Liliya Biktyakova
| Liliya Biktyakova | |
|---|---|
| Mamlakat |
 Oʻzbekiston |
| Tugʻilishi |
1979-yil 2-fevral Toshkent, Oʻzbekiston |
| Ishlatadigan qoʻli | Chap qoʻl |
| Olgan jami pul mukofot(lar)i miqdori | $4,417 |
| Yakkalik bahslar | |
| Eng yuqori pozitsiyasi | 799 (1998-yil 24-avgust) |
| Juftlik bahslari | |
| Eng yuqori pozitsiyasi | 740 (1998-yil 5-oktyabr) |
Liliya Biktyakova (1979-yil 2-fevralda tugʻilgan) – oʻzbekistonlik sobiq professional tennischi.
Faoliyati
Toshkentlik chapaqay tennischi Biktyakova 1990-yillarning oxirida Federatsiya kubogida Oʻzbekiston milliy terma jamoasi sharafini himoya qilgan. Oʻzining Federatsiya kubogidagi umumiy 11 ta bahslaridan ikkita yakkalik va ikkita juftlik oʻyinlarida gʻalaba qozongan. Liliya Federatsiya kubogidan tashqari, 1998-yilgi Osiyo o‘yinlarida ham Oʻzbekiston uchun bahslarga kirishgan. U, shuningdek, 1999-yil va 2000-yillarda boʻlib oʻtgan Tashkent Open turnirida ham ishtirok etgan.
Biktyakova 1998-yildan 2001-yilgacha Jorjiya kollejida oʻqib, oʻsha yerda tennis bilan shugʻullanib yurgan. U 2001-yilda Jorjiya kollejining eng yaxshi ayol sportchisi deb topilgan[1].
Shaxsiy hayoti
Biktyakova Jorjiya kolleji golfchisi Alex McMichael bilan turmush qurgan[1].
Uning singlisi Luiza ham tennischi boʻlib, Federatsiya kubogida hamda Jorjiya kollejida boʻlib oʻtgan turnirlarda ishtirok etgan[2].
Manbalar
- ↑ 1,0 1,1 „Lilia Biktyakova (McMichael), Georgia College“ (en). peachbeltconference.org.
- ↑ „Biktyakova Named to Georgia College Athletics Hall of Fame Class“ (en). Georgia College Athletics (2012-yil 18-dekabr). 2015-yil 21-sentyabrda asl nusxadan arxivlangan. Qaraldi: 2024-yil 30-sentyabr.