Louis Lawlor
| Louis Lawlor | |
|---|---|
| Shaxsiy maʼlumotlari | |
| Tavallud sanasi |
2002-yil 25-may Glazgo, Shotlandiya |
| Sport | |
| Mamlakat |
.svg){kind=small} Buyuk Britaniya |
| Qaysi sport | Para suzish |
| Murabbiy(lar)i | Danielle Brayson |
Louis Lawlor (2002-yil 25-mayda tugʻilgan) — britaniyalik para suzuvchi. U aqliy imkoniyati cheklangan sportchilar uchun moʻljallangan S14, SB14 va SM14 toifalari boʻyicha musobaqalarda qatnashadi. Sportchi 2020-yilgi Yozgi Paralimpiada oʻyinlari hamda 2024-yilgi Yozgi Paralimpiada oʻyinlarida Buyuk Britaniya sharafini himoya qilgan. Lawlor 2019-yilgi Jahon para suzish chempionatida erkaklar oʻrtasida 100 metrga chalqancha suzish (S14) yoʻnalishida bronza medalini qoʻlga kiritgan.
Yoshlik va shaxsiy hayoti
Louis Lawlor 2002-yil 25-mayda Shotlandiyaning Glazgo shahrida tugʻilgan. U murabbiy Danielle Brayson qoʻl ostida „City of Glasgow Swim Team“ klubida mashgʻulot oʻtkazgan[1]. Sportchi aqliy imkoniyati cheklangan suzuvchilar uchun moʻljallangan S14, SB14 va SM14 toifalardagi musobaqalarda qatnashadi[2]. Lawlor oʻzining LGBTQ hamjamiyatiga mansubligini ochiq bildirgan[3].
Faoliyati
Lawlor 2018-yilda para suzish musobaqalarida qatnashishni boshlagan hamda Sheffildda boʻlib oʻtgan „2018 British Para-Swimming International Meet“ turnirida ikkita sovrinli oʻrinni egallagan. U 100 metrga Batterfly) usulida suzishda kumush va 200 metrga erkin usulda suzishda bronza medalini qoʻlga kiritgan. Shuningdek, suzuvchi 2018-yilgi oʻsmirlar oʻrtasidagi Shotlandiyaning imkoniyati cheklanganlar suzish chempionatida „Eng yaxshi suzuvchi“ deb topilgan[1][2].
Lawlor 2019-yilgi „British Para-Swimming International Meet“ musobaqasining aralash toifadagi poygasida toʻrtinchi oʻrinni egallab, Londonda boʻlib oʻtadigan 2019-yilgi Jahon para suzish chempionati uchun Buyuk Britaniya terma jamoasi tarkibidan joy olgan[1][2]. U Jahon chempionatida erkaklar oʻrtasida 100 metrga chalqancha suzish (S14)] yoʻnalishida bronza medalini qoʻlga kiritgan, bu uning faoliyatidagi birinchi yirik xalqaro medal boʻlgan[1][4][5]. 2019-yilda u 100 metrga erkin usulda suzish boʻyicha 54.34 soniya natija koʻrsatib, Shotlandiya rekoridini oʻrnatgan[1][2].
Lawlor Paralimpiya oʻyinlaridagi debyutini Tokioda boʻlib oʻtgan 2020-yilgi Yozgi Paralimpiada oʻyinlarida oʻtkazgan. U erkaklar oʻrtasida 100 metrga chalqancha suzish (S14) musobaqasida qatnashib, final bosqichiga yoʻllanma olgan[5]. Finalda u oxirgi oʻrinni egalladi hamda umumiy hisobda 18 nafar ishtirokchi orasida sakkizinchi oʻrinni qayd etgan[6]. Madeyrada oʻtkazilgan 2022-yilgi Jahon para suzish chempionatida Lawlor erkaklar oʻrtasida 100 metrga chalqancha suzish (S14) hamda 200 metrga medley usulida suzish (SM14) bahslarida qatnashib, mos ravishda oltinchi va toʻqqizinchi oʻrinlarni egallagan[5].
2024-yilda Lawlor Parijda boʻlib oʻtgan 2024-yilgi Yozgi Paralimpiya oʻyinlarida Buyuk Britaniya terma jamoasi sharafini himoya qilish uchun tanlab olingan[7][8]. U erkaklar oʻrtasida 100 metrga chalqancha suzish (S14)]] bahslarida ishtirok etgan[5]. Lawlor saralash bosqichidan oʻtib, finalda ettinchi oʻrinni egallagan[9].
Manbalar
- ↑ 1,0 1,1 1,2 1,3 1,4 „Louis Lawlor Para-Swimmer“. British Swimming. 2026-yil 13-fevralda asl nusxadan arxivlangan. Qaraldi: 2026-yil 24-iyun.
- ↑ 2,0 2,1 2,2 2,3 „Louis Lawlor“. British Paralympic Association. Qaraldi: 2026-yil 24-iyun.
- ↑ „Team LGBTQ at the 2024 Paris Summer Paralympics“. Outsports. Qaraldi: 2025-yil 1-iyun.
- ↑ „Medalists by event, 2019 World Para Swimming Championships“. International Paralympic Committee. 2025-yil 5-iyunda asl nusxadan arxivlangan. Qaraldi: 2026-yil 24-iyun.
- ↑ 5,0 5,1 5,2 5,3 „Louis Lawlor“. International Paralympic Committee. 2024-yil 16-dekabrda asl nusxadan arxivlangan. Qaraldi: 2026-yil 24-iyun.
- ↑ „Swimming at the 2020 Summer Paralympics, Men's 100 metre backstroke S14“. International Paralympic Committee. Qaraldi: 2026-yil 24-iyun.
- ↑ „ParalympicsGB announces swimming squad for Paris 2024“. British Paralympic Association (2024-yil 20-may). 2026-yil 12-yanvarda asl nusxadan arxivlangan. Qaraldi: 2026-yil 24-iyun.
- ↑ „ParalympicsGB swimmers ready to take over Paris stage“. British Swimming (2024-yil 28-avgust). Qaraldi: 2026-yil 24-iyun.
- ↑ „Swimming at the 2024 Summer Paralympics, Men's 100 metre backstroke S14“. International Paralympic Committee. Qaraldi: 2026-yil 24-iyun.