MOʻLABULOQ

Moʻlabuloq
Qishloq
Mamlakat	Oʻzbekiston
Viloyat	Jizzax viloyati
Tuman	Baxmal tumani

Moʻlabuloq — Jizzax viloyati Baxmal tumanidagi qishloq aholi punkti. U Nushkent mahalla fuqarolar yigʻini hududida joylashgan.

Etimologiyasi

Mutaxassislarning taʼkidlashicha, moʻla qadimda qishloq yoki aholi manzilining kirish qismida qurilgan sunʼiy inshoot bo‘lib, u atrofni kuzatish, zarur bo‘lganda xabar berish hamda qo‘riqlash vazifasini bajargan. Ayrim hollarda u masofa belgisi yoki mulkchilik chegarasini ko‘rsatish uchun ham xizmat qilgan.

Buloq esa yer osti suvlarining yer yuzasiga tabiiy ravishda chiqib oqishi natijasida hosil bo‘lgan suv manbai hisoblanadi. Shu bois Moʻlabuloq nomi moʻla yonidagi buloq maʼnosini anglatadi. Aholi punkti ham ana shunday buloq yonida joylashganligi sababli shu nom bilan atalgan.

Toponimist B. Oʻrinboyevning taʼkidlashicha, moʻla soʻzi burj, yaʼni shahar, qalʼa, qoʻrgʻon yoki boshqa inshootlar devorlarida qurilgan tayanch inshoot maʼnosini bildiradi. Shu maʼnoda Moʻlabuloq tayanch inshoot qurilgan buloq maʼnosini ham anglatadi.