Kontent qismiga oʻtish

Lindsey Jacobellis

ZiyoSfera, erkin ensiklopediya
Lindsey Jacobellis

Jacobellis 2010-yilda
Shaxsiy maʼlumotlari
Tavallud sanasi 1985-yil 19-avgust (1985-08-19) (41 yosh)
Danbury, Connecticut, U. S.
Sport
Mamlakat AQSH bayrogʻi AQSH
Qaysi sport Snoubord
Murabbiy(lar)i Peter Foley
Medallar
2 Oltin – 20, 2 Kumush – 2 , 2 Bronza – 3

Lindsey Jacobellis(1985-yil 19-avgustda tugʻilgan) — Konnektikut shtatining Roksbury shahridan boʻlgan amerikalik snoubordchi[1]. Barcha davrlarning eng koʻp mukofotlangan ayol snoubord kross sportchilaridan biri sifatida eʼtirof etiladigan Lindsey Jacobellis qariyb yigirma yil davomida ushbu sport turida yetakchilik qildi[2]. U besh karra jahon chempioni hamda oʻn karra Winter X Games chempioni hisoblanadi.

Jacobellis 2006-yilda oʻtkazilgan Qishki Olimpiya oʻyinlarida Olimpiadadagi debyutini amalga oshirib, snoubord kross yoʻnalishida kumush medalni qoʻlga kiritdi. Shundan soʻng u ketma-ket uchta Olimpiadada medalga erisha olmadi.

2022-yilda 2022-yilgi Qishki Olimpiada oʻyinlari esa u snoubord kross boʻyicha oltin medalni qoʻlga kiritdi[3] . Shuningdek, u jamoadoshi Nick Baumgartner bilan birgalikda aralash jamoaviy snoubord kross bahslarida ham oltin medalni qoʻlga kiritdi[4].

Dastlabki hayoti

Jacobellis Konnektikut shtatining Danberi shahrida tugʻilib, oʻsha yerda va Vermontning janubida oʻsgan, oilasi dam olish kunlari shu yerdagi uylarida boʻlishgan. Ota-onasi Ben va Anita Jacobellis uni va akasi Benni turli sport turlarida faol qatnashishga undagan. U yoshligidanoq raqobatchi boʻlib, doimo yonbagʻirlarda Ben yoki otasiga yetib olishga intilgan[5]. Bolaligida asosan changʻida uchgan, lekin 8 yoshida oilaviy uylari yonib ketib, barcha jihozlari yoʻq boʻlgach, snoubordga oʻtgan. U buni shunday izohlaydi: „Yangi changʻi anjomlarini sotib olishga qurbimiz yetmasdi, faqat snoubord sotib olishga mablagʻimiz bor edi.“ U Vermontdagi Stratton tog‘ maktabida taʼlim olgan. Bu maktab qishki sportchilarni tayyorlashga ixtisoslashgan kollejga tayyorlov oʻrta maktabi boʻlib, u 2003-yilda bitirgan. Snoubord krossida musobaqalashgan yagona qiz boʻlgan va oʻgʻil bolalarga qarshi bellashuv uning sportga yondashuvini shakllantirgani haqida aytadi[6].

Sportdagi karyerasi

Lindsey Jacobellis snoubord krossi bilan bir qatorda snoubord slopstili va snoubord yarim quvur (halfpipe) yoʻnalishlarida ham musobaqalarda qatnashgan. U ushbu yoʻnalishlarda ham raqobatbardosh natijalar koʻrsatgan[7].

2010-2013

Lindsey Jacobellis 2010-yilda oʻtkazilgan Qishki Olimpiya oʻyinlarida snoubord kross yoʻnalishida medal bosqichiga chiqa olmadi. Yarim final bahsining boshida u sakrashdan soʻng muvaffaqiyatsiz qoʻndi va boshqa sportchi bilan toʻqnashuvning oldini olish maqsadida darvozadan chetlab oʻtdi. Bu esa uning musobaqadan chetlatilishga sabab boʻldi; shundan soʻng u trassadan sirpanib chiqib ketdi. Yakuniy natijalarga koʻra, u 5-oʻrinni egalladi[8].

2011-yilda esa Jacobellis Winter X Games musobaqasida snoubord kross boʻyicha ketma-ket toʻrtinchi oltin medalini qoʻlga kiritdi. Bu gʻalaba uning 2008, 2009 va 2010-yillardagi oltin medallarini davom ettirdi[9].

2014-2017

Lindsey Jacobellis 2014-yilda Sochida oʻtkazilgan Qishki Olimpiya oʻyinlarida snoubord kross yoʻnalishida medal bosqichiga chiqa olmadi. Yarim final poygasida u yetakchilik qilayotgan paytda, marraga yetib kelmasdan avval erta nishonlash oqibatida yiqilib tushdi. Yakuniy natijalarga koʻra, u umumiy hisobda 7-oʻrinni egalladi[10].

The New York Times xabariga koʻra, 2014 va 2018-yilgi Olimpiya oʻyinlari oraligʻida Lindsey Jacobellis mashgʻulot jarayonini qayta koʻrib chiqdi. U syorfing va boshqa raqobat strategiyalarini rivojlantirish bilan bir qatorda, aqliy tayyorgarlikni kuchaytirish maqsadida mental koʻnikmalar boʻyicha murabbiy Denise Shull bilan ham ishlay boshladi[11].

2018-hozirgacha

2018-yilda oʻtkazilgan Qishki Olimpiya oʻyinlarida Lindsey Jacobellis snoubord kross yoʻnalishida faoliyatidagi ikkinchi Olimpiya finaliga chiqdi. Poyga davomida masofaning katta qismini boshqarib borganiga qaramay, u shohsupadan atigi 0,003 soniyaga ortda qolib, yakunda 4-oʻrinni egalladi[12].

Beshinchi Olimpiadasida Lindsey Jacobellis nihoyat 2022-yilda oʻtkazilgan Qishki Olimpiya oʻyinlarida snoubord kross yoʻnalishida Olimpiya chempioniga aylandi. Ushbu gʻalaba AQSh delegatsiyasi uchun Pekindagi birinchi oltin medal boʻldi va besh kun davom etgan oltin medallar seriyasizligiga yakun yasadi.

Turli ommaviy axborot vositalari sportchining oʻn olti yil davom etgan Olimpiya oltin medali yoʻlidagi saʼy-harakatlaridan soʻng erishilgan ushbu muvaffaqiyatini alohida eʼtirof etdi[13].

Shaxsiy hayoti

2025-yil 15-iyulda Jacobellis qiz farzandli boʻlganini maʼlum qildi[14].

Mukofotlari

ANOC Gala Awards 2022: Pekin 2022 Olimpiadasidagi eng yaxshi aralash jamoa chiqishi[15].

Manbalar

  1. ↑ Team USA profile
  2. ↑ „Medals update: Fifth time the charm for Lindsey Jacobellis in Beijing 2022 women's snowboard cross final“. Olympics.com. Qaraldi: 2022-yil 9-fevral.
  3. ↑ Branch, John. „Long Known for a Blunder, Jacobellis Rewrites Her Story in Gold“ (en-US). The New York Times (2022-yil 9-fevral). Qaraldi: 2022-yil 10-fevral.
  4. ↑ Team USA [@TeamUSA]. „DYNAMIC DUO GETS IT DONE 🙌 @LindsJacobellis and @nickbaumgartner win gold in the first-ever Olympic mixed team snowboard cross event. #WinterOlympics t.co/E8hHoCIEpx“ (en) (2022-yil 11-fevral). 2022-yil 14-fevralda asl nusxadan arxivlangan. Qaraldi: 2022-yil 18-fevral.
  5. ↑ Adams, Jonathan. „Lindsey Jacobellis' Family: 5 Fast Facts You Need to Know“. Heavy (2018-yil 15-fevral). Qaraldi: 2022-yil 11-fevral.
  6. ↑ Abrami, Alex. „Lindsey Jacobellis, US's first gold medalist of the Beijing Olympics, has Vermont ties“. Burlington Free Press (2022-yil 9-fevral). Qaraldi: 2022-yil 11-fevral.
  7. ↑ Aimee Berg. „Where Have You Gone, Lindsey Jacobellis?“. Team USA (2013-yil 28-mart). 2014-yil 22-fevralda asl nusxadan arxivlangan.
  8. ↑ John Branch.. „Redemption, but Not for Jacobellis“. New York Times (2010-yil 16-fevral).
  9. ↑ Devon O'Neil.. „Jacobellis four-peats in Snowboarder X“. ESPN (2011-yil 11-yanvar).
  10. ↑ John Branch.. „Lindsey Jacobellis Again Comes Up Short in Snowboard Cross“. New York Times (2014-yil 16-fevral).
  11. ↑ Branch, John. „The Haunting of Lindsey Jacobellis“. The New York Times (2018-yil 14-fevral).
  12. ↑ Nate Peterson.. „Snowboarder Lindsey Jacobellis falls short again at Winter Olympics, finishes fourth“. CBS Sports (2018-yil 15-fevral).
  13. ↑ Nate Peterson.. „Snowboarder Lindsey Jacobellis falls short again at Winter Olympics, finishes fourth“. CBS Sports (2018-yil 15-fevral).
  14. ↑ „Olympian Lindsey Jacobellis Is a Mom“. Snowboarder.
  15. ↑ „The ANOC Awards 2022“. ANOC. Qaraldi: 2022-yil 19-oktyabr. 
"https://ziyosfera.uz/index.php?title=Lindsey_Jacobellis&oldid=579540" dan olindi