Mahfuzur Rahmon Namiy
| Mahfuzur Rahmon Namiy | |
|---|---|
 | |
| Shaxsiy maʼlumotlari | |
| Tavalludi |
1911-yil may Rasra Baliya |
| Vafoti |
17-noyabr 1963-yil Bahraich, Uttar-Pradesh |
| Alma mater | Jomiya Miftahul Ulum, Dorul Ulum Deoband |
Mahfuzur Rahmon Namiy (1911-yil may – 1963-yil 17-noyabr) hindistonlik ulamo, siyosatchi va yozuvchi edi. U Jomiya Miftahul Ulum va Dorul Ulum Deoband bitiruvchisi edi. U Madrasai Nurul-Ulum va Azad Inter Collegeni Bahraichda tashkil etgan.
Hayoti
Namiy 1911-yil may oyida tugʻilgan[1]. U dastlabki taʼlimini Jomiya Miftahul Ulumda Abulatif Nomoniy va Habibur Rahmon Aʼzamiy bilan tamomlagan[2]. Namiy hijriy 1344yilda Dorul Ulum Deobandga oʻqishga kirgan va u yerda Husayn Ahmad Madaniy, Izaz Ali Amrohiy va Ibrohim Balyaviydan saboq olgan. U hijriy 1348-yilda bu dargohni tugatgan[2].
Namiy Bahraichda Madrasai Nurul-Ulumni tashkil etgan[1]. Shuningdek, u Mavlono Azad Nurul-Ulum oʻrta maktabini (hozirgi Azad Inter College) Bahraichda barpo etgan[3]. U 1946-yilgi Hindiston viloyat saylovlarida Hindiston Milliy Kongressi nomzodi sifatida qatnashgan. 1946-yildan 1951-yilgacha Uttar-Pradesh qonunchilik assambleyasi aʼzosi boʻlib faoliyat yuritgan[4]. U Taʼlim vazirligida parlament kotibi lavozimida xizmat qilgan[4]. Hijriy 1359-yilda Dorul Ulum Deoband uni Muhammad Tayyib Qosimiy va Hifzur Rahmon Seoharviy bilan birga Aligarh musulmon universiteti sud aʼzosi etib tayinlagan[5].
Namiy 1963-yil 17-noyabr kuni Bahraichda vafot etgan va Shoh Naʼimulloh Bahraichiyning qabri yoniga dafn etilgan[1].
Adabiy ishlari
Namiy Miftah al-Qurʼon asarini yozgan boʼlib, u Azadvilldagi islomiy madrasalardan biri – Dorul Ulum Azadvill oʻquv dasturiga kiritilgan[6]. Uning boshqa asarlari quyidagilardan iborat:
- Muallim ul Qurʼon
- Rahmoniy Qoida
- Hilol bogʻ
- Musulmonon-e Hind ka taʼlimiy masala
Manbalar
- ↑ 1,0 1,1 1,2 Asir Adrawi. Tazkirah Mashāhīr-e-Hind: Karwān-e-Rafta — 236–237-bet.
- ↑ 2,0 2,1 Nur-ul-Ulum Ke Darakhshanda Sitāre — 27–28-bet.
- ↑ Nur-ul-Ulum Ke Darakhshanda Sitāre — 31-bet.
- ↑ 4,0 4,1 Bahraich Ek Tārikhi Sheher — 128, 173-bet.
- ↑ History of the Dar al-Ulum Deoband, 1st, 1981, Darul Uloom Deoband — 248-bet.
- ↑ Ingram, Brannon D (2011). Deobandis Abroad: Sufism, Ethics and Polemics in a Global Islamic Movement (PDF) (PhD). University of North Carolina at Chapel Hill. 151-bet. Qaraldi: 27 December 2020.
Adabiyotlar
- Asir Adroviy. Tazkirah Mashāhīr-e-Hind: Karwān-e-Rafta, 2 April 2016 (Urdu), Deoband: Darul Muallifeen — 236–237-bet.
- „Jomiya Masudiya Nur-ul-Ulum Bahraich asoschisi“, Nur-ul-Ulum ke darakhshanda sitare, 2011 (Urdu), Hofiz Zamir Ahmad — 28–35-bet.
- "Mahfoozur Rahman Nami's profile" (Hindi). Uttar Pradesh Vidhan Sabha Ki Karywahi (Uttar-Pradesh qonunchilik assambleyasi) 243 (8): 1099. 1963-yil 14-dekabr.