Lucilene da Silva Sousa
| Lucilene da Silva Sousa | |
|---|---|
| Shaxsiy maʼlumotlari | |
| Jinsi | ayol |
| Fuqaroligi |
 Braziliya |
| Tavallud sanasi | 2000-yil 5-aprel |
| Boʻyi | 1.60 m (5 ft 3 in) |
| Sport | |
| Qaysi sport | para suzish |
Lucilene da Silva Sousa (2000-yil 5-aprelda tugʻilgan) – braziliyalik para suzuvchi[1].
Yoshlik yillari
Sousa Pará shtatining São Miguel do Guamá munitsipalitetidan[1]. U tugʻma optik nerv atrofiyasi bilan dunyoga kelgan, bu holat uning koʻrish qobiliyatining pasayishiga olib kelgan[1]. Suzish bilan shugʻullanishidan oldin akasi Josemárcioning taʼsiri bilan goalbol sport turi bilan shugʻullangan, 2017-yilda San-Paulu shahrida boʻlib oʻtgan Yoshlar oʻrtasida Parapan Amerika oʻyinlarida oltin medalni qoʻlga kiritgan[1].
Karyerasi
2019-yilgi Parapan Amerika oʻyinlarida Sousa S13 toifasida 400 metrga erkin usulda[2], 50 va 100 metrga erkin usulda suzish yoʻnalishida kumush medallarni qoʻlga kiritgan[3].
Sousaning para suzish boʻyicha Jahon chempionatidagi debyut ishtiroki 2019-yilda Buyuk Britaniyaning London shahrida oʻtkazilgan musobaqaga toʻgʻri keladi[4]. Musobaqada sportchi Wendell Belarmino, Carolina Santiago va Carlos Farrenberg bilan birgalikda jamoaviy bahslarda 49 ochko toifasida 4 × 100 metrga erkin usulda estafeta suzish yoʻnalishida kumush medalni qoʻlga kiritdi. Ularning jamoasi 3:53.17 koʻrsatkichi bilan marraga yetib kelishgan va Amerika qitʼasining yangi rekordini oʻrnatgan[5]. Sousa, shuningdek, S12 toifasida 100 metrga erkin usulda suzish yoʻnalishida 6-oʻrin, S12 toifasida 50 metrga erkin usulda suzish boʻyicha esa 8-oʻrinni egallagan[6].
2020-yilgi Yozgi Paralimpiya oʻyinlarida sportchi Wendell Belarmino, Douglas Matera va Carolina Santiago bilan birgalikda 49 ochko toifasida aralash bahslarning 4 × 100 metrga erkin usulda estafeta suzish bahslarida kumush medalni qoʻlga kiritgan. Ular 3:54.95 natijani qayd etgan[7].
2022-yil iyun oyida Portugaliyaning Madeira shahrida boʻlib oʻtgan para suzish boʻyicha jahon chempionatida Sousa S12 toifasida 50 metrga erkin usulda suzish bahsida bronza medalini qoʻlga kiritgan[8]. U Carolina Santiago, José Luíz Perdigão va Guilherme Batista bilan birga 49 ochko toifasida 4 × 100 metrga aralash estafeta yoʻnalishida ishtirok etib, 4:33.30 vaqt koʻrsatkichi bilan oltin medalga ega chiqqan. Ushbu natija 2-oʻrinni egallagan Ispaniya jamoasinikidan atigi 0.22 soniyaga oldinda edi[9]. Shuningdek, 49 ochko toifasida aralash jamoaviy bahslarning 4 × 100 metrga erkin usulda estafeta suzish yoʻnalishida esa u Matheus Rheine, Douglas Matera va Carolina Santiago bilan bir jamoada qatnashgan va yana oltin medalni qoʻlga kiritgan, ular qayd etgan natija 3:54.26 ga teng boʻlgan[10]. Bundan tashqari, sportchi S13 toifasida 100 metrga batterfly usulida suzish boʻyicha 4-oʻrinni, 100 metrga erkin usulda suzish boʻyicha 5-oʻrinni va 100 metrga batterfly usulida suzish boʻyicha esa 8-oʻrinni egallagan[11]. 2023-yilgi Buyuk Britaniyaning Manchester shahrida boʻlib oʻtgan jahon chempionatida Sousa 100 metrga erkin usulda suzish bahsida 1:01.54 koʻrsatkichini qayd etgan holda bronza medalini qoʻlga kiritgan[12]. U Carolina Santiago, Matheus Rheine va Douglas Matera bilan birga 49 ochko toifasida aralash jamoaviy bahslarning 4 × 100 metrga erkin usulda estafeta suzish yoʻnalishida qatnashib, 3:56.03 natija bilan oltin medalga sazovor boʻlgan[13].
Manbalar
- ↑ 1,0 1,1 1,2 1,3 „Lucilene da Silva Sousa“. Brazilian Paralympic Committee (2000-yil 5-aprel). 2023-yil 29-oktyabrda asl nusxadan arxivlangan. Qaraldi: 2023-yil 29-oktyabr.
- ↑ „Natação do Brasil tem duas dobradinhas no Parapan de Lima“. Terra (2019-yil 29-avgust). 2023-yil 29-oktyabrda asl nusxadan arxivlangan. Qaraldi: 2023-yil 29-oktyabr.
- ↑ „Para swimming – Athlete Profile: DA SILVA SOUSA Lucilene“. 2023-yil 29-oktyabrda asl nusxadan arxivlangan. Qaraldi: 2023-yil 29-oktyabr.
- ↑ „Brasil dobra delegação feminina para o Mundial Paralímpico de Natação em Londres“. Brazilian Paralympic Committee (2019-yil 6-sentyabr). 2023-yil 29-oktyabrda asl nusxadan arxivlangan. Qaraldi: 2023-yil 29-oktyabr.
- ↑ „Brasil chega ao último dia do Mundial de natação, em Londres, com 15 medalhas“. Brazilian Paralympic Committee (2019-yil 14-sentyabr). 2023-yil 29-oktyabrda asl nusxadan arxivlangan. Qaraldi: 2023-yil 29-oktyabr.
- ↑ „Confira todos os resultados do Brasil no Mundial de Natação de Londres“. Brazilian Paralympic Committee (2019-yil 16-sentyabr). 2023-yil 29-oktyabrda asl nusxadan arxivlangan. Qaraldi: 2023-yil 29-oktyabr.
- ↑ Magri. „Medalhistas paralímpicos brasileiros: Os medalhistas do Brasil na Paralimpíada de Tóquio“. El País Brasil (2021-yil 25-avgust). 2023-yil 1-aprelda asl nusxadan arxivlangan. Qaraldi: 2023-yil 29-oktyabr.
- ↑ „Brasil conquista três ouros nesta terça-feira e supera campanha do Mundial 2019“. Brazilian Paralympic Committee (2022-yil 14-iyun). 2023-yil 29-oktyabrda asl nusxadan arxivlangan. Qaraldi: 2023-yil 29-oktyabr.
- ↑ „Após 13 medalhas em um só dia, Brasil alcança 3º lugar no quadro de medalhas na Ilha da Madeira“. Brazilian Paralympic Committee (2022-yil 15-iyun). 2023-yil 23-oktyabrda asl nusxadan arxivlangan. Qaraldi: 2023-yil 29-oktyabr.
- ↑ „A um dia do fim do Mundial de natação paralímpica, estreantes do Brasil conquistaram mais da metade das medalhas do país na Ilha da Madeira“. Brazilian Paralympic Committee (2022-yil 17-iyun). 2023-yil 29-oktyabrda asl nusxadan arxivlangan. Qaraldi: 2023-yil 29-oktyabr.
- ↑ „Confira todos os resultados dos brasileiros no Mundial de natação na Ilha da Madeira 2022“. Brazilian Paralympic Committee (2022-yil 18-iyun). 2023-yil 23-oktyabrda asl nusxadan arxivlangan. Qaraldi: 2023-yil 29-oktyabr.
- ↑ „Carol Santiago é ouro pela 4ª vez e Cecília Araújo é tricampeã no Mundial de natação de Manchester“. Brazilian Paralympic Committee (2023-yil 4-avgust). Qaraldi: 2023-yil 29-oktyabr.
- ↑ „Brasil conquista dois ouros e mantém média de campeões por dia no Mundial de natação de Manchester“. Brazilian Paralympic Committee (2023-yil 5-avgust). 2023-yil 29-oktyabrda asl nusxadan arxivlangan. Qaraldi: 2023-yil 29-oktyabr.