Leonore Gewessler
|
| |
| Iqlim ishlari, atrof-muhit, energetika, harakatchanlik, innovatsiyalar va texnologiyalar vaziri | |
|---|---|
|
Mansab davri 2020-yil, 7-yanvar – 2025-yil, 3-mart | |
| Prezident | Alexander Van der Bellen |
| Kansler | |
| Avvalgisi | Andreas Reichhardt |
| Keyingisi | Peter Hanke |
| Shaxsiy maʼlumotlari | |
| Tavalludi |
1977-yil 15-oktyabr Graz, Shtiriya, Avstriya |
| Siyosiy partiyasi | „The Greens – The Green Alternative“ (Avstriyaning ekologik partiyasi) |
| Alma mater | Vena universiteti |
_(cropped).jpg)
Leonore Gewessler ((nemischa talaffuzi – lɛoˈnoːʁε ˈgeːvεslɐ); 1977-yilning 15-sentabrida tugʻilgan) – avstriyalik „The Greens – The Green Alternative“ (Yashillar) partiyasi siyosatchisi. Gewessler Nehammer hukumatida Iqlim ishlari, atrof-muhit, energetika, harakatchanlik, innovatsiyalar va texnologiyalar vaziri lavozimida xizmat qilgan[1].
Hayoti
Taʼlimi
Gewessler Vena universitetidan siyosatshunoslik yoʻnalishi boʻyicha bakalavr darajasini olgan.
Siyosiy faoliyati
2014-yildan 2019-yilgacha Gewessler Avstriyaning eng yirik ekologik xayriya tashkiloti – Global 2000da rahbarlik qilgan. Ushbu tashkilot ekologik yoʻnalishda faoliyat yurituvchi va lobbichilik bilan shugʻullanuvchi guruh hisoblanadi. Gewessler bu davrda Slovakiyada joylashgan Mochovce atom elektr stansiyasining kengaytirilishiga qarshi ommaviy kampaniyani qoʻllab-quvvatlagan. Ushbu stansiya Avstriya chegarasidan atigi 100 km uzoqlikda joylashgan boʻlib, sovet davrida qurilgan[oydinlashtirilsin][2]. 2019-yilgi Avstriya parlament saylovidan keyingi koalitsion hukumat boʻyicha muzokaralarda Gewessler Yashillar partiyasi delegatsiyasi aʼzosi boʻlgan[2].
Tabiatni tiklash toʻgʻrisidagi qonunning qabul qilinishidagi roli
2024-yilning 17-iyunida Gewessler Yevropa Ittifoqining Tabiatni tiklash toʻgʻrisidagi qonuni qabul qilinishida muhim rol oʻynadi. Bu hujjat Yevropa Yashil bitimining asosiy tarkibiy qismidir va 2030-yilga qadar Yevropa hududidagi yer va dengiz maydonlarining 20 foizini tiklashni maqsad qilgan. Qonunga qarshi Avstriyaning federal yer birliklari tomonidan bildirilgan jamoaviy bayonotga qaramay, Gewessler uni qoʻllab-quvvatladi[3]. Gewessler bu qarorni „hamma imkoniyatlar sinab koʻrilmasdan bu imkoniyatdan voz kechish oʻz vijdonimga toʻgʻri kelmaydi“-deb izohladi. Biroq, ushbu harakat uni yuridik jihatdan tortishuvli holatga olib keldi. Chunki bu qaror nafaqat koʻpchilik federal yerlarning, balki hamkorlikdagi hukumatdagi oʻng markazchi Avstriya Xalq partiyasining qarshiligiga ham zid edi[4].
Gewesslerning ovozidan soʻng, Avstriya Xalq partiyasi unga qarshi sudga murojaat qildi. Partiya uni vazifasini suiisteʼmol qilishda ayblab, Yevropa Ittifoqi Adliya sudiga shikoyat qilishini eʼlon qildi. Shikoyatda Gewessler tomonidan qonun uchun berilgan ovozning haqiqiy emas deb topilishi soʻralgan[5]. Garchi Yevropa Ittifoqi Adliya sudidagi murojaat natijasi shubha ostida boʻlsa-da, vazifasini suiisteʼmol qilish aybi isbotlansa, bu 10 yilgacha ozodlikdan mahrum qilish jazosi bilan yakunlanishi mumkin edi[6].
2022-yilda Avstriya hukumati Yevropa Ittifoqining yadroviy energetikani „yashil investitsiya“ toifasiga kiritishiga qarshi sudga murojaat qildi[7]. Leonore Gewessler bu qarorni „Greenwashing“ (yashillikni soxtalashtirish) deb atadi[8]. Ushbu tasniflash tarafdorlari yadroviy energetikani, boshqa manbalarga nisbatan kam karbon chiqindilari chiqaruvchi texnologiya sifatida, issiqxona gazlarini kamaytirishdagi muhim vosita deb hisoblashadi[9].
Yana qarang
- Leonore Gewessler Avstriya parlament vebsayti
Manbalar
- ↑ „Leonore Gewessler, BA, Biografie“ (de). www.parlament.gv.at. Qaraldi: 2020-yil 12-yanvar.
- ↑ 2,0 2,1 Sam Jones (2020-yil 2-mart), Austrian Greens’ ‘super minister’ takes the reins, Financial Times.
- ↑ „EU-Renaturierungsgesetz: Bundesländerblockade bleibt aufrecht“ (de). ORF (2024-yil 17-iyun). Qaraldi: 2024-yil 28-may.
- ↑ Niranjan, Ajit. „EU passes law to restore 20% of bloc’s land and sea by end of decade“ (en-GB). The Guardian (2024-yil 17-iyun). Qaraldi: 2024-yil 17-iyun.
- ↑ „ÖVP brachte Strafanzeige gegen Gewessler ein“ (de). Kleine Zeitung (2024-yil 17-iyun). Qaraldi: 2024-yil 21-iyun.
- ↑ „ÖVP brachte Strafanzeige gegen Gewessler ein“ (de). Euractiv (2024-yil 20-iyun). Qaraldi: 2024-yil 20-iyun.
- ↑ Tidey, Alice „Austria launches legal case over EU's 'greenwashing' of nuclear & gas“ (en). euronews (2022-yil 10-oktyabr). Qaraldi: 2022-yil 21-oktyabr.
- ↑ Tidey, Alice „Austria launches legal case over EU's 'greenwashing' of nuclear & gas“ (en). euronews (2022-yil 10-oktyabr). Qaraldi: 2022-yil 21-oktyabr.
- ↑ Williams, Matthias; Abnett, Kate. „Austria seeks allies for legal challenge to EU green investment rules“ (en). Reuters (2022-yil 10-oktyabr). Qaraldi: 2022-yil 21-oktyabr.