Maʼrifatga yoʻl — mahalladan boshlanadi
Yangi Oʻzbekistonda kitobxonlikni rivojlantirish, ayniqsa, chekka hududlardagi yoshlarning intellektual salohiyatini oshirishga alohida eʼtibor qaratilmoqda. Prezidentimiz Shavkat Mirziyoyev taʼkidlaganlaridek: “Kitob oʻqigan inson, kitob koʻrgan avlod hech qachon kam boʻlmaydi. Kitobxonlik — maʼnaviyatimiz poydevori, kelajagimiz kafolatidir.”
Ushbu ezgu gʻoyaning amaliy xolati sifatida Buxoro viloyati “Mahalla” xayriya jamoat fondi tomonidan navbatdagi maʼrifiy tashabbus amalga oshirildi.
Bu tashabbus Jondor tumanidagi “Koʻliyon” mahallasida yoshlar tashbbusi bilan tashkil qilingan kutubxonaga bo'lib yoshlarni xurshad qilish maqsadida 100 donadan ortiq saralangan badiiy, ilmiy-ommabop hamda bolalar adabiyotlari sovgʻa qilindi. Taqdim etilgan kitoblar orasida oʻzbek va jahon adabiyoti durdonalari, tarixiy asarlar hamda yoshlarning dunyoqarashini kengaytiruvchi zamonaviy nashrlar oʻrin olgan.
Bu kabi amaliy ishlar aholi oʻrtasida mutolaa madaniyatini yuksaltirish, yoshlarni milliy va umuminsoniy qadriyatlar ruhida tarbiyalashda muhim poydevor boʻlib xizmat qiladi. Mahalla qoshida tashkil qilingan bunday kutubxonalar nafaqat kitob mutolaa qilish maskani, balki har bir xonadonga ziyo va maʼrifat ulashuvchi haqiqiy maʼnaviyat oʻchogʻiga aylanmoqda.