Lionel Messining faoliyati
| ||
|---|---|---|
|
Argentinalik professional futbolchi Eponimlar va ommaviy sanʼat Media
Oilasi Bogʻliq |
||
.jpg)
Lionel Messi — argentinalik professional futbolchi boʻlib, Major League Soccerning Inter Miami klubida hujumchi sifatida oʻynaydi va jamoa sardori hisoblanadi. Uning shaxsiy yutuqlari qatoriga sakkizta Ballon d'Or mukofoti kiradi, bu futbolchilar orasidagi eng yuqori koʻrsatkichdir. 47 ta jamoaviy sovrinni[a] qoʻlga kiritgan Messi professional futbol tarixidagi eng koʻp sovrin yutgan futbolchi hisoblanadi[13].
Messining klublardagi faoliyati Barcelona safida boshlangan. U klubning yoshlar tizimidan oʻtib, 2004-yilda asosiy jamoada debyut qilgan. Uning faoliyati davomida Barcelona 10 marta La Liga, 7 marta Qirol kubogi, 4 marta UEFA Chempionlar ligasi, 7 marta Ispaniya Superkubogi, 3 marta UEFA Superkubogi va 3 marta klublar oʻrtasidagi Jahon chempionligini qoʻlga kiritdi, Messi esa klub tarixidagi eng yaxshi toʻpurarga aylandi. 2021-yilda klubning moliyaviy cheklovlari va liga qoidalari sababli Messi Barcelona bilan xayrlashib, Paris Saint-Germain bilan shartnoma imzoladi. Neymar va Kylian Mbappé kabi boshqa yulduz futbolchilar bilan birga oʻynagan Messi ikki marta Ligue 1 chempionligini va bir marta Trophée des Champions sovrinini qoʻlga kiritdi. 2023-yilda Messi Inter Miami safiga qoʻshilib, jamoa tarixidagi ilk MLS kubogi chempionligini olib keldi.
Xalqaro maydonda Messi 2005-yilda Argentina milliy terma jamoasida debyut qilgan va mamlakat sharafini Jahon chempionatining oltita hamda Copa Américaning yettita musobaqasida himoya qilgan. Dastlab terma jamoa bilan yirik turnirlarda gʻolib chiqa olmagani uchun tanqidga uchragan Messi jamoa sardori sifatida Argentina terma jamoasining 28 yil davom etgan xalqaro sovrinlar sogʻinchiga barham berdi. U jamoani 2021-yilgi Amerika kubogi, 2022-yilgi Finalissima, 2022-yilgi Jahon chempionati va 2024-yilgi Amerika kubogida gʻalabaga olib keldi.
Izohlar
- ↑ FC Barcelona[1], FIFA[2], Major League Soccer[3], Ispaniya Qirollik futbol federatsiyasi[4] va bir nechta ommaviy axborot vositalari[5][6][7] maʼlumotlariga koʻra, Messi 2005-yilgi Ispaniya Superkubogini ham qoʻlga kiritgan boʻlib, bu uning Barcelona safidagi sovrinlari sonini 35 taga yetkazgan[8]. Biroq Messi tarkibdan tashqarida boʻlgani va Real Betisga qarshi oʻtkazilgan ikki uchrashuvning birortasida ham maydonga tushmagani sababli, ushbu sovrin bu yerda hisobga olinmagan[9][10]. Xuddi shuningdek, Messi va Inter Miami 2025-yilgi MLS kubogi pley-off bosqichi davomida Sharqiy konferensiya chempioni boʻlganliklari uchun sovrin bilan taqdirlangan. Biroq ushbu sovrin FIFA tomonidan rasman tan olinmaganligi sababli, u ham bu yerda hisobga olinmagan[11]. Yuqorida keltirilgan sabablarga koʻra, manbalarda Messining faoliyati davomida qoʻlga kiritgan rasmiy sovrinlari umumiy soni borasida kelishmovchilik mavjud boʻlib, bu raqam 47 ta oʻrniga 49 ta deb koʻrsatilishi mumkin[12].
Manbalar
- ↑ „Messi wins 35th trophy with Barça“. FC Barcelona (2021-yil 17-aprel). 2024-yil 1-sentyabrda asl nusxadan arxivlangan. Qaraldi: 2024-yil 20-iyul.
- ↑ „The World Cup, The Best and all of Lionel Messi's trophy wins“. FIFA (2024-yil 19-yanvar). 2024-yil 15-iyulda asl nusxadan arxivlangan. Qaraldi: 2024-yil 16-iyul.
- ↑ „Lionel Messi extends world record: Inter Miami win Supporters' Shield“. Major League Soccer (2024-yil 3-oktyabr). 2024-yil 3-oktyabrda asl nusxadan arxivlangan. Qaraldi: 2024-yil 3-oktyabr.
- ↑ „Conditions regarding the marketing of the "Spanish Super Cup" audiovisual rights in the international markets“. Ispaniya Qirollik futbol federatsiyasi (2019-yil 12-noyabr). — „Lionel Messi is the competition's all-time leading scorer and most successful player with eight titles.“. 2024-yil 25-iyulda asl nusxadan arxivlangan. Qaraldi: 2024-yil 25-iyul.
- ↑ Aldunate, Ramiro „The legend of Messi“. Marca (2021-yil 18-aprel). 2024-yil 20-iyulda asl nusxadan arxivlangan. Qaraldi: 2024-yil 20-iyul.
- ↑ Corrigan, Dermot „Messi's magic has just won him a 35th trophy with Barcelona – but will it be the last?“. The New York Times (2021-yil 18-aprel). 2024-yil 20-iyulda asl nusxadan arxivlangan. Qaraldi: 2024-yil 20-iyul.
- ↑ Azzoni, Tales „Messi's future up in the air as Barcelona contract ends“. Associated Press (2021-yil 1-iyul). 2021-yil 30-iyunda asl nusxadan arxivlangan. Qaraldi: 2024-yil 20-iyul.
- ↑ „Lionel Messi wins 46th trophy as Inter Miami secures 2024 Supporters' Shield“. Marca (2024-yil 3-oktyabr). 2024-yil 6-oktyabrda asl nusxadan arxivlangan. Qaraldi: 2024-yil 6-oktyabr.
- ↑ Romero Nuñez, Fernando „Messi wins first title at Miami, does he hold the all-time record?“. Buenos Aires Herald (2023-yil 22-avgust). 2024-yil 20-iyulda asl nusxadan arxivlangan. Qaraldi: 2024-yil 20-iyul.
- ↑ Maverino, Silvio „Lionel Messi se convirtió en el jugador más ganador de la historia del fútbol“ [Lionel Messi became the winningest player in football history] (es). El Gráfico (2024-yil 15-iyul). 2024-yil 16-iyulda asl nusxadan arxivlangan. Qaraldi: 2024-yil 16-iyul.
- ↑ Cienfuegos, Manuel Meza „Why FIFA Doesn't Count Lionel Messi & Inter Miami's Eastern Conference Championship As an Official Title?“. Athlon Sports (2025-yil 29-noyabr). Qaraldi: 2025-yil 30-noyabr.
- ↑ Somma, Nicole „Lionel Messi further widens the gap in titles with Cristiano Ronaldo after his feat with Inter Miami: How many trophies does each have?“. Marca (2025-yil 30-noyabr). 2025-yil 30-noyabrda asl nusxadan arxivlangan. Qaraldi: 2025-yil 1-dekabr.
- ↑ „Lionel Messi becomes the player with the most trophies in history“ (2024-yil 14-iyul). 2024-yil 3-oktyabrda asl nusxadan arxivlangan.