Loyqa,Baxmal
Loyqa | |
|---|---|
Qishloq | |
| Mamlakat | Oʻzbekiston |
| Viloyat | Jizzax viloyati |
| Tuman | Baxmal tumani |
Loyqa | |
|---|---|
Qishloq | |
| Mamlakat | Oʻzbekiston |
| Viloyat | Jizzax viloyati |
| Tuman | Baxmal tumani |
Loyqa — Jizzax viloyati Baxmal tumanidagi qishloq aholi punkti. U Yangibogʻ mahalla fuqarolar yigʻini hududida joylashgan.
Etimologiyasi
Oykonim geografik termin asosida shakllangan. Suv havzalarida juda mayda dispers zarrachalardan iborat loysiman choʻkindi loyqa deb ataladi. U suvning sekin oqishi natijasida daryo, kanal, suv omborlari va boshqa suv havzalari tubida, shuningdek qishloq xoʻjaligi ekinlari sugʻorilgandan soʻng dalalarning pastki qismida yigʻilib qoladi[1].
Xalqob yoki chuqur joylarda loyqa oqiziqlar toʻplanib qoladi. Dara va soylar orqali tekislikka oqib chiqqan suvlarning oqiziqlari ham koʻpincha loyqa deb ataladi.
Loyqa toʻplanadigan joy atrofida tashkil topgan aholi punkti ham Loyqa deb nomlangan. Qishloq Bulungʻur arigʻi yaqinida joylashgan. “Bulungʻur” soʻzi moʻgʻul tilida loyqa suv maʼnosini bildiradi[2].
Shu bois loyqa va bulungʻur soʻzlari maʼno jihatdan yaqin (sinonim) hisoblanadi. Jizzax tumanida ham shu nom bilan ataladigan qishloq mavjud.