M. O. Avezov nomidagi Janubiy Qozogʻiston davlat tadqiqot universiteti
М. О. Әуезов атындағы Оңтүстік Қазақстан мемлекеттік университеті | |
 | |
Xalqaro nomi |
M. O. Auezov South Kazakhstan State University |
|---|---|
Ilgarigi nomi |
Janubiy Qozogʻiston texnika universiteti |
| Turi | davlat universiteti |
| Asos solingan sanasi | 1943 |
| Rektori | Dariya Kojamjarova |
Xodimlar tarkibi |
2,676 |
| Talabalari | 17,303 |
| Joylashuvi | , |
| Veb-sayti | ukgu.kz |
 | |
M. O. Avezov nomidagi Janubiy Qozogʻiston davlat tadqiqot universiteti — 1943-yilda asos solingan Qozogʻistonning Chimkent shahridagi koʻp tarmoqli oliy taʼlim muassasasi boʻlib, unda 76 ta texnik va gumanitar mutaxassisliklarini oʻz ichiga qamrab olgan. Eng avval Qozogʻiston kimyo-texnologiya instituti, Janubiy Qozogʻiston texnika universiteti nomlari bilan oʻz faoliyatini boshlagan va davom ettirgan. 1996-yilda qozoq yozuvchisi Muxtor Avezov nomi berilgan[1].
Tarixi
Qozogʻiston kimyo-texnologiya instituti va Janubiy Qozogʻiston texnika universiteti nomlari tarixi
Ikkinchi jahon urushi vaqtda, SSSR Xalq Komissarlari Kengashi 1943-yil 19-iyunda qurilish materiallari texnologiya institutini tashkil etish toʻgʻrisida qaror qabul qildi. Oʻsha yilning 29-iyunida Qozogʻiston SSRning Chimkent shahridagi „Qurilish materiallari texnologiya institutini tashkil etish toʻgʻrisida“ buyruq chiqardi[2]. Pedagogika bilim yurti binosi universitetga topshirildi. Amalda, qurilish sohasida zarur boʻlgan malakali mutaxassislarni zudlik bilan tayyorlash zarurligi institutning ochilishiga turtki boʻlgan. Ijtimoiy fanlar, matematika, kimyo, fizika, mexanika, grafika, kristallografiya va mineralogiya kafedralari ochildi. 1947-yilda SSRI Oliy taʼlim vazirligioliygoh direktori S. U. Umbetalinning ulkan saʼy-harakatlari tufayli 700 kishilik oʻquv binosi, 500 oʻrinli talabalar yotoqxonasi hamda oʻqituvchilar uchun 30 xonadonli turar joy binosi qurilishiga mablagʻ ajratildi. 1948-yilda muhandis-texnologlarning birinchi bitiruv marosimi boʻlib oʻtdi. 1948-yildan 1957-yilgacha boʻlgan davrda jami 532 nafar mutaxassis tayyorlab chiqarildi. 1957-yilga kelib institut yoʻnalishlari sezilarli darajada kengaydi va yangi mutaxassisliklar ochildi. Qabul kvotalari yildan-yilga oshib bordi. 1957-yildan boshlab ikkita fakultet faoliyat yurita boshladi: texnologiya va mexanika fakultetlari. 1957-yilda oliygoh Qozogʻiston texnologiya instituti deb qayta nomlandi[3]. Kimyo-texnologiya va oziq-ovqat yoʻnalishidagi mutaxassisliklar ochildi. 1964-yilda taʼlim muassasasi Qozogʻiston kimyo-texnologiya instituti deb qayta nomlandi. Oʻsha yili oliygohda aspirantura ochildi. Institutda kafedralar soni 30 taga yetdi va ularda 370 nafar oʻqituvchi faoliyat koʻrsatdi. Institutning Jambul shahrida va Semipalatinsk shahrida filiallari mavjud boʻlib, keyinchalik ularning negizida mustaqil oliygohlar — Jambul yengil va oziq-ovqat sanoati texnologiya instituti hamda Semipalatinsk oziq-ovqat sanoati texnologiya instituti tashkil etildi. 1996-yil 7-mayda Qozogʻiston Respublikasi Hukumatining 573-sonli qarori bilan institut Janubiy Qozogʻiston texnika universiteti etib qayta tashkil etildi.
Chimkent pedagogika instituti
1937-yilda Qozogʻistonning Chimkent shahrida ochilgan 2 yillik pedagok kadrlarni tayyorlash instituti. Oʻrta Osiyo va Qozogʻiston hududida savodsizlikni tugatish hamda umumtaʼlim maktablari uchun oʻqituvchi kadrlar yetishmaslik muammosini bilan hal qilish maqsadida ochilgan edi. 1954-yilda oʻqituvchilar instituti N. Krupskaya nomidagi Chimkent pedagogika institutiga (ChPI) aylantirildi va oʻqish muddati besh yilgacha uzaytirildi[4]. Qozogʻiston Respublikasi Vazirlar Mahkamasi 2011-yil 28-iyundagi 722-sonli qarori bilan ushbu institut Janubiy Qozogʻiston davlat universiteti tarkibiga qoshildi va qayta tashkil etdi[5].
Fakultetlar
- Jismoniy madaniyat va sport fakulteti
- Pedagogika fakulteti
- Agrar fakulteti
- Filologiya fakulteti
- Tarix fakulteti
- Mexanika va neft-gaz ishi fakulteti
- Yurisprudensiya fakulteti
- Xalqaro munosabatlar fakulteti
Taʼlim tuzilmalari
- Masofaviy taʼlim
- Kunduzgi taʼlim
- Magistratura
- PhD doktorantura
Manbalar
- ↑ Fergus, Michael; Jandosova, Janar. Kazakhstan: Coming of Age (en). London, UK: Stacey International, 2003 — 174-bet. ISBN 978-1-900988-61-2.
- ↑ „Университет шежересі“. 2022-yil 21-fevralda asl nusxadan arxivlangan. Qaraldi: 2022-yil 21-fevral.
- ↑ „О СКГУ, история“. 2021-yil 26-yanvarda asl nusxadan arxivlangan. Qaraldi: 2020-yil 30-iyul.
- ↑ „Остановка — пединститут. История Шымкентского педагогического института“. 2022-yil 21-fevralda asl nusxadan arxivlangan. Qaraldi: 2022-yil 21-fevral.
- ↑ „История“. 2022-yil 21-fevralda asl nusxadan arxivlangan. Qaraldi: 2022-yil 21-fevral.