Madaminov Bekzod Baxodirovich
| Madaminov Bekzod Baxodirovich | |
|---|---|
|
| |
| Qo‘ng‘irot tumani hokimi | |
|
Mansab davri 2022 yildan buyon | |
| Hokim | Qo‘ng‘irot tumani |
| Shaxsiy maʼlumotlari | |
| Tavalludi |
1984-yil 22-noyabr Qoraqalpog‘iston Respublikasi, Amudaryo tumani |
| Fuqaroligi | O'zbekiston |
| Millati | O'zbek |
| Taʼlim | Toshkent irrigatsiya va melioratsiya instituti, mutaxassisligi menejment |
Madaminov Bekzod Baxodirovich (1984 yil 22 noyabr, Amudaryo tumani, Qoraqalpog‘iston Respublikasi) — O‘zbekistonlik davlat arbobi, iqtisodchi va menedjer. 2022 yildan buyon Qoraqalpog‘iston Respublikasi Qo‘ng‘irot tumani hokimi lavozimida faoliyat yuritib kelmoqda.
Tarjimai holi
Bekzod Baxodirovich Madaminov 1984 yil 22 noyabrda Qoraqalpog‘iston Respublikasining Amudaryo tumanida tug‘ilgan. Millati — o‘zbek. 2006 yilda Toshkent irrigatsiya va melioratsiya institutini tamomlagan. Ma’lumoti oliy, menejment mutaxassisligiga ega.
Mehnat faoliyati
Mehnat faoliyatini 2006 yilda Beruniy tumani moliya bo‘limi byudjet bo‘limi iqtisodchisi sifatida boshlagan. 2006-2018 yillarda Moliya vazirligi tizimida faoliyat yuritgan. Xususan, 2013–2018 yillarda Beruniy tumani bo‘yicha G‘aznachilik bo‘linmasi boshlig‘i lavozimida ishlagan. 2018–2019 yillarda Beruniy tumani hokimining investitsiyalar, innovatsiyalar, xususiylashtirilgan korxonalarga ko‘maklashish, kichik sanoat zonalarini hamda turizmni rivojlantirish masalalari bo‘yicha o‘rinbosari, 2019-2022 yillarda Davlat aktivlarini boshqarish agentligining Qoraqalpog‘iston Respublikasi boshqarmasi boshlig‘i lavozimlarida faoliyat yuritgan. 2022 yildan buyon Qoraqalpog‘iston Respublikasi Qo‘ng‘irot tumani hokimi lavozimida ishlab kelmoqda.
Natijalari:
Qo‘ng‘irot tumani hokimi sifatida hududning ijtimoiy-iqtisodiy rivojlanishi, xususan infratuzilmani yaxshilash, sanoatni rivojlantirish, xorijiy investitsiyalarni jalb qilish, tadbirkorlikni qo‘llab-quvvatlash orqali aholi turmush farovonligini oshirish, turli xil madaniy tadbirlarni tashkil etishga qaratilgan yirik loyihalarni amalga oshirishda yaxshi natijalarga erishgan.