amaliy asoslarini oʻrganadi. Xoja Jaʼfar Qonuniy Samarqandiydan qonun asbobini chalish sirlarini oʻzlashtiradi. Shu tariqa davrining eng mashhur sanʼatkorlaridan biriga aylanadi. Ayniqsa, musiqaning murakkab shakli hisoblangan „Kulliyot“ ijrosida shuhrat topadi. Xalq orasida „Bulbul“ laqabini oladi. U „Isfahon“, „Husayniy“, „Iroq“ maqomlarida bir necha „Naqsh“, „Amal“ va „Savt“lar yaratgan.[1]
Asarlari
“Naqshi Mahmudiy”.
Manbalar
- ↑ O‘rta asr sharq allomalari va mutafakkirlarining tarixiy-falsafiy merosi ensiklopediyasi. — Samarqand. Imom Buxoriy xalqaro markazi, 2016. — B. 465.
Andoza:Oʻrta asr Sharq allomalari ensiklopediyasi
| Islom shaxsiyati haqidagi uşbu maqola çaladir. Siz uni boyitib, ZiyoSferaga yordam berişingiz mumkin. |