Kontent qismiga oʻtish

Lucy Thoumaian

ZiyoSfera, erkin ensiklopediya
Lucy Thoumaian

Thoumaian in 1915
Tavalludi
Rossier de Visme

1890
Shveysariya
Vafoti 1940 (yoshi 49–50)
Amerika Qoʻshma Shtatlari
Mashhur ishlari ayollar huquqlari va tinchlik faoli
Turmush oʻrtogʻi ruhoniy professor Garabed Thoumanian

Lucy Thoumaian yoki Rossye de Visme (armancha: Լյուսի Թումայան; 1890 — 1940) Armanistonlik ayollar huquqlari va tinchlik faoli edi. Armanistondan quvgʻin qilingach, u yetim armanlar uchun Chigvellda maktab tashkil etishga yordam berdi. U 1915-yilda Gaagadagi ayollar konferensiyasida qatnashishidan avval tinchlik uchun manifest nashr qilgan. Keyinroq u Millatlar Ligasida ishlay boshlagan.

Hayoti

Lucy Thoumaian Shveytsariyada tugʻilgan. Unga Rossye de Visme ismi berilgan[1].

1915-yildagi Xalqaro ayollar kongressi. Chapdan oʻngga: 1. Lucy Thoumaian — Armaniston, 2. Leopoldine Kulka — Avstriya, 3. Laura Hughes — Kanada, 4. Rosika Schwimmer — Vengriya, 5. Anika Augspurg — Germaniya, 6. Jane Addams — AQSh, 7. Eugenie Hamer, 8. Aletta Jacobs — Niderlandiya, 9. Chrystal Macmillan — Birlashgan qirollik, 10. Rosa Genoni — Italiya, 11. Anna Kleman — Shvetsiya, 12. Thora Daugaard — Daniya, 13. Louisa Keilhau — Norvegiya

U va uning eri — ruhoniy professor Garabed Thoumanian, Armanistondan quvgʻin qilindilar va Britaniyada muhojir boʻlib qolishdi. U yerda ular 1906-yilda armanlar uchun Chigvelldagi Oaxurstda[2]. bolalar uyi va maktab tashkil etishgan[1].

1911-yilda Lucy Thoumaian London shahrida oʻtkazilgan irqchilikka qarshi ilk urinishlardan biri boʻlgan Birinchi Umumjahon Irqlar kongressida qatnashadi. Usmonli imperiyasidan quvgʻin boʻlishiga qaramay, u turk delegatlarini hamkorlik zaruratining ramzi sifatida quchoq ochib kutib oladi[3].

1914-yilda Lucy Thoumaian „Urush odamlar tomonidan yaratilgan, uni ayollar bekor qilishi kerak“ mavzusidagi tinchlik manifestini nashr qildi. U ayollar urushga sabab boʻlgan nizo hal etilguncha har hafta yigʻilishlar oʻtkazishlari kerakligini taklif qilgan[4].

1915-yilda Lucy Thoumaian Gaagaga safar qilib, u yerda Gaagadagi ayollar konferensiyasida Armaniston nomidan qatnashadi. U konferensiyaga 1915-yil 25-aprelda kelgan. Bir kun avval esa arman genotsidi boshlangan — yuzlab ziyolilar Armanistonda hibsga olingan edi[5].

Lucy Thoumaian konferensiyaning asosiy panelida ishtirok etadi. Konferensiyadan soʻng u noyabrgacha Niderlandiyada qoldi. U materiallar tarqatish bilan band edi va Armanistondagi Marsovonda oxirgi marta koʻrgan 30 nafar qarindoshi haqida maʼlumot topishga jon-jahdi bilan urinardi[1].

Urush tugagach, Lucy Thoumaian Millatlar Ligasi komissiyasida ishlashi uchun WILPF tomonidan ilgari surildi. U Armanistondagi genotsid qurbonlari uchun adolat talab qilib ishlashda davom etadi[1][6].

Lucy Thoumaian 1940-yilda Amerika Qoʻshma Shtatlarida vafot etgan[1].

Manbalar

  1. ↑ 1,0 1,1 1,2 1,3 1,4 „1. Lucy Thoumaian 1890 – 1940“. WILPF - Women's International League for Peace and Freedom. 2019-yil 5-aprelda asl nusxadan arxivlangan. Qaraldi: 2017-yil 24-noyabr.
  2. ↑ „Chigwell: Schools | British History Online“ (en). www.british-history.ac.uk. Qaraldi: 2017-yil 2-noyabr.
  3. ↑ ; Nancy ForestellDocumenting First Wave Feminisms: Volume 1: Transnational Collaborations and Crosscurrents. University of Toronto Press, 14 January 2012 — 397–-bet. ISBN 978-1-4426-6410-4. 
  4. ↑ Jill Liddington. The Road to Greenham Common: Feminism and Anti-militarism in Britain Since 1820. Syracuse University Press, 1989 — 91–-bet. ISBN 978-0-8156-2539-1. 
  5. ↑ Shirakian, Arshavir. Կտակն էր Նահատակներուն [Gdagn er Nahadagnerin], translated by Shirakian, Sonia, Boston: Hairenik Press, 1976. OCLC 4836363. 
  6. ↑ Archives, The National „The Discovery Service“ (en-GB). discovery.nationalarchives.gov.uk. Qaraldi: 2017-yil 2-noyabr. 
"https://ziyosfera.uz/index.php?title=Lucy_Thoumaian&oldid=585898" dan olindi